Ֆուրնա Ֆեյա ազգային պարկ

Ֆուրնա Ֆեյա ազգային պարկ Parque Nacional da Furna Feia
Տեսակ	ազգային պարկ
Երկիր	Բրազիլիա
Վարչատարածք	Ռիու Գրանդի դու Նորտի
Հիմնվել է	2012
Մակերես	8518 հեկտար
Կառավարում	Բրազիլիայի դաշնային կառավարություն

Ֆուրնա Ֆեյա ազգային պարկ (պորտ.՝ Parque Nacional da Furna Feia), ազգային պարկ Ռիու Գրանդի դու Նորտի նահանգում, Բրազիլիա։ Այն պարունակում է մեծ քարանձավային համակարգ։

Պատմություն

Ֆուրնա Ֆեյան առաջին ազգային պարկն է Ռիու Գրանդի դու Նորտի նահանգում։ Պարկի ստեղծումը կանգ է առել տարածքում իրագործվող հանքարդյունաբերության պատճառով, հիմնականում՝ կրաքարի, որն օգտագործվում է ցեմենտի արտադրության համար։ Որպես փոխզիջում՝ նախագծված պարկի տարածքից 700 հեկտարը հատկացվեց հանքարդյունաբերության ձեռնարկությանը, ինչով վերացավ հիմնական խոչընդոտը։ Պարկը ստեղծվել է 2012 թվականի հունիսի 5-ին և կառավարվում է Չիկո Մենդեսի Կենսաբազմազանության պահպանության ինստիտուտի կողմից։ Նախագահ Դիլմա Ռուսեֆը պարկի ստեղծումը հռչակել է Շրջակա միջավայրի համաշխարհային օրը։

Տեղագրություն

Պարկը գտնվում է Կաատինգա բիոմում և զբաղեցնում է 8518 հա տարածք։ Ազգային պարկն ընկած է Բարաունա և Մոսորո մունիցիպալիտետներում՝ Ռիու Գրանդի դու Նորտի նահանգում։ Ֆուրնա Ֆեյան Ռիու Գրանդի դու Նորտի նահանգի խոշորագույն քարանձավային համալիրն է։ Առայժմ հայտնաբերվել են ավելի քան 200 քարայրներ։ Գլխավոր քարանձավն ունի 766 մետր երկարություն, և այն պարկի ամենակարևոր գրավչությունն է։ Կան բույսերի 105 ու կենդանիների 135 տեսակներ, որոնցից մի քանիսը վտանգված են։ Հայտնաբերվել են տրիլոբիտներ անողնաշարավորների 11 տեսակներ, որոնք բոլորն էլ նորություն էին գիտության համար։

Պահպանություն

Պարկը դասվում է Բնության պահպանության միջազգային միության II կատեգորիային (ազգային պարկ)։ Նպատակն է` պահպանել Ֆուրնա Ֆեյայի սպելեոգիական համալիրն ու Կաատինգա բիոմի կենսաբազմազանությունը, իրականացնել գիտական հետազոտություններ, զարգացնել կրթական գործունեությունը և բնապահպանական մեկնաբանությունը, ինչպես նաև ապահովել բացօթյա հանգիստ և էկոտուրիզմ։ Չիկո Մենդեսի Կենսաբազմազանության պահպանության ինստիտուտը աշխատում է տեղացիների հետ՝ փորձելով կանխել այնպիսի գործողություններ, ինչպիսին են՝ որսորդությունը, փայտանյութի անօրինական տեղափոխումը և քարանձավների կործանարար այցելությունները, մասնավորապես՝ դեպի գլխավոր քարանձավ։ Գործակալությունը հիմնել է հրշեջ խումբ, որն օգնում է կանխել անտառային հրդեհները՝ որպես պահպանության ենթակա միավոր։

Պատկերասրահ

• 
• 
• 
• 

Աղբյուրներ

• Alex Costa (26 September 2012), «Furna Feia: primeiro parque nacional do RN», Tribune do Norte, http://tribunadonorte.com.br/noticia/furna-feia-primeiro-parque-nacional-do-rn/232515, վերցված է 2016-05-01 
• Brazil Declares New Nature Reserves, Forest Fears Persist, Environment News Service, 5 June 2012, արխիվացված օրիգինալից 2012-11-05-ին, https://www.webcitation.org/6BwA6IZMZ?url=http://ens-newswire.com/2012/06/06/brazil-declares-new-nature-reserves-forest-fears-persist/, վերցված է 6 June 2012 
• (portuguese) Parque Nacional da Furna Feia, Chico Mendes Institute for Biodiversity Conservation, արխիվացված օրիգինալից 2016-03-03-ին, https://web.archive.org/web/20160303203244/http://www.icmbio.gov.br/portal/biodiversidade/unidades-de-conservacao/biomas-brasileiros/caatinga/unidades-de-conservacao-caatinga/3039-parna-da-furna-feia.html, վերցված է 2016-05-01 
• (portuguese) Unidade de Conservação: Parque Nacional da Furna Feia, MMA: Ministério do Meio Ambiente, http://sistemas.mma.gov.br/cnuc/index.php?ido=relatorioparametrizado.exibeRelatorio&relatorioPadrao=true&idUc=2633, վերցված է 2016-05-01 
• Victor Souza (2 July 2013), PARQUE NACIONAL DA FURNA FEIA COMEMORA SEU PRIMEIRO ANIVERSÁRIO, João Pessoa: ICMBio, http://www.icmbio.gov.br/portal/comunicacao/noticias/20-geral/4100-parque-nacional-da-furna-feia-comemora-seu-primeiro-aniversario.html, վերցված է 2016-05-01 (չաշխատող հղում)

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ֆուրնա Ֆեյա ազգային պարկ կատեգորիայում։