Տրիումֆ

Վիքիպեդիայից՝ ազատ հանրագիտարանից
Jump to navigation Jump to search

Տրիումֆ (լատ.՝ triumphus), հաղթահանդես, հաղթատոն, Հին Հռոմում կարևոր հաղթանակ տարած զորավարի մուտքը Հռոմ։ Հաղթական երթի (Մարսյան դաշտից մինչև Կապիտոլիումի Յուպիտերի տաճարը) առջևից գնում էին ծերակուտականները և պաշտոնյաները, այնուհետև՝ դափնեպսակով և Յուպիտերի հատկանիշներով զարդարված զորավարը՝ չորս սպիտակ ձի լծած կառքով, շրջապատված երաժիշտներով ու երգիչներով, ապա՝ զորքը։ Վերջում տանում էին ավարը և անվանի գերիներին։ Այդ արարողության համար կառուցվել է հաղթակամար։ Տրիումֆ կատարվում էր ծերակույտի թույլտվությամբ և զորավարին տրվելիք բարձրագույն պարգևն էր։ Կայսրության ժամանակաշրջանում տրիումֆի արժանացել են միայն կայսրերը և նրանց մերձավոր ազգականները։ Փոխաբերական իմաստով՝ փայլուն հաջողություն, նշանավոր հաղթանակ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png