«Տես` ինչպես են ընկնում մարդիկ» (ֆր.՝ Regarde les hommes tomber), ֆրանսիացի ռեժիսոր Ժակ Օդիարի դեբյուտային ֆիլմը, որը նկարահանվել է 1994 թվականին[1]։ Ֆիլմն արժանացել է «Սեզար» մրցանակի՝ ռեժիսորական լավագույն դեբյուտի (Ժակ Օդիարին), ամենախոստումնալից դերասանի (Մատյո Կասովից) և մոնտաժի (Ժյուլետ Վելֆլին) համար[2]։ Մրցանակի համար առաջադրվել է նաև Ժակ Օդիարի և Ալեն Լե Անրիի հեղինակած սցենարը (ըստ Թերի Ուայթի «Եռանկյունի» վեպի)։
«Այցեքարտային-տպագրական» բիզնեսի ներկայացուցիչ հիսունամյա Սիմոնին ներկայիս կյանքում արդեն ոչինչ չի հետաքրքրում և ոչինչ չի կարող տեղից շարժել, բայց այն բանից հետո, երբ նրա միակ ընկերը` ոստիկան Միկին, անհայտ մարդկանց պատճառով հայտնվում է կոմայի մեջ, Սիմոնի կյանքը կտրուկ փոխվում է. նա թողնում է աշխատանքը և ձգտում վրեժխնդիր լինել ընկերոջ համար։
Այդ ամենից երկու տարի առաջ խաբեբա Մարքսը իր ձեռքն է վերցնում թեթևամիտ Ջոնիին՝ նրան ուսուցանելով իր խորամանկություններն ու հնարքները։
Ֆրանսիա