Օսլոյի ֆոնդային բորսա

Օսլոյի ֆոնդային բորսա;
Տեսակ	ֆոնդային բորսա
Երկիր	Նորվեգիա
Շտաբ	Børsen, Օսլո, Նորվեգիա
Մայր ընկերություն	Euronext Nordics Holding
Կազմակերպչական և իրավական ձև	ASA?
Հիմնադրվել է	1819
Սեփականատեր	Euronext
Արժույթ	NOK
Ցուցակումների քանակ	219
ՇուկաԿապ	1 915 NOK (2010)
Ծավալ	2 585 NOK (2010)
Ինդեքսներ	OBX, OSEAX
Կայք	euronext.com/nb/markets/oslo(նորվ.) և euronext.com/en/markets/oslo(անգլ.)
	59°54′32″N 10°44′52″E / 59.908976°N 10.747877°E
	Oslo Børs Վիքիպահեստում

Օսլոյի ֆոնդային բորսա (նորվ.՝ Oslo Børs), նորվեգական կազմակերպությունների բաժնետոմսերի առևտրի գլխավոր շուկան։ Տեղակայված է Նորվեգիայի մայրաքաղաք Օսլոյում։ Այն բացվում է երկուշաբթիից ուրբաթ՝ տեղական ժամանակով (ԿԵԺ) 08։30-ին և փակվում 16:30-ին։ Էլեկտրոնային առևտրի բորսան լիովին անցել է 1999 թվականին։

Հանդիսանում է սկանդինավյան ամենափոքր բորսան։ Հիմնադրվել է 1819 թվականին՝ որպես օտարերկրյա արժույթի շուկա, այնուհետև դարձել է ապրանքային բորսա, իսկ արժեթղթերի առևտրով սկսել է զբաղվել 1881 թվականին։ Նորվեգիայի Բերգեն և Տրոնհեյմ քաղաքների ֆոնդային բորսաները Օսլոյի ֆոնդային բորսայի մասնաճյուղերն են։ Տրոնհեյմի բորսան զբաղվում է բաժնետոմսերի, արժեթղթերի, ֆինանսական օպցիոնների առևտրով և համարվում է օպցիոնների նորվեգական շուկան։ Արժեթղթերում գերակշռում են էներգետիկ ոլորտի ընկերությունները։ Օսլոյի ֆոնդային բորսայի գների ընդհանուր ինդեքսում ներառված է 50 կազմակերպությունների բաժնետոմս։ Ամբողջ առևտուրն իրականացվում է էլեկտրոնային եղանակով, իսկ գործարքների վերջնահաշվարկը իրականացվում է առավելագույնը 7 օրում։

Ֆոնդային ինդեքսներ

OBX — Օսլոյի ֆոնդային բորսայի գլխավոր ինդեքսը։ ներառում է 25 բարձր իրացվելի բաժնետոմսեր։
OSEAX — ինդեքսը ներառում է այն բոլոր բաժնետոմսերը, որոնք գնանշվում են բորսայում։