Վովա խումբ
Վովա խումբ | |
---|---|
Երկիր | Թուրքիա |
Ժանրեր | Ազգային, ժողովրդական |
Գործունեություն | 2005 | - ներկա
Անդամներ | |
Հիքմեթ Աքչիչեք, Մուսթաֆա Բիբերը, Էրսին Չելիքը |
Վովա խումբ, Թուրքիայի Հանրապետության Համշեն շրջանում բնակվող համշենահայերից կազմված երաժշտական խումբ, որը ստեղծագործում է համշենի բարբառով՝ նպատակ ունենալով հավաքագրել, պահպանել և համշենահայերի հետագա սերնդին փոխանցել համշենական ազգային, ժողովրդական երգարվեստը։ Խմբի անդամներն են Հիքմեթ Աքչիչեքը (համահիմնադիր և մենակատար), Մուսթաֆա Բիբերը, Էրսին Չելիքը։ Խմբի անվանումը համշենի բարբառով նշանակում է «Ով է»[1][2][3]։
Խմբի ստեղծման նախապատմություն
[խմբագրել | խմբագրել կոդը]Խումբը ստեղծվել է դեռևս 1996 թվականից սկսած համշենահայերի մշակույթը և լեզուն պահպանելուն ուղղված Հիքմեթ Աքչիչեքի և նրա համախոհների գործունեության շրջանակներում։ Այդ համատեքստում 2011 թվականին հիմնադրվել է ՀԱԴԻԳ (HADİG) կազմակերպությունը, իսկ 2014 թվականից թողարկվել «Գոռ» ամսագիրը[1][3]։
Ստեղծագործական գործունեություն
[խմբագրել | խմբագրել կոդը]Վովա խումբն իր առաջին մեծ ելույթն ունեցել է պոլսահայ հայտնի լրագրող Հրանտ Դինքի հիշատակին կազմակերպված երեկոյի ընթացքում, որտեղ կատարել են հայերեն «Յար յար» երգը։ Երաժշտական խումբը 2005 թվականին թողարկել է «Վովա» ալբոմը, որտեղ խտացվել են համշենի բարբառով 13 ժողովրդական երգ։ Այն հանդիսանում է համշենի բարբառով ձայնագրված երգերի առաջին ալբոմն աշխարհում[1]։ 2012 թվականի Վովան համերգով է հանդես եկել Ռուսաստանի Դաշնության Մոսկվայում, Սոչիում և այլ քաղաքներում[3][4]։
Վովա ալբոմ
[խմբագրել | խմբագրել կոդը]Վովա երաժշտական խմբին առավել լայն տարածում բերեց 13 երգերից կազմված «Վովա» ալբոմը, որը թողարկվել է 2005 թվականին։ Համշենի բարբառով գրված 13 ժողովրդական երգերն են, որոնցից առավել հայտնին հանդիսանում է «Նեննի Նեննի» երգը[2][3]։
Հետապնդումներ
[խմբագրել | խմբագրել կոդը]Վովա երաժշտական խումբն իր ստեղծագործական գործունեության, Աբխազիայում, Ռուսաստանում և Միջին Ասիայի երկրներում բնակվող համշենահայերի, ինչպես նաև Հայաստանի հետ ունեցած կապերի և շփումների պատճառով Թուրքիայում բազմիցս թուրքական իշխանությունների կողմից հետապնդումների է ենթարկվել[1][3]։
Արտաքին հղումներ
[խմբագրել | խմբագրել կոդը]- Հուշարձանագետ Սամվել Կարապետյանը խոսում է Վովա խմբի մասին (տեսանյութ)
- «Նեննի Նեննի» երգ (արխիվացված) (տեսանյութ)
- Վովա խմբի համերգը Մոսկվայում (10.06.2012թ.) (տեսանյութ)
- Վովա խմբի համերգը (տեսանյութ)
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 «Թուրքիայում համշենահայերի հայտնի «Վովա» երաժշտական խմբի անդամները սպառնալիքների են ենթարկվում», tert.am Արխիվացված 2019-01-28 Wayback Machine (արխիվացված)։
- ↑ 2,0 2,1 Հայագիտարան կայքի անդրադարձը Վովա խմբին (արխիվացված)։
- ↑ 3,0 3,1 3,2 3,3 3,4 «Թուրքիայում համշենահայերի հայտնի «Վովա» երաժշտական խմբի անդամները սպառնալիքների են ենթարկվում», artsakhpress.am (արխիվացված)։
- ↑ «Համշենահայերի «Vova» խումբը համերգներով հանդես կգա Կրասնոդարի երկրամասում» (արխիվացված)։