Հիքմեթ Աքչիչեք
Հիքմեթ Աքչիչեք թուրքերեն՝ Hikmet Akçiçek | |
---|---|
Ծնվել է | 1963 թվական |
Ծննդավայր | Հոպա, Թուրքիայի Հանրապետություն |
Քաղաքացիություն | Թուրքիա |
Ազգություն | Համշենահայ |
Մայրենի լեզու | թուրքերեն |
Մասնագիտություն | երաժիշտ, հասարակական գործիչ և մշակութային գործիչ |
Աշխատավայր | Վովա խումբ |
Hiqmet Aqchicheq Վիքիպահեստում |
Հիքմեթ Աքչիչեք (թուրքերեն՝ Hikmet Akçiçek, 1963, Հոպա, Արդվինի մարզ, Թուրքիա), համշենահայ հասարակական, մշակութային գործիչ, երաժիշտ, Վովա խմբի համահիմնադիր և մեներգիչ, համշենական ժողովրդական երգերի բանահավաք, «Հատիկ» միության փոխնախագահ։ Իր ազգային, հասարակական հայացքների համար բազմիցս հետապնդումների է ենթարկվել Թուրքիայի իշխանությունների կողմից[1][2]:
Կենսագրական տվյալներ[խմբագրել | խմբագրել կոդը]
Հիքմեթ Աքչիչեքը ծնվել է Թուրքիայի Հանրապետության Հոպա շրջանում 1963 թվականին համշենահայ ընտանիքում։ Նախնական կրթությունը ստացել է Հոպայում։ Այնուհետև՝ 1981 թվականին, կրթությունը շարունակելու նպատակով Հիքմեթը մեկնել Ստամբուլ քաղաք, որտեղ ընդունվել է համալսարան։ Նա մինչ օրս բնակվում է Ստամբուլում` պահպանելով Հոպայում մնացած իր ընտանիքի անդամների՝ ծնողների և եղբոր հետ կապը։ Իր մայրենի լեզուն համարում է համշեներենը։ Աշխատում է մասնավոր ընկերությունում որպես ֆինանսական ղեկավար[1][2]։
Համշենապահպան գործունեություն[խմբագրել | խմբագրել կոդը]
Վովա խումբ[խմբագրել | խմբագրել կոդը]
Հիքմեթ Աքչիչեքը հանդիսանում է համշենահայ Վովա երաժշտական խմբի համահիմնադիրն ու մենակատարը։ Խումբը ստեղծվել է 2005 թվականին՝ նպատակ ունենալով հավաքագրել, պահպանել և համշենահայերի հետագա սերնդին փոխանցել համշենական ազգային, ժողովրդական երգարվեստը։ Այն ստեղծագործում է համշենի բարբառով[1][2][3][4][5]։
Վովա խումբն իր առաջին մեծ ելույթն ունեցել է պոլսահայ հայտնի լրագրող Հրանտ Դինքի հիշատակին կազմակերպված երեկոյի ընթացքում, որտեղ կատարել են հայերեն «Յար յար» երգը։ Երաժշտական խումբը 2005 թվականին թողարկել է «Վովա» ալբոմը, որտեղ խտացվել են համշենի բարբառով 13 ժողովրդական երգ։ Այն հանդիսանում է համշենի բարբառով ձայնագրված երգերի առաջին ալբոմն աշխարհում[1][2][3]։
2012 թվականի Վովան համերգով է հանդես եկել Ռուսաստանի Դաշնության Մոսկվայում, Սոչիում և այլ քաղաքներում[5][6]։
Վովա երաժշտական խմբին առավել լայն տարածում բերեց 13 երգերից կազմված «Վովա» ալբոմը, որը թողարկվել է 2005 թվականին։ Համշենի բարբառով գրված 13 ժողովրդական երգերն են, որոնցից առավել հայտնին հանդիսանում է «Նեննի Նեննի» երգը[1][2][4][5]։
Ընտանիք[խմբագրել | խմբագրել կոդը]
Հիքմեթ Աքչիչեքն ամուսնացած է, ունի երկու աղջիկ[1][2]։
Արտաքին հղումներ[խմբագրել | խմբագրել կոդը]
- Հիքմեթ Աքչիչեքի հարցազրույցը «Սիվիլնեթ»-ին:
- Հուշարձանագետ Սամվել Կարապետյանը խոսում է Հիքմեթ Աքչիչեքի և նրա Վովա խմբի մասին (տեսանյութ)
- Հիքմեթ Աքչիչեքի և Վովա խմբի համերգը (տեսանյութ)
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 «Համշէնն ու համշէնահայերը. Ներկայացնում են համշէնցի մտաւորականները», akunq.net:
- ↑ 2,0 2,1 2,2 2,3 2,4 2,5 «ՀԱՄՇԷՆՆ ՈՒ ՀԱՄՇԷՆԱՀԱՅԵՐԸ. ՆԵՐԿԱՅԱՑՆՈՒՄ ԵՆ ՀԱՄՇԷՆՑԻ ՄՏԱՒՈՐԱԿԱՆՆԵՐԸ» (արխիվացված)
- ↑ 3,0 3,1 «Թուրքիայում համշենահայերի հայտնի «Վովա» երաժշտական խմբի անդամները սպառնալիքների են ենթարկվում», tert.am Արխիվացված 2019-01-28 Wayback Machine (արխիվացված)։
- ↑ 4,0 4,1 Հայագիտարան կայքի անդրադարձը Վովա խմբին (արխիվացված)։
- ↑ 5,0 5,1 5,2 «Թուրքիայում համշենահայերի հայտնի «Վովա» երաժշտական խմբի անդամները սպառնալիքների են ենթարկվում», artsakhpress.am (արխիվացված)։
- ↑ «Համշենահայերի «Vova» խումբը համերգներով հանդես կգա Կրասնոդարի երկրամասում» (արխիվացված)։