Օլուենին փնտրելիս

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Օլուենին փնտրելիս
Տեսակմուլտֆիլմ
ՌեժիսորՎալերի Ուգարով
ԵրաժշտությունՎլադիմիր Մարտինով
ԵրկիրFlag of the Soviet Union.svg ԽՍՀՄ և Flag of the United Kingdom.svg Միացյալ Թագավորություն
ԸնկերությունՍոյուզմուլտֆիլմ
Տևողություն1315 վայրկյան
Թվական1990

Օլուենին փնտրելիս (ռուս.՝ В поисках Олуэн), մուլտիպլիկացիոն ֆիլմ, որը նկարահանվել է 1990 թվականին[1], ռեժիսոր Վալերի Ուգարովի կողմից: «Սոյուզմուլտֆիլմ»-ի համատեղ աշխատանքն է` «Սովինտերֆեստ» և «Մենտա Փրոդակշաս» HTV, E4S-ի մասնակցությամբ: Մուլտֆիլմը նկարահանվել է ըստ կելտական ֆոկլորային հեքիաթների «Մաբինոգիոն» ժողովածուի:

Սյուժե[խմբագրել | խմբագրել կոդը]

Կիլուխը Ուելսի թագավորի որդին էր: Երբ նրա մայրը` թագուհին, մահանում է, հայրը նորից է ամուսնանում: Խորթ մայրը տղային սարսափելի սիրային անեծք է տալիս. նա հանգիստ չի ունենան, քանի դեռ չի գտել գեղեցիկ Օլուենին` հսկա Իզբադադենի աղջկան: Հսկան սպանում է իր դստեր ձեռքը խնդրող բոլորին, քանի որ նրան կանխագուշակվել էր, որ նա կմեռնի իր դստեր հարսանիքի օրը: Կիլուխը որոշում է դիմել Արթուր թագավորի օգնությանը, և վերջինս ուղարկում է իր երկու ասպետներին, որպեսզի օգնեն Կիլուխին: Նրանք երկար ժամանակ որոնում են և վերջապես հեռավոր լեռնային դաշտավայրում գտնում են հսկային և նրա դստերը: Կիլուխը տեսնում է գեղեցիկ Օլուենին, զրուցում աղջկա հետ և գնում հոր մոտ, որպեսզի խնդրի նրա ձեռքը: Հսկան առաջադրում է մի քանի գրեթե անիրականանալի, որոնք Կիլուխը պետք է իրականացնի մինչև հարսանիքը: Կիլուխն ստիպված էր լքված դաշտում գտնել և հավաքել կտավատի չհասունացած սերմեր, նորից ցանել դրանք, աճեցնել կտավատ և դրա կտորով գործել սպիտակ հարսանեկան քող Օլուենի համար: Որպեսզի սափրի հսկային աղջկա հարսանիքից առաջ, նա պետք է գտներ կախարդական մկրատ, ածելի և սանր, որոնք իր մոտ էր պահում վայրի վարազը, որն աշխարհի ամենաարյունարբու կենդանի է: Իսկ նրան հնարավոր չէ որսալ առանց աշխարհի լավագույն որսորդ Մաբոնի, որը տարիներ առաջ անհետ կորել է: Եվ հսկայի մորուքը սափրելու համար այն պետք է սև կախարդի արյունով փափկեցնել, իսկ կախարդն ապրում է մահվան հովտում: Եթե Կիլուխը այս ամենը անի, ապա որպես իր կին կստանա Օլուենին, իսկ եթե նա չկարողանա, ապա կմեռնի:

Կիլուխը նորից խորհրդի համար դիմում է Արթուր թագավորին և ամեն ինչ պատմում է նրան ու ասպետներին: Միայն ուժերը համատեղելով հնարավոր է դառնում կատարել այս բարդ առաջադրանքները: Արթուր թագավորն օրհնում է Կիլուխին և Օլուենին և մաղթում երկար, երջանիկ և ուրախ կյանք:

Հեղինակներ[խմբագրել | խմբագրել կոդը]

  • Սցենարի հեղինակ` Գվին Թոմաս
  • Կինոռեժիսոր` Վալերի Ուգարով
  • Բեմադրող նկարիչներ` Իգոր Օլեյնիկով, Լև Եվզովիչ, Մարգարետ Ջոունս
  • Կոմպոզիտոր` Վլադիմիր Մարտինով
  • Երաժշտության կատարող` Իգոր Նազարուկ
  • Անիմատորներ` Վալերի Ուգարով, Յուրի Կուլակով, Կոլին Ուայթ, Նէվիլ Էսթլի, Անդրեյ Սմիրնով, Ալեքսանդր Մարկելով
  • Կինոօպերատոր` Մայքլ Սատոն
  • Կինոօպերատորի օգնականներ` Բիլ Ռոբերտս
  • Հնչյունային օպերատորներ` Լոուրենս Ահերն, Վլադիմիր Կուտուզով
  • Հնչյունային ինժեներներ` Եվգենի Նեկրասով, Գենադի Պապին
  • Դերերը հնչյունավորել են` Վեսևոլոդ Լարիոնով, Նինա Զոտկինա, Լև Շաբարին, Եֆիմ Կացիրով
  • Նկարիչներ` Եվգենյա Ցանևա, Գենադի Մորոզով, Նատալյա Տուրիգինա, Աննա Յագուժինսկայա, Սառա Ուիլկի, Օլգա Գրիշանովա, Յուլյա Բարանովա
  • Մոնտաժը` Ռիչարդ Բրեդլիի
  • Մոնտաժող` Մարգարիտա Միխեևա
  • Ռեժիսորի օգնական` Իրինա Լիտովսկայա
  • Խմբագիրներ` Ելենա Նիկիտկինա, Ուին Ջորս
  • Ռուսերեն տեքստի հեղինակ` Վիկտր Սլավկին
  • Գլխավոր խմբագիր` Էլիզավետա Բաբախինա
  • Պրոդյուսեր` Լուիզա Ջոնս
  • Նկարահանող խմբի ղեկավար` Նինա Սուչկովա, Մայքլ Սատտոն

Պարգևներ[խմբագրել | խմբագրել կոդը]

  • «Օլուենին փնտրելիս» մուլտֆիլմն Անսիի անիմացիոն կինոյի միջազգային փառատոնին արժանացել է լավագույն հեռուստատեսային ֆիլմ մրցանակին (1991 թվական)[2]:

Ծանոթագրություններ[խմբագրել | խմբագրել կոդը]

  1. Сергей Капков. Валерий Угаров // Наши мультфильмы / Арсений Мещеряков, Ирина Остаркова. — Интеррос, 2006. — ISBN 5-91105-007-2 «Արխիվացված պատճենը»։ Արխիվացված է օրիգինալից 2007-08-31-ին։ Վերցված է 2019-12-20 
  2. Сергей Капков Энциклопедия отечественной мультипликации. — М.: Алгоритм, 2006. — 816 с. — 3000 экз. — ISBN 5-9265-0319-4 Стр. 654-655.

Արտաքին հղումներ[խմբագրել | խմբագրել կոդը]