Փայլուն քարի գաղտնիքը (սերիալ)
Փայլուն քարի գաղտնիքը | |
|---|---|
| Ժանր | պատմական դրամա |
| Ստեղծող | Park Han-gi? |
| Երկիր |  Հարավային Կորեա |
| Հիմք | Q130711663? |
| Լեզու | կորեերեն |
| Ռեժիսոր | Lee Jae-gyu? |
| Գլխավոր դերերում | Հա Ջի Վոն, Lee Seo-jin? և Kim Min-jun? |
| Եթերաշրջանների քանակ | 1 |
| Սերիաների քանակ | 14 |
| Էկրաններին է | հուլիսի 28, 2003-ից սեպտեմբերի 9, 2003-ը |
| Հեռուստաալիք | MBC TV |
| Դիստրիբյուտոր | MBC |
| Նախորդ | Rooftop Room Cat? |
| Հաջորդ | Dae Jang Geum? |
| Պաշտոնական կայքէջ | |
«Փայլուն քարի գաղտնիքը» (կոր.՝ 조선 여형사 다모, 朝鮮 女刑事 茶母), հարավկորեական հեռուստասերիալ, որը պատմում է XVII դարի Կորեայում տեղի ունեցած իրադարձությունների մասին։ Սերիալը հեռարձակվել է MBC հեռուստաալիքով՝ 2003 թվականի հուլիսի 28-ից մինչև նույն թվականի սեպտեմբերի 9-ը, երկուշաբթի և երեքշաբթի օրերին, ժամը 21:55-ին (UTC+9)։
Ստեղծման պատմություն
[խմբագրել | խմբագրել կոդը]Ֆիլմը նկարահանվել է Պան Հան Կիի «Damo Nam-soon» մանհվայի հիման վրա։ Յուրաքանչյուր սերիայի համար տրամադրվել է 200 միլիոն հարավկորեական վոն։ Սերիալը նկարահանվել է ընդամենը մեկ տարում։ Նկարահանումները տեղի են ունեցել Թհեանի շրջանում, Կորեայի Հանրապետության արևմուտքում գտնվող Հարավային Չունգչոնգ նահանգում[1]։ Պրեմիերան սկսելուց առաջ արդեն իսկ նկարահանվել է սերիալի 90 տոկոսը, ինչը շատ հազվադեպ է կորեական հեռուստասերիալների համար։ Բացի այդ, այս հեռուստասերիալը դարձավ առաջին կորեական սերիալը, որի ժամանակ օգտագործվել են HD-տեսախցիկներ[2]։
Սյուժե
[խմբագրել | խմբագրել կոդը]Սերիալի գործողությունները տեղի են ունենում Կորեայում՝ XVII դարում, Չոսոն դինաստիայի օրոք։ Սյուժեն պատմում է Չհե Օկի՝ ոստիկանության սպա Հվան Բո Յունի ծառայի և ոստիկանության ոչ պաշտոնական աշխատակցուհու մասին։ Չհե Օկը ծնվել է հարուստ ընտանիքում, սակայն հայրը մահապատժի է ենթարկվում՝ արքային դավաճանելու պատճառով, իսկ եղբայրը ստիպված է լինում փախչել երկրից։ Չհե Օկը դառնում է Հվան Բո Յունի ծառան և նրա հետ սովորում է թրի տիրապետման արվեստը։
Տարիներ անց Չհե Օկը օգնում է Հվան Բո Յունին կատարել խուզարկուի աշխատանքներ։ Նրա հետ միասին Չհե Օկը սկսում է ուսումնասիրել մի գործ՝ կապված դրամակեղծարարների խմբավորման գտնելու հետ։ Հետաքննության ընթացքում Չհե Օկը մուտք է գործում ավազակախմբի ճամբար՝ հայտնաբերելու գաղտնի դարբնոցը, որն օգտագործվում է կեղծ մետաղադրամներ ստեղծելու համար։ Ճամբարում աղջիկը հանդիպում է ապստամբների առաջնորդ Չանգ Սոն Բյակայի հետ։ Չնայած որ վերջինս հրամայում է ձերբակալել աղջկան, Չհե Օկը սիրահարվում է նրան։
Դերերում
[խմբագրել | խմբագրել կոդը]- Հա Ջի Վոն - Չհե Օկ
- Լի Սո Ջին - ոստիկանության աշխատակից Հվան Բո Յուն
- Կիմ Մին Ջուն - ապստամբ և ազգային հերոս Չանգ Սոնգ Բյակ
Ֆիլմում նկարահանվել են նաև Չոն Մին Ան, Լի Հան Վին, Լի Մուն Սիկը, Սին Սըն Հվանը, Պակ Յոն Հյուն, Կվոն Օ Չժունը, Չոն Ին Տհեկը, Չհե Յոն Ինը, Սոն Ու Չժե Դոկը, Կվոն Յոն Ունը, Պյոն Հի Բոնը, Սո Բոմ Սիկը, Պեկ Սոն Հյոնը, Կիմ Մին Հյոնը։
Մրցանակներ և նոմինացիաներ
[խմբագրել | խմբագրել կոդը]MBC ալիքի մրցանակներ, 2003 թվական[3].
- Բարձրագույն պարգև «լավագույն դերասանուհի» - Հա Չժի Վոն
- Պարգև «լավագույն դերասան» - Լի Սո Ջին
- Հատուկ մրցանակ դերասանին - Կվոն Յոն Ուն
- Լավագույն նոր դերասան - Կիմ Մին Ջուն
- Տարվա սցենարիստ - Չոն Հեն Սու
- Հայտնիության պարգև - Հա Չժի Վոն
- Դերասանների լավագույն զույգ - Լի Սո Ջին և Հա Չժի Վոն
Baeksang Arts Awards , 2004 թիվ.
- Հեռուստատեսության լավագույն նոր ռեժիսոր - Լի Չժե Հյու
- Հեռուստատեսության լավագույն նոր դերասան -Կիմ Մին Ջուն
Ասիական հեռուստատեսության մրցանակ, 2004 թիվ.
- Լավագույն դրամատիկական սերիալ
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Damo official MBC website (կոր.)
- The Legendary Police Woman at MBC Global Media
- Damo(անգլ.) ֆիլմը Internet Movie Database կայքում
|
