В247-ը՝ փորձարարական երկշարժիչ ռմբակոծիչ Boeing Y1B-9-ի «ժառանգորդն» է, որն առաջին անգամ օդ է բարձրացել 1931 թվականին, սակայն սերիական արտադրության մեջ չի մտել։ В247-ի մշակումը ձգձգվեց ներքին տարաձայնությունների պատճառով։ Բոինգ ընկերության գլխավոր ինժեները պնդում էր, որ նոր սարքավորումը չգերազանցի առկա մոդելների չափերը, սակայն պատվիրատուների ներկայացուցիչները, որոնց թվում էր նաև Իգոր Սիկորսկին, պահանջում էին չափերի և տարողունակության մեծացում։ Արդյունքում հաղթեցին «փոքր չափերի» կողմնակիցները և ինքնաթիռը թողարկվեց տասը տեղով, որի պատճառով մրցակից Douglas ընկերության ինքնաթիռներն առաջ անցան В247-ից։ В247-ի կառուցվածքային յուրահատկությունը, որը ժառանգել էր В-9-ից և որն անհարմարություն էր պատճառում ուղևորներին, ողափայտն էր (լոնժերոն), որն անցնում էր սրահի միջով։
Boeing 247 Վիքիպահեստում