Փարիզ (թերթ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Փարիզ (այլ կիրառումներ)

«Փարիզ», շաբաթական, ապա կիսամսյա լրատու պարբերական։ Լույս է տեսել 1860-1863 թվականներին, Փարիզում։ Խմբագիր-տնօրեն՝ Ա․ Մուրադյան, պատասխանատու հրատարակիչ՝ Վ․ Լանգլուա։ «Հայրենասեր» (Նիկոմեդիա, 1850-1853) պարբերականի շարունակությունը։ Տարածվել է Արմ․ Հայաստանում և Թուրքիայի խոշոր քաղաքներում, Մերձավոր Արևելքում, Հնդկաստանում, Ռուսաստանում, Ֆրանսիայում, ԱՄՆ-ում և այլուր։ Հիմնականում անդրադարձել է արևմտահայ հասարակական, տնտեսային և առևտրային կյանքի հարցերին։ Կարևորել է Ազգային սահմանադրության մշակման անհրաժեշտությունը։ Հանդես է եկել երկրագործությունը, հատկապես բամբակի մշակումը, զարգացնելու առաջարկով և, որպես ժողովրդի կենսամակարդակի բարձրացման ուղի՝ ջատագովել առևտուրը այլ երկրների հետ։ Առանձին համարներ է նվիրել Արմ․ Հայաստանի ներքին կացությանը, լուրեր հաղորդել թուրք, բռնությունների դեմ հայերի ինքնապաշտպանական ելույթների վերաբերյալ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png