Օսկար Ֆերդինանդ Մեյեր
| Օսկար Ֆերդինանդ Մեյեր | |
|---|---|
.png) | |
| Ծնվել է | մարտի 29, 1859 |
| Ծննդավայր | Ներեսհայմ, Արևելյան Ալբ, Շտուտգարտի ադմինիստրատիվ օկրուգ, Բադեն-Վյուրթեմբերգ |
| Մահացել է | մարտի 11, 1955 (95 տարեկան) |
| Մահվան վայր | Չիկագո, Իլինոյս, ԱՄՆ |
| Գերեզման | Ռոուզհիլի գերեզմանատուն[1] |
| Քաղաքացիություն | .svg){kind=small} ԱՄՆ |
| Մասնագիտություն | ձեռնարկատեր |
| Երեխաներ | Օսկար Գ. Մեյեր, Սըր. |
Օսկար Ֆերդինանդ Մեյեր (անգլ.՝ Oscar F. Mayer, մարտի 29, 1859, Ներեսհայմ, Արևելյան Ալբ, Շտուտգարտի ադմինիստրատիվ օկրուգ, Բադեն-Վյուրթեմբերգ - մարտի 11, 1955, Չիկագո, Իլինոյս, ԱՄՆ), գերմանական ծագմամբ ամերիկացի, որը հիմնել է իր անունը կրող «Օսկար Մեյեր» մսամթերքի արտադրությունը։
Վաղ կյանք և կարիերա[խմբագրել | խմբագրել կոդը]
Մեյերը ծնվել է Վյուրտեմբերգյան Թագավորության Կյոզինգեն քաղաքում, որտեղ էլ նրա ընտանիքի անդամները սերնդեսերունդ զբաղվել են անտառապահությամբ։ 1873 թվականին ներգաղթել է Միացյալ Նահանգներ և ապրել Դեթրոյթ քաղաքում իր զարմիկ Ջոն Սքրոլսի հետ։ Աշխատել է այդ քաղաքի մսի շուկայում և 1876 թվականին Սքրոլսի հետ տեղափոխվել է Չիկագո։ Մեյերը գտել է աշխատանք Չիկագոյի հյուսիսային կողմում գտնվող «Արմոր և Քամփնի» ընկերությունում։ 1880 թվականին մսամթերքի սեփական բիզնես սկսելու գաղափարը կիսել է իր կրտսեր եղբայր՝ Գոթֆրիդի հետ, ով այդ ժամանակ վերադարձել էր Գերմանիա։ Նա խնդրել է Գոթֆրիդին ուսումնասիրել երշիկի արտադրությունը։ Միևնույն ժամանակ սկսել էր խնայել փողերը ճամփորդության համար։ Երեք տարի անց, բացել է իր սեփական մսամթերքի խանութը իր եղբայրներ Գոթֆրիդի և Մաքսի հետ, երբ նա 24 տարեկան էր։ Հինգ տարի անց, սեփականատերը մերժել է թարմացնել վարձակալության պայմանագիրը, հույս ունենալով, որ նա կարող էր շահույթ ստանալ Մեյերի բիզնեսի հաջողությունից։ Սակայն Մեյերը հրաժարվել է այդ սեփականատիրոջից և գնել է սեփականություն, ապա կառուցել երկհարկանի շենք իր բիզնեսի և ընտանիքի համար։ 1887 թվականին ամուսնացել է ծագումով Մյունխենից Լուիզ Գրեյների հետ, և նրանց միակ որդին՝ Օսկար Գ. Մեյեր ավագը ծնվել է այդ շենքում[2]։
Ընկերության շարունակական աճին զուգընթաց այն դարձել է այնպիսի միջոցառումների հովանավոր, ինչպիսին են «Պոլկա» նվագախումբը և 1893 թվականի «Ուոլդս Քոլումբիան Էքսպոզիթիոն»-ի գերմանական ցուցահանդեսը։ 1900 թվականին ընկերության աշխատակիցների թիվը աճել է մինչև 43, ապահովելով մսի առաքումը Չիկագոյում և նրա արվարձաններում։ 1904 թվականին ընկերությունը սկսել է իր սեփական ապրանքանիշի օգտագործումը իր մսամթերքի արտադրության համար, և եղել է «Սննդի անվտանգության և հսկողության ծառայության» ամենաառաջին մասնակիցներից մեկը, որը գտնվել է « Ֆեդերալ Միթ Ինսպեքշն» ակտի ներքո և ստուգել իր արտադրանքի որակը[3]։ Այդ ժամանակվանից բիզնեսը անվանվել է նրա անունով և աշխատակիցների թիվը աճել է մինչև 9,000 հետևյալ վայրերում՝ Դավենփորթ, Այովա, Լոս Անջելես, Մեդիսոն, Վիսքոնսին և Ֆիլադելֆիա[2]։
1912 թվականին Մեյերը հիմնադրել է «Լինքոլն Փարք Գան» ակումբը Ֆիլիպ Կ. Ռիգլեյի, Սիլ Էյվրիի և այլ հայտնի Չիկագոյի քաղաքացիների հետ։
Մահ[խմբագրել | խմբագրել կոդը]
Վեց շաբաթ հիվանդ լինելուց հետո մահացել է իր տանը (ծննդյան 96 ամյակից երկու շաբաթ առաջ ) քնած ժամանակ 95 տարեկանում՝ 1955 թվականի մարտի 11-ին։ Կինը մահացել է 1931 թվականին[2]։
Նրա ավագ թոռ՝ Չակ Քոլինզը տնտեսագետ է և բարերար։
Ծանոթագրություններ[խմբագրել | խմբագրել կոդը]
- ↑ https://de.findagrave.com/memorial/712/oscar-ferdinand-mayer
- ↑ 2,0 2,1 2,2 Staff. "Oscar Mayer, 95, A Chicago Packer: Founder of Meat Concern Dies - Built Chain From Small Butcher Store", The New York Times, March 12, 1955. Accessed July 8, 2009.
- ↑ The 124 YEAR History of “Oscar Mayer” Foods Արխիվացված 2012-10-14 Wayback Machine, The International Food Products Group Ltd. Accessed July 8, 2009.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Օսկար Ֆերդինանդ Մեյեր կատեգորիայում։ |