Քլորից զանգվածային թունավորում Ակաբայում
| Քլորից զանգվածային թունավորում Ակաբայում | |
|---|---|
| Տեսակ | իրադարձություն |
| Վայր | Ակաբայի մարզ |
| Տեղադրանք | Ակաբայի նավահանգիստ |
| Երկիր |  Հորդանան |
| Տարեթիվ | հունիսի 27, 2022 |
| Զոհվածներ | 14 մարդ |
| Վիրավորներ | 265 |
 | |
 | |
Քլորից զանգվածային թունավորում Ակաբայում, միջադեպ է 2022 թվականի հունիսի 27- ին Հորդանանի Ակաբա նավահանգստում, որի ժամանակ թունավոր գազի արտահոսք է տեղի ունեցել։ 25 տոննա քլորով բեռնարկղը կռունկից ընկել է խարսխված նավի վրա և պայթել։ Միջադեպի հետևանքով զոհվել է առնվազն տասնչորս և վիրավորվել ավելի քան 265 մարդ[1]։
Վթար[խմբագրել | խմբագրել կոդը]
 Արտաքին տեսաֆայլեր
| |
|---|---|
|
|
Միջադեպի տեսաձայնագրություն |
2022 թվականի հունիսի 27-ին, տեղական ժամանակով ժամը 16:15-ին, երբ Ջիբութի արտահանելու նպատակով նավահանգստային կռունկը «Forest 6» բեռնարկղային նավ է բեռնել ճնշման տակ գտնվող քիմիական մի քանի բեռնարկղերից մեկը[2][3]։ Վերամբարձ կռունկի պողպատե մալուխը կտրվել է, և բեռնարկղն ընկել է նավի վրա։ Բեռնարկղից թունավոր քլոր է արտահոսել, որի դեղին ամպը տարածվել է ողջ նավահանգստով։ Նավը սպասում էր ևս 20 քլորով բեռնարկղ բեռնելուն[3][4][5]։
Միջադեպի տեսանյութը Թվիթթերում հրապարակել է Հորդանանի պետական հեռուստաալիքը[3]։
Հետևանքներ[խմբագրել | խմբագրել կոդը]
Գազային քլորը թունավոր է մարդկանց համար։ Ներշնչելիս այն խառնվում է մարդու մարմնի խոնավության հետ, այն առաջացնում է հիպոքլորային թթու և աղաթթուներ, որոնք կարող են ստեղծել թթվածնի ազատ ռադիկալներ, որոնք իրենց հերթին ոչնչացնում են թոքերի համակարգի բջիջների պատերը։ Արդյունքում կարող է առաջանալ թոքի այտուց, սուր շնչառական դիսթրես համախտանիշ, շնչառության քրոնիկ խնդիրներ և մահ[6]։ .
Նավահանգիստը տարհանվել է. Առաջին փրկարարները աշխատել են տուժածներին բժշկական օգնություն ցույց տալ, նրանց տեղափոխվել են երկու պետական հիվանդանոց, դաշտային հիվանդանոց և մասնավոր հաստատություն։ Ակաբայի առողջապահության տնօրեն Ջամալ Օբեյդաթն ասել է, որ Ակաբայի հիվանդանոցները գերբնակեցված են[7]:
Քաղաքի առողջապահության պատասխանատուն կոչ է արել բնակիչներին փակել պատուհանները և մնալ ներսում։ Մայրուղու պարեկությունը փակել է Ակաբա տանող բոլոր ճանապարհները[8]։ Մոտակա տուրիստական լողափը, որը գտնվում է նավահանգստից 7 կիլոմետր հեռավորության վրա, տարհանվել և փակվել է։ Նավահանգստի պահեստները և վերամշակման օբյեկտները նույնպես ժամանակավորապես փակվել են՝ քլորի գազի աղտոտվածությունը ստուգելու համար[3]։
Ծանոթագրություններ[խմբագրել | խմբագրել կոդը]
- ↑ «UPDATE: At least a dozen killed due to gas leak in Aqaba»։ en.royanews.tv (անգլերեն)։ Վերցված է 2022-06-30
- ↑ «Toxic gas leak in Jordan kills at least 12 people, injures hundreds»։ CNN (անգլերեն)։ Վերցված է 2022-06-30
- ↑ 3,0 3,1 3,2 3,3 «Chlorine gas leak kills 12, injures 251 at Jordan port»։ Reuters (անգլերեն)։ 2022-06-28։ Վերցված է 2022-06-30
- ↑ «Toxic gas leak at Jordan's Aqaba port kills 13, injures hundreds»։ BBC News (անգլերեն)։ 2022-06-28։ Վերցված է 2022-06-30
- ↑ «Jordan toxic gas blast kills 10, injures over 200»։ France 24 (անգլերեն)։ 2022-06-27։ Վերցված է 2022-06-30
- ↑ Jones Robert, Wills Brandon, Kang Christopher (May 2010)։ «Chlorine Gas: An Evolving Hazardous Material Threat and Unconventional Weapon»։ Western Journal of Emergency Medicine|language=en|volume=11|issue=2|pages=151—156|pmid=20823965}}
- ↑ AFP and Joshua Davidovich։ «Israel offers Jordan aid as Aqaba hospitals fill up»։ www.timesofisrael.com (անգլերեն)։ Վերցված է 2022-06-30
- ↑ «Highway Patrol Department closes off all roads to Aqaba»։ en.royanews.tv (անգլերեն)։ Վերցված է 2022-06-30