Քնարիկ Ալեքսանյան
- Վիքիպեդիայում կան հոդվածներ Ալեքսանյան ազգանունով այլ մարդկանց մասին։
| Քնարիկ Անանիկի Ալեքսանյան | |
|---|---|
| Ծնվել է | դեկտեմբերի 9, 1952 (71 տարեկան) |
| Ծննդավայր | Երևան |
| Քաղաքացիություն |  Հայաստան |
| Ազգություն | հայ |
| Կրթություն | Երևանի Մխիթար Հերացու անվան Պետական Բժշկական Համալսարան |
| Գիտական աստիճան | կենսաբանական գիտությունների դոկտոր |
| Մասնագիտություն | կենսաքիմիկոս և ուռուցքաբան |
| Աշխատավայր | Վ.Ա. Ֆանարջյանի անվան ուռուցքաբանության ազգային կենտրոն |
Քնարիկ Անանիկի Ալեքսանյան (դեկտեմբերի 9, 1952[1], Երևան, Հայկական ԽՍՀ, ԽՍՀՄ), հայ կենսաքիմիկոս, ուռուցքաբան։ Կենսաբանական գիտությունների դոկտոր (2000)։
Կենսագրություն[խմբագրել | խմբագրել կոդը]
1976 թվականին ավարտել է Երևանի բժշկական ինստիտուտը։ 1976-1984 թվականներին եղել է Երևանի բժշկական ինստիտուտի ավագ գիտաշխատող, 1984 թվականից աշխատում է Ուռուցքաբանության գիտական կենտրոնում, 2000 թվականից՝ կլինիկակենսաքիմիական լաբորատորիայի վարիչ[2]։ ՀՀ կենսաքիմիկոսների ընկերակցության (1976 թվականից), Ուռուցքաբանների ընկերակցության նախագահության (1984 թվականից) անդամ։
Աշխատանքները վերաբերում են ուռուցքածնությանը և ուռուցքների աճի մեխանիզմներին, ուռուցքային տեղորոշակետերի (մարկերներ), լիպիդային գերօքսիդման, անոթաառաջացման (անգիոգենեզ), քաղցկեղի բուժման և կանխարգելման խնդիրներին[3]։
Անդամակցություն[խմբագրել | խմբագրել կոդը]
- ՀՀ կենսաքիմիկոսների ընկերակցության անդամ (1976 թվականից)։
- Ուռուցքաբանների ընկերակցության նախագահության անդամ (1984 թվականից)։
Ծանոթագրություններ[խմբագրել | խմբագրել կոդը]
- ↑ http://am.hayazg.info/index.php?curid=10546
- ↑ Ֆանարջյանի անվան ուռուցքաբանության ազգային կենտրոն, Կլինիկա-կենսաքիմիական լաբորատորիա
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.