Codemasters
Codemasters | |
|---|---|
 | |
| Տեսակ | տեսախաղեր մշակող և համակարգչային խաղերի հրատարակիչ |
| Հիմնադրված է | 1986 |
| Վայր | Ուորիքշիր, Արևմտյան Միդլենդս, Անգլիա, Միացյալ Թագավորություն |
| Երկիր | .svg){kind=small} Միացյալ Թագավորություն |
| Արդյունաբերություն | տեսախաղերի արդյունաբերություն |
| Աշխատողների թիվ | 800 մարդ |
| Մայր ընկերություն | Electronic Arts |
| Դուստր ընկերություններ | Slightly Mad Studios? |
| Սեփականատեր | Electronic Arts |
| Կայք | codemasters.com(անգլ.) |
 Codemasters Վիքիպահեստում | |
The Codemasters Software Company Limited (կարճ տարբերակը՝ Codemasters), համակարգչային խաղերի մշակող և հրատարակիչ, տեղակայված է Մեծ Բրիտանիայում։
Պատմություն
[խմբագրել | խմբագրել կոդը]Ընկերությունը հիմնադրվել է 1986 թվականին Ռիչարդ և Դեյվիդ Դարլինգների կողմից[1]։ Codemasters-ը արագ զբաղեցրեց իր տեղը խաղային շուկայում, զբաղվելով ZX Spectrum-ի համար խաղերի մշակմամբ, որոնք հիմնականում իրենցից ներկայացնում էին գլուխկոտրուկներ։ Այսպիսի խաղերի վառ օրինակ է՝ Dizzy-ի խաղաշարքը։ Չնայած Codemasters-ը հաջող կերպով սկսեց մշակել խաղերը ZX Spectrum-ի համար, նա նաև թողարկում էր խաղերը այլ համակարգերի համար՝ Enterprise 128, VIC 20, Commodore 64, Commodore 16, BBC Micro, Acorn Electron, Amstrad CPC, Atari 400/800, Commodore Amiga և Atari ST։
1980-ական թվականներին Codemasters-ը համարվում էր այն ընկերությունը, որը վաճառում էր իր խաղերը ամենացածր, չփոփոխվող գնով։ Սակայն սկսած 1992 թվականից ընկերությունը կրճատեց բյուջետային խաղերի շարքը, ավելի մեծ նախագծերով զբաղվելու համար, ինչն էլ դժգոհության ալիք բարձրացրեց խաղասերների շրջանում քանի, որ ընկերության հաջողության գործում մեծ դեր էին խաղացել հենց այդ խաղերը։
Երբ 8 բիթային տնային համակարգիչների շուկան սկսեց նեղանալ, Codemasters սկսեց մշակել խաղեր նախատեսված 16 բիթային խաղային համակարգերի համար, ինչպես նաև բյուջետային խաղերից անցում կատարեց ավելի թանկ խաղերի մշակմանը, իսկ արդեն 1993 թվականին թողարկվեց վերջին բյուջետային խաղը՝ Dizzy — Crystal Kingdom Dizzy։
2016 թվականի ապրիլին Codemasters-ը հայտարարեց, որ վարձել է ավտոմրցաշավային խաղերի մշակողների շատերին՝ Evolution Studios-ից, այն բանից հետո երբ Sony-ին փակեց ստուդիան[2]։
2019 թվականի նոյեմբերին Codemasters-ը հայտարարեց, որ գնել է Slightly Mad Studios ստուդիան։ Գործարքի արժեքը կազմում էր 30 մլն դոլար[3]։
2020 թվականի հուլիսի 1-ին Codemasters և World Rally Championship միջև կնքվեց պայմանագիր WRC խաղի մշակման համար։ Առաջին խաղը պլանավորվում է թողարկել 2023 թվականի ապրիլի 1-ից 2024 թվականի մարտի 31-ը[4]։
2020 թվականի նոյեմբերին Codemasters-ը հայտարարեց, որ Take-Two Interactive-ը դիմել է իրեն՝ գնման հարցով առաջարկելով 739,2 մլն ֆունտ սթերլինգ։ Codemasters հայտարարեց, որ խորհուրդը պատրաստ է հաստատել գործարքը որոշակի փոփոխություններից հետո[5][6]։ Նույն ամսում ընկերությունները համաձայնեցրեցին պայմանագրերը վաճառքի հետ կապված, գործարքը արժեցավ 994 մլն դոլար, իսկ պայմանագիրը ավարտվում է 2021 թվականին[7]։ Codemasters-ի ձեռք բերումից հետո, ընկերությունը գործելու էր 2K անվան ներքո։ Take-Two-ի տնօրեն Շտրաուս Զելնիկը հայտարարեց, որ Codemasters-ի կողմից մշակված ավտոմրցաշավային խաղերը համադրվում են իր սպորտային խաղերի շարքի հետ[8]։ Սակայն 2020 թվականի դեկտեմբերին, Electronic Arts-ի առաջարկը գերազանցեց Take-Two-ի առաջարկին։ Electronic Arts-ը առաջարկեց 1,2 միլլիարդ դոլար։ Codemasters-ի խորդուրդը համաձայնվեց EA-ի հետ[9]։ Գործարքը ավարտվեց 2021 թվականի փետրվարին, և ողջ բաժնետոմսերը անցան EA Codex Games Limited դուստր ընկերությանը[10][11]։ EA-ի ներկայացուցիչներից Էնդրյու Ուիլսոնը հայտարարեց, որը նրանք պլանավորում են պահպանել Codemasters-ը, որպես առանձին կազմակերպություն EA-ի կազմում[12]։
Ծանոթագրություններ
[խմբագրել | խմբագրել կոդը]- ↑ Mobygames Արխիվացված 2014-04-13 Wayback Machine History of Codemasters software company limited
- ↑ «Evolution Studios joins Codemasters, Hocking becomes VP of product». Gamesindustry.biz. 2016 թ․ ապրիլի 11. Արխիվացված օրիգինալից 2018 թ․ հոկտեմբերի 30-ին. Վերցված է 2016 թ․ ապրիլի 11-ին.
- ↑ «Codemasters acquires Project CARS developer Slightly Mad Studios». Polygon. 2019 թ․ նոյեմբերի 28. Արխիվացված օրիգինալից 2019 թ․ նոյեմբերի 28-ին. Վերցված է 2019 թ․ նոյեմբերի 28-ին.
- ↑ «Codemasters to create games based on the World Rally Championship». Gamesindustry.biz. 2020 թ․ հունիսի 1. Արխիվացված օրիգինալից 2020 թ․ հունիսի 7-ին. Վերցված է 2020 թ․ հունիսի 1-ին.
- ↑ «Take-Two to buy British videogame developer Codemasters for $973 mln». Reuters. 2020 թ․ նոյեմբերի 6. Արխիվացված օրիգինալից 2020 թ․ նոյեմբերի 6-ին. Վերցված է 2020 թ․ նոյեմբերի 6-ին.
- ↑ Robinson, Andy (2020 թ․ նոյեմբերի 6). «Codemasters confirms it's in talks with Take-Two over a possible sale». Video Games Chronicle. Արխիվացված օրիգինալից 2020 թ․ նոյեմբերի 6-ին. Վերցված է 2020 թ․ նոյեմբերի 6-ին.
- ↑ Phillips, Tom (2020 թ․ նոյեմբերի 10). «GTA publisher Take-Two confirms purchase of Codemasters in deal worth nearly $1bn». Eurogamer. Արխիվացված օրիգինալից 2020 թ․ նոյեմբերի 10-ին. Վերցված է 2020 թ․ նոյեմբերի 10-ին.
- ↑ «Looks Like Codemasters Will Be Acquired by Take-Two». Push Square. 2020 թ․ նոյեմբերի 10. Արխիվացված օրիգինալից 2020 թ․ նոյեմբերի 10-ին. Վերցված է 2020 թ․ դեկտեմբերի 2-ին.
- ↑ Neto, Streisand (2020 թ․ դեկտեմբերի 14). «EA snaps up racing game developer Codemasters in $1.2 billion deal». CNN. Արխիվացված օրիգինալից 2020 թ․ դեկտեմբերի 14-ին. Վերցված է 2020 թ․ դեկտեմբերի 14-ին.
- ↑ Kerr, Chris (2021 թ․ հունվարի 22). «Codemasters' directors vote in favor of $1.2 billion EA acquisition». Gamasutra. Արխիվացված օրիգինալից 2021 թ․ հունվարի 22-ին. Վերցված է 2021 թ․ հունվարի 22-ին.
- ↑ Robinson, Andy (2021 թ․ փետրվարի 18). «EA has officially completed its purchase of Codemasters». Video Games Chronicle. Արխիվացված օրիգինալից 2021 թ․ փետրվարի 18-ին. Վերցված է 2021 թ․ փետրվարի 18-ին.
- ↑ Barton, Seth (2021 թ․ մայիսի 18). «"$1.2 billion is a big number. But we think it's a great opportunity to bring two great companies together" – The inside track on EA's acquisition of Codemasters». MCVUK. Արխիվացված օրիգինալից 2021 թ․ մայիսի 20-ին. Վերցված է 2021 թ․ մայիսի 18-ին.