Beast (երգ)
- Անվան այլ կիրառումների համար տե՛ս՝ Beast (այլ կիրառումներ)
«Beast» | |||||
---|---|---|---|---|---|
Միա Մարտինայի և Վակա Ֆլոկա Ֆլեյմի սինգլը | |||||
«Mia Martina» ալբոմից | |||||
Թողարկված | Ապրիլի 7, 2015 | ||||
Ֆորմատ | Թվային ներբեռնում | ||||
Ժանր | փոփ | ||||
Տևողություն | 3:09 | ||||
Լեյբլ | CP Records? | ||||
Պրոդյուսեր | Բրիյա Իսահակ | ||||
Միա Մարտինայի սինգլների ժամանակագրություն | |||||
|
|||||
Վակա Ֆլոկա Ֆլեյմի սինգլների ժամանակագրություն | |||||
|
«Beast», կանադացի երգչուհի Միա Մարտինայի երգն է, համագործակցությամբ ամերիկացի ռեփերներ Վակա Ֆլոկա Ֆլեյմի հետ։ Այն թողարկվել է 2015 թվականի ապրիլի 7-ին՝ որպես Միա Մարտինայի «Mia Martina» անվանումը կրող երկրորդ ալբոմի հինգերորդ սինգլ[1]։ Երգը գրվել է Բրիյա Իսահակի, Միա Մարտինայի և Վակա Ֆլոկա Ֆլեյմի կողմից։
Նախապատմություն[խմբագրել | խմբագրել կոդը]
2014 թվականի սեպտեմբերին Մարտինան հրապարակում է իր «Mia Martina» անվանումը կրող երկրորդ ալբոմի երգացանկը, որի 5-րդ երգը «Beast»-ն է։ Երգի պրեմիերան կայանում է նույն ամսում[2], իսկ ալբոմը թողարկվում է նույն տարվա հոկտեմբերի 14-ին։ Երգը որպես ալբոմի հինգերորդ սինգլ թողարկվում է 2015 թվականի ապրիլի 7-ին[1]։ Երգի շապիկի պատկերի վրա Մարտինան է, ում մազերը ծածկել է դեմքի մի մասը[1]։
«Beast»-ը 3 րոպե և 9 վայրկյան տևողությամբ երգ է[1]։ Մարտինան և Վակա Ֆլոկան այն գրել են Բրիյա Իսահակի հետ, ով նաև զբաղվել է երգի պրոդյուսերական աշխատանքով։ Բրիյա Իսահակը նախկինում նաև աշխատել է այնպիսի կատարողների հետ, ինչպիսիք են Ֆլո Ռայդա, Պիտբուլ, Դեյվիդ Գետտա, Նիքի Մինաժ և այլք։ «Billboard» ամսագրի հետ հարցազրույցում Մարտինան երգը անվանել է «մռայլ և սեքսուալ», իսկ Վակա Ֆլոկան, ով երգում հանդես է գալիս կարճ ռեփ հատվածով, այն անվանել է «հիանալի ձայնագրություն»[3]։ Մարտինան խոսելով Վակա Ֆլոկայի հետ համագործակցության մասին, ասել է․ «Առաջին հերթին Վական հիանալի է, իսկ նրա էներգիան ապշեցուցիչ է։ Նա ռոք աստղ է»[4]։
Տեսահոլովակ[խմբագրել | խմբագրել կոդը]
Երգի տեսահոլովակը, որի ռեժիսորն է Մարկ Անդրե Դեբրայնը[5], ներկայացվել է 2015 թվականի ապրիլի 30-ին[3]։ Խոսելով տեսահոլովակի մասին, Միա Մարտինան «Billboard» ամսագրին տված հարցազրույցում ասել է․ «Այս երգը թե՛ երաժշտականորեն, թե՛ բառերի առումով մռայլ ու սեքսուալ է, և ես ուզեցել եմ իրականացնել այս զգացումը ողջ տեսահոլովակի ընթացքում»[3]։ Տեսահոլովակը Much Music Video Awards 2015 մրցանակաբաշխությունում առաջադրվել է «Տարվա էլեկտրոնային/պարային տեսահոլովակ» անվանակարգում, սակայն չի հաղթել[6]։
Կենդանի կատարումներ[խմբագրել | խմբագրել կոդը]
2015 թվականի հունիսի 21-ին Միա Մարտինան և Վակա Ֆլոկա Ֆլեյմը երգը կատարել են Much Music Video Awards մրցանակաբաշխության ժամանակ[7]։
Հիթ շքերթներ[խմբագրել | խմբագրել կոդը]
Հիթ շքերթ (2015) | Զբաղեցրած տեղ |
---|---|
Կանադա (Canadian Hot 100) | 39 |
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 «Beast (feat. Waka Flocka) - Single by Mia Martina». iTunes Store. Վերցված է 2015 թ․ հուլիսի 2-ին.
- ↑ Martina, Mia (2014 թ․ սեպտեմբերի 16). «Beast (feat. Waka Flocka) by Mia Martina». SoundCloud. Վերցված է 2015 թ․ օգոստոսի 16-ին.
- ↑ 3,0 3,1 3,2 Weiner, Natalie (2015 թ․ ապրիլի 29). «Exclusive: Watch Mia Martina's Not-So-Fairy Tale Romance With Waka Flocka in 'Beast' Video». Billboard. Վերցված է 2015 թ․ հուլիսի 2-ին.
- ↑ Williams, Jasmine (2015 թ․ հունիսի 15). «Mia Martina talks MMVAs, Her New Album and Working with Waka Flocka on "Beast"». ANDPOP. Արխիվացված է օրիգինալից 2015 թ․ սեպտեմբերի 23-ին. Վերցված է 2015 թ․ օգոստոսի 16-ին.
- ↑ «Watch Mia Martina's Music Video "Beast" Directed by Marc Andre Debruyne». FMTV. Արխիվացված է օրիգինալից 2015 թ․ հուլիսի 2-ին. Վերցված է 2015 թ․ հուլիսի 2-ին.
- ↑ «Here Are The 2015 Much Music Video Awards Nominees!». CIMA. Արխիվացված է օրիգինալից 2015 թ․ հուլիսի 2-ին. Վերցված է 2015 թ․ հուլիսի 2-ին.
- ↑ «Mia Martina And Waka Flocka Bring Out The Beast During A Red Riding Hood Inspired Performance At The 2015 MMVAs!». perezhilton.com. 2015 թ․ հունիսի 21. Արխիվացված է օրիգինալից 2015 թ․ հուլիսի 2-ին. Վերցված է 2015 թ․ հուլիսի 2-ին.