Փոլ Գրինվուդ
Փոլ Գրինվուդ | |
---|---|
Ծնվել է | 1947 |
Փոլ Գրինվուդ (անգլ.՝ Paul Greenwood, 1947), ամերիկացի ֆինանսական նախկին մենեջեր և քաղաքային տեսուչ, որը բիզնես գործընկեր Սթիվեն Ուոլշի հետ դատապարտվել է արժեթղթերի խարդախության համար[1]։
Բիզնես կարիերա[խմբագրել | խմբագրել կոդը]
Գրինվուդը և Ուոլշը իրենց առաջին ընկերությունը հիմնել են 1979 թվականին[2] և դարձել WG Trading Company-ի գործընկերներն ու ղեկավարները, որը հիմնվել էր Գրինվիչում (Կոնեկտիկուտ)[3]։ 1992-1996 թվականներին Գրինվուդը և Ուոլշը վերահսկիչ բաժնետոմս ունեին Հոկեյի ազգային լիգայի «Նյու Յորք Այլենդերս»-ի արտոնագրում[4]։
Նախքան ձերբակալվելը Գրինվուդը Նյու Յորքի Հյուսիսային Սեյլեմ քաղաքի քաղաքային տեսուչն էր և տեղի Անգլիկան եկեղեցու գանձապահը[5]։ Ձերբակալությունից անմիջապես հետո նա հեռացել է քաղաքային տեսուչի պաշտոնից[2]։ Համայնքում նա առատաձեռն և մեծահոգի մարդու համբավ ուներ[2]։
Արժեթղթերի խարդախության դեպք[խմբագրել | խմբագրել կոդը]
Գրինվուդը և Ուոլշը ձերբակալվել են 2009 թվականի փետրվարի 24-ին և մեղադրվել ներդրողներին 554 միլիոն դոլարի չափով խաբելու համար[6]։ Այս սխեման, որը գործել է 1996-2009 թվականներին, հանգեցրել է ներդրողներին խաբելուն[3], այդ թվում՝ Փիթսբուրգի համալսարանը, Կարնեգի Մելոն համալսարանը, Wells Fargo բանկը, Սակրամենտո շրջանի աշխատակիցների կենսաթոշակային համակարգը և Քերն շրջանի աշխատակիցների կենսաթոշակային հիմնադրամը[7]։ Սխեման ներառել է չարտոնված ներդրումներ և «կամայական եկամտաբերության դրույքաչափերի» հաշվետվություններ այն ներդրողների համար, որոնք չեն կարողացել հաշվառել կորուստները[2]։ Սխեման փլուզվել է համաշխարհային ֆինանսական ճգնաժամից և Ազգային ապագայի ասոցիացիայի աուդիտից հետո, որը բացահայտել է Գրինվուդի և Ուոլշի կողմից կորուստների և դուրսբերումների համար օգտագործված մուրհակները[2]։
2010 թվականի հուլիսի 28-ին Գրինվուդն իրեն մեղավոր է ճանաչել արժեթղթերի խարդախության վեց կետով[2][6]։ 2014 թվականի դեկտեմբերի 3-ին նա դատապարտվել է 10 տարվա ազատազրկման դաշնային բանտում Մանհեթենի շրջանային դատավոր Միրիամ Գոլդման Սեդարբաումի կողմից, որը նրան ասելմ է, որ «այսօր շատ մարդիկ հազարավոր դոլարներ են կորցրել Ձեր խարդախության արդյունքում»[2]։
Ավելի ուշ պատիժը չեղարկվել է ԱՄՆ երկրորդ շրջանի Վերաքննիչ դատարանի կողմից, որը որոշում է կայացրել, որ դատավոր Սեդարբաումը սխալ է թույլ տվել՝ դատավճիռը կայացնելիս մասամբ հիմնավորելով այն եղրակացությունների վրա, որ որոշ տուժողներ կրել են ֆինանսական լուրջ վնասներ, և գործը վերադարձրել է շրջանային դատարան՝ կրկին դատավճիռ կայացնելու համար[4]։ Դատավճռի վերանայման լսումների ժամանակ դատավոր Լորետա Ա. Պրեսկան, որը գործը վարում էր Սեդարբաումի մահից հետո[3], հինգ տարով նվազեցրել Գրինվուդի պատիժը՝ վկայակոչելով նրա բարեգործության երկարամյա պատմությունը և նշանակալի համագործակցությունը դատարանի կողմից նշանակված կառավարչի ու դաշնային դատախազների հետ (ովքեր ապահովել են Ուոլշի նկատմամբ մեղավորության ճանաչողություն և բանտարկություն)․ Պրեսկան նաև հաշվի է առել այն փաստը, որ ներդրողների 98%-ը կամ 99%-ը վերադարձրել են իրենց գումարները[4][8]։ Գրինվուդը զղջացել է կատարված հանցագործության համար[3]։ Նա բանտարկվել է Հյուսիսային Կարոլինայի Բաթներ քաղաքում գտնվող դաշնային բանտում[3] և ազատ է արձակվել 2019 թվականի հուլիսին[9]։
Ծանոթագրություններ[խմբագրել | խմբագրել կոդը]
- ↑ Lieberman, Steve (2016 թ․ հունիսի 29). «Former North Salem Supervisor Paul Greenwood sees prison term slashed». The Journal News.
- ↑ 2,0 2,1 2,2 2,3 2,4 2,5 2,6 Elizabeth Ganga, Paul Greenwood sentenced to 10 years for massive fraud, The Journal News (2014 թ․ դեկտեմբերի 03).
- ↑ 3,0 3,1 3,2 3,3 3,4 Nate Raymond, Ex-NY Islanders co-owner gets prison term for fraud halved, Reuters (2016 թ․ հունիսի 29).
- ↑ 4,0 4,1 4,2 Larry Neumister, Judge gives ex-Islanders co-owner a 5-year prison reduction, Associated Press (2016 թ․ հունիսի 29).
- ↑ Dienst, Jonathan (2009 թ․ հուլիսի 16). «Wall Street Fraud Schemes Lead to 4 Arrests». News 4 New York. Վերցված է 2018 թ․ մարտի 22-ին.
- ↑ 6,0 6,1 Patricia Hurtado, Fund Manager Paul Greenwood Pleads Guilty to Fraud, Bloomberg News (2010 թ․ հուլիսի 28).
- ↑ Zachery Kouwe, "Two Money Managers Held in New Wall Street Fraud", New York Times (February 25, 2009). Note: Zachery Kouwe resigned from the Times over plagiarism accusations in Feb. 2010. 2010 թ․ փետրվարի 27.
- ↑ Riley, John (2016 թ․ հունիսի 29). «Ex-Islanders co-owner Paul Greenwood's sentence reduced». NewsDay. Վերցված է 2018 թ․ մարտի 22-ին.
- ↑ Paul Greenwood, Register Number: 61989-054, Federal Bureau of Prisons.
Արտաքին հղումներ[խմբագրել | խմբագրել կոդը]
- Rick Schapiro, "Greenfield and Walsh Ran Islanders Right Into the Deep Freeze", New York Daily News (February 26, 2009)
- Andrew S. Ross, "Another Pension Fund Hit", San Francisco Chronicle (March 4, 2009)