Փետրվարի 30

Վիքիպեդիայից՝ ազատ հանրագիտարանից
1712 թվականի փետրվար ամսվա շվեդական օրացույց

Փետրվարի 30 , օրացուցային ամսաթիվ։ Ըստ Գրիգորյան օրացույցի փետրվար ամիսն ունի 28 օր ներառյալ նահանջ տարին, որն ունի 29 օր։ Սակայն պարզվում է, որ փետրվար ամսին երեք անգամ եղել է 30 օր, որոնցից երկուսի մասին ենթադրում են։

1712 թվականի փետրվարի 30-ը Շվեդիայում[խմբագրել | խմբագրել կոդը]

1699 թվականին Շվեդական թագավորությունը, որն այն ժամանակ իր մեջ ընդգրկում էր նաև Ֆինլանդիան, որոշեց Հուլիոսի օրացույցից անցնել Գրիգորյան օրացույցին։ Սակայն շվեդները այն ժամանակ 11 կուտակված օրացույցի օրերը առաջ չտարան, նրանք որոշեցին այդ փոփոխությունը աստիճանաբար անել, այսպիսով նահանջ տարիները 40 տարվա ընթացքում։ Այսինքն բոլոր այս տարիները փետրվարի 28-ից հետո պետք է տեղափոխվեին մարտի 1 և յուրաքանչյուր 4 տարին մեկ նրանք մեկ օրով կմոտենային Գրիգորյան օրացույցին։ Այսպիսով 1700 թվականը Շվեդիայում նահանջ տարի չեղավ։ Սակայն ըստ ընդունված պլանի 1704 և 1708 թվականները եղան նահանջ տարիներ։ Այդ պատճառով էլ 11 տարիների ընթացքում շվեդական օրացույցը մեկ օրով առաջ ընկավ Հուլիոսի օրացույցից, սակայն տաս օրով հետ ընկավ Գրիգորյան օրացույցից։ 1711 թվականին Կառլոս XII-ը որոշեց հրաժարվել օրացույցի բարեփոխումներից և դարձյալ վերադարձավ Հուլիոսի օրացույցին։ Այդ իսկ պատճառով 1712 թվականին փետրվար ամսին ավելացրեցին երկու օր և այդ տարի փետրվարն ունեցավ 30 օր։ Շվեդիան վերջնականապես անցավ Գրիգորյան օրացույցին 1753 թվականին բոլոր երկրներին հատուկ ձևով փետրվարի 17 -ի հաջորդ օրը հայտարարելով մարտի 1:

ԽՍՀՄ-ում 1930 և 1931 թվականները ունեն փետրվարի 30[խմբագրել | խմբագրել կոդը]

1929 թվականին ԽՍՀՄ-ում առաջարկվեց առաջնորդվել ըստ խորհրդային հեղափոխական օրացույցով, որտեղ շաբաթը կունենար հինգ օր, իսկ յուրաքանչյուր ամիս 30 կամ էլ ուղիղ վեց շաբաթ։ Մնացած 5 կամ 6 օրերը կմնային այսպես կոչված ամսից դուրս արձակուրդներ։[1].

Բազմաթիվ աղբյուրներում նշվում է, որ առաջարկն ընդունված էր եղել, և որ ԽՍՀՄ-ում երկու տարի անընդմեջ փետրվարն ունեցել է 30 օր։ Իրականում հինգօրյա շաբաթ մտցնելն էր ընդունվել, ավանդական օրացույցը պահպանելով։

Հին Հռոմում[խմբագրել | խմբագրել կոդը]

XIII դարի գիտնական Սակրոբոսկոն հաստատեց, որ Հուլիոսի օրացույցը ուներ մեր թվարկությունից առաջ 44 թվականից մինչև մեր թվարկության 8 թվականը, երբ Օկտավիան Օգոստոսը կրճատեց փետրվար ամիսը մեկ օրով այն բանի համար, որ այն ավելացնի իր անունով կոչված օգոստոս ամսին։ Եվ քանի որ հուլիսն անվանել էին Գայ Հուլիոս Կեսարի պատվին, որը ուներ 31 օր, իսկ այն ժամանակ օգոստոսը՝ միայն 30 օր։ Սակայն չկան հավաստի աղբյուրներ, որ դա հենց այդպես է եղել, բայց կա հավանականություն, որ դա առասպել է և ընդ որում շատ հին։

Ենթադրություն[խմբագրել | խմբագրել կոդը]

3328 թվականի փետրվարի 30[խմբագրել | խմբագրել կոդը]

Համաձայն բազմաթիվ փաստերի, օրինակ ՞Санкт-Петербургские ведомости՞, ՞Ульяновск сегодня՞ կամ Lenta.ru -ի, եթե 3328 թվականին գոյություն ունենա մարդկությունը և Գրիգորյան օրացույցը, ապա 3328 տարիների ընթացքում նոր դարաշրջանի սխալմամբ կավելանա մեկ օր, որի արդյունքում մի գուցե տվյալ նահանջ տարին դարձնեն 367 օր։ Հավանական է, որ համաձայն հաշվարկի ժամանակակից մեթոդների, երբ մյուս ամիսների օրերի վրա օր չի ավելանում, դա նորից կլինի փետրվարը, որը կունենա փետրվարի 30:[2][3][4].

Համաձայն այլ տվյալների, 4000 տարի շարունակ կուտակված սխալը, դրական է, ուրեմն ոչ թե պետք է օր հանել, այլ ավելացնել։[5].

Եթե ընդունենք Արևադարձային տարվա շարունակելիությունը, որը հավասար է 365,24219 օրվա, ապա մեկ օրվա դրական սխալը, կկուտակվի 3225,806 տարում։ Եթե բաց թողնենք նահանջ տարին յուրաքանչյուր 3200-րդ տարի, ապա սխալը կլինի բացասական /միջինը տարում −0,2160 վայրկյան) և մոտավորապես և 400 000 տարին մեկ անգամ անհրաժեշտ կլինի ունենալ փետրվարի 30: Սակայն քիչ հավանական է, որ այդքան երկար ժամանակամիջոցում Արևադարձային տարին կմնա անփոփոխ։

Մեջբերումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]