Ֆգուրա

Բնակավայր
Ֆգուրա
Դրոշ Զինանշան
Երկիր	Մալթա
Մակերես	1,1 կմ²
ԲԾՄ	49 մետր
Բնակչություն	▲13 066 մարդ (2021)
Փոստային դասիչ	FGR
Պաշտոնական կայք	localgovernmentdivisioncms.gov.mt/en/lc/Fgura/Pages/default.aspx
Ֆգուրա (Մալթա)
Ֆգուրա Վիքիպահեստում

Ֆգուրա (մալթ.՝ Il-Fgura, իտալ.՝ Figura), քաղաք Մալթայի արևելյան մասում, Մեծ նավահանգստի գոտում։ Վերջին վեց տասնամյակների ընթացքում բուռն զարգացում է ապրել՝ ֆերմերային փոքրիկ գյուղակից վերափոխվելով աշխույժ առևտրային կենտրոնի և դառնալով երկրի ամենաարագ աճող բնակավայրերից մեկը։ Բնակչության թվաքանակը 2014 թվականի մարտի 31-ի տվյալներով եղել է 11.670: Բնակչության խտության ցուցանիշով Ֆգուրան առաջին հորիզոնականներից մեկն է զբաղեցնում Մալթայում։ Քաղաքի գլխավոր տեսարժան հուշարձանը Կարմել սարի վրա 1988 թվականին կառուցված ու օծված Աստվածամոր ծխական եկեղեցին է։ Ֆգուրայի ներկայիս տարածքն ու շրջական բնակեցված են եղել առնվազն 2300 տարի առաջ։ Այդ են վկայում հնագիտական պեղումների արդյունքում հայտնաբերված փյունիկյան վեց դամբանները, որոնցում գտնվել են մարդկային կմախքներ, կենդանիների մնացորդներ, խեցեղեն, բրոնզե առարկաներ։ Այս կարևոր պատմական հայտնագործության կապակցությամբ Ֆգուրայի փողոցներից մեկն անվանվել է Հայտնագործությունների փյունիկյան փողոց («Triq is-Sejba Punika»):

Ժողովրդագրություն

Պատկերասրահ

• 
  Մալթայի Մեծ նավահանգստի գոտին
• 
  Ծխական եկեղեցին
• 
• 
  Reggie Miller պարտեզը
• 
  Հոմպեշի կամարը
• 
  Ֆգուրայի գրական ընկերության համահիմնադիր, բանաստեղծ, արձակագիր, սիրված երգերի հեղինակ Ջորջ Սթիվենսի հուշարձանը

Գրականություն

• Alfie Guillaumier, Bliet u Rħula Maltin (Villes et villages maltais), Klabb Kotba Maltin, Malte, 2005.
• (անգլերեն) Juliet Rix, Malta and Gozo, Brad Travel Guide, Angleterre, 2013.
• Alain Blondy, Malte, Guides Arthaud, coll. Grands voyages, Paris, 1997.

Արտաքին հղումներ

• Fgura Scouts
• M.U.S.E.U.M. Boys Fgura

Վիքիպահեստն ունի նյութեր, որոնք վերաբերում են «Ֆգուրա» հոդվածին։