Ֆիզիկական ակտիվություն
 |
Ուշադրություն, այս հոդվածն աղբյուրների կարիք ունի։ Դուք կարող եք օգնել նախագծին՝ գտնելով բերված տեղեկությունների հաստատումը վստահելի աղբյուրներում և ավելացնելով այդ աղբյուրներին հղումները հոդվածին։ Անհիմն հղումները ենթակա են հեռացման։ |
Ֆիզիկական ակտիվություն, առողջ ապրելակերպի անհրաժեշտ մաս։
Ֆիզիկական ակտիվությունը կարևոր դեր է խաղում մարդու կյանքում, սակայն շատ քչերն են, որ կանոնավոր զբաղվում են սպորտով։ Առողջության համար ամենաարդյունավետը և օգտակարը բացօթյա վարժություններն են։
Բովանդակություն
Ֆիզիկական ակտիվությունը և առողջությունը[խմբագրել | խմբագրել կոդը]
Կանոնավոր ֆիզիկական ակտիվությունը տարբեր հիվանդություններից խուսափելու ամենաարդյունավետ և մատչելի ձևն է, որը բարելավում է մարդու առողջական վիճակը տարբեր ձևերով՝
- կարգավորում է սրտի զարկերի հաճախականությունը
- նվազեցնում է սիրտ–անոթային համակարգի հիվանդությունների ռիսկը
- ամրացնում է ոսկորները
- պաշտպանում է օստեոպորոզից։
Տեսակները[խմբագրել | խմբագրել կոդը]
- Աէրոբիկա, մկանային մեծ ծավալների վրա ներազդող ռիթմիկ վարժություններ, որոնք օրգանիզմում բարձրացնում են թթվածնի պահանջը։
- Ջրային աէրոբիկա , կարող են վայելել ավելի մեծահասակները, ովքեր սպորտով ակտիվ չեն զբաղվում։
- Կալանետիկա, վերականգնողական վարժության տեսակ է, ինչը կարելի է կատարել տանը։
- Պիլատես, անընդհատ կրկնվող մի շարք վարժությունների կազմ է, ինչը ներազդում է մարմնին ու մտքին։
Այս վարժությունները բարերար ազդեցություն են ունենում ֆիզիկական ներդաշնակության վրա և հարմար են պատրաստվածության տարբեր մակարդակներում գտնվող տարբեր տարիքային խմբերի մարդկանց համար։
- Ֆիթնես, մարզանքի ձև է, որը ներառում է շնչառական և քաշային վարժություններ, ինչպես նաև համապատասխան սննդակարգին հետևելը։
- Յոգա, պետք է ընկալվի որպես մարմինն ու միտքը կատարելագործելու մեթոդ, որը հետագայում դառնում է ապրելակերպ։
- Թայ Չին, ֆիզիկական վարժությունների տեսակ է, որը հիմնված է չինական մեթոդների վրա։ Այստեղ հիմնականում կենտրոնանում են ակտիվ մեդիտացիայի վրա։
- Ֆիտբոլ, մարզանքի՝ զվարճանքի հետ կապված ապահով տեսակ է, որը հատկապես խորհուրդ է տրվում մեծահասկաներին, հղիներին և հետծննդաբերական ընթացքում գտնվող կանաց։
- Ստեպ, աէրոբիկայի տեսակ է՝ ինտենսիվ շարժումների ձևով, որը նպաստում է ավելորդ կալորիաների այրմանը, ազատում է ճարպերից և բարելավում սրտանոթային համակարգի աշխատանքը։
- Ձգում, օգնում է ցավի հանդեպ մկանների զգայունության նվազեցմանը, պաշտպանում մեզ վնասվածքներից և օգնում վերականգնվել ծանր վարժություններից հետո։
- Մանրավազք, ոչ այլ ինչ է, քան դանդաղ վազելը։ Այս տարածված մարզանքը չի նախատեսում հատուկ վայր, գործիքներ կամ որևէ բարդ վարժություն։
Ֆիզիկական ակտիվությունը և հոգեկան առողջությունը[խմբագրել | խմբագրել կոդը]
Ֆիզիկական ակտիվության բարենպաստ ազդեցությունը կարելի է տեսնել նաև հոգեբանական ոլորտում։ Մարզանքը նվազեցնում է վախերը, օգնում է հաղթահարելու դեպրեսիան, բարելավում է քնի որակը և ինքնազգացողության սուբյեկտիվ գնահատականը։ Ավելին, խմբով արվող ֆիզիկական վարժություններն օգնում են ինտեգրմանը։ Ֆիզիկական ակտիվությունը նաև առօրյա հոգսերից կտրվելու ձև է. այն թույլ է տալիս մոռանալ ամենօրյա սթրեսները։ Ֆիզիկական ծանրաբեռնվածությունը նպաստում է ավելի լավ տրամադրություն ունենալուն, ինչն ազդում է ընկալումների վրա։
Ֆիզիկական ակտիվությունն ու սննդակարգը[խմբագրել | խմբագրել կոդը]
Ֆիզիկական ակտիվությունը բարձրացնում է օրգանիզմի կալորիաների սպառումը, ինչը նպաստում է մարմնի ծավալը նվազեցնելուն և դրա պատշաճ քաշի ձեռքբերմանը։ Կանոնավոր վարժությունները բարենպաստ են անդրադառնում օրգանիզմի մարսողական համակարգի վրա, փակում են ախորժակը և օգնում մարմնի ճարպերը պակասեցնելուն։ Ֆիզիկական վարժությունները ոչ միայն օգնում են ավելի լավ տեսք ունենալ, այլ նաև լավ զգալ և խուսափել ավելորդ քաշի հետ կապված շատ խնդիրներից։
Հավելյալ օգուտը[խմբագրել | խմբագրել կոդը]
Եթե առողջության օգուտները բավարար չեն ակտիվ դառնալու համար, գուցե այն, թե ինչպես է մարզանքն անդրադառնում լիբիդոյի վրա, կարող է ավելի լավ փաստարկ հանդիսանալ։ Երբ մարդը սպորտով է զբաղվում, օրգանիզմում արտադրվում է սեռական ակտիվությանը նպաստող հորմոնը։ Սպորտը նաև մեծ ազդեցություն ունի արտաքին տեսքի վրա և թույլ է տալիս գրավել հակառակ սեռին։
