Վլադիմիր Յարցև

Վլադիմիր Յարցև
	ռուս.՝ Владимир Ярцев
հոկտեմբերի 15, 1924 - նոյեմբերի 8, 1956 (32 տարեկան)
Ծննդավայր	Donetsk Governorate, Ուկրաինական ԽՍՀ, ԽՍՀՄ
Մահվան վայր	Բուդապեշտ, Հունգարական Ժողովրդական Հանրապետություն
Գերեզման	Լիչակիվ գերեզմանատուն
Զորատեսակ	ԽՍՀՄ ռազմաօդային ուժեր
Ծառայության տարիներ	1941-1956
Կոչում	գվարդիայի ավագ լեյտենանտ
Մարտեր/; պատերազմներ	Հայրենական մեծ պատերազմ և Հունգարական հեղափոխություն
Պարգևներ	; և

Վլադիմիր Եգորովիչ Յարցև (ռուս.՝ Владимир Егорович Ярцев, հոկտեմբերի 15, 1924(1924-10-15), Donetsk Governorate, Ուկրաինական ԽՍՀ, ԽՍՀՄ - նոյեմբերի 8, 1956(1956-11-08), Բուդապեշտ, Հունգարական Ժողովրդական Հանրապետություն), 1956 թվականի Հունգարական հեղափոխության մասնակից, Հարավային զորամիավորման 880-րդ գվարդիական ավիացիոն ռմբակոծիչ գնդի ավիացիոն էսկադրիլիայի կապի պետ, Սովետական Միության հերոս^[1], գվարդիայի ավագ լեյտենանտ։

Կենսագրություն

Վլադիմիր Յարցևը ծնվել է 1924 թվականի հոկտեմբերի 15-ին Ուկրաինական ԽՍՀ Դոնեցկի նահանգի հանքարանի № 3 գյուղում (ներկայում՝ Ուկրաինայի Լուգանսկի մարզի Ռովենկի քաղաքային խորհրդի Դերժինսկի գյուղ), ռուս բանվորի ընտանիքում։ Ավարտել է միջնակարգ դպրոցը։ 1942 թվականին Ստալինգրադ քաղաքում (ներկայում՝ Վոլգոգրադ) ավարտել է կապի շրջանային դպրոցը^[1]։

Կարմիր բանակում ծառայությունն սկսել է 1941 թվականին։ Մասնակցել է Հայրենական մեծ պատերազմին․ 1941 թվականի սեպտեմբերից մինչև դեկտեմբեր ծառայել է Հարավարևմտյան ճակատի 6-րդ հրաձգային կորպուսի կազմում, 1943 թվականի մարտից մինչև նոյեմբեր՝ Բելառուսական ճակատի 16-րդ օդային ուժերի 67-րդ գրոհիչ ավիացիոն գնդում։ 1945 թվականի հունվարից մինչև մայիս ավագ լեյտենանտ Յարցևը եղել է 16-րդ օդային ուժերի 327-րդ ռմբակոծիչ ավիացիոն դիվիզիայի 970-րդ ռմբակոծիչ ավիացիոն գնդի ավագ օդային հրաձիգ-ռադիստը։ Պատերազմի ընթացքում չորս անգամ վիրավորվել է, պարգևատրվել է Կարմիր աստղի շքանշանով։

1946 թվականից անդամակցել է Կոմունիստական կուսակցությանը։

1950-ական թվականներին ծառայել է Խորհրդային բանակի հարավային խմբավորման ռազմաօդային ուժերում (Հունգարիայի Ժողովրդական Հանրապետություն)։

1956 թվականի աշնանը 880-րդ գվարդիական ռմբակոծիչ ավիացիոն գնդի ավիացիոն էսկադրիլիայի կապի պետ, գվարդիայի ավագ լեյտենանտ Վլադիմիր Յարցևը խորհրդային զորքերի կազմում մասնակցել է Հունգարիայում ծավալված դեպքերին, որոնք խորհրդային իշխանությունները պաշտոնապես որակում էին «հակահեղափոխական խռովության ճնշում»^[1]։

1956 թվականի նոյեմբերի 8-ին Վլադիմիր Յարցևը Իլ-28 ռմբակոծիչի անձնակազմում (հրամանատար՝ գվարդիայի կապիտան Ալեքսանդր Բոբրովսկի, ղեկապետ՝ գվարդիայի կապիտան Դմիտրի Կարմիշին) կատարել է ռազմական հրամանը՝ լուսանկարել ռազմական գործարանները։ Հաջողությամբ կատարելով առաջադրանքը և անհրաժեշտ նյութերը փոխանցելով շտաբին՝ խորհրդային ինքնաթիռը օդանավակայան վերադառնալիս Չեպել կղզու մոտ ենթարկվել է զենիթային գնդակոծման և ընկել։ Անձնակազմի բոլոր անդամները զոհվել են։

Սովետական գվարդիական սպաների մարմինները տեղափոխվել են Խորհրդային Միություն և թաղվել Ուկրաինայի Լվով քաղաքի Լիչակովի գերեզմանատանը։ Գերեզմանի վրա տեղադրվել է հուշաքար^[2]։

ԽՍՀՄ Գերագույն խորհրդի նախագահության՝ 1956 թվականի դեկտեմբերի 18-ի հրամանով ռազմական պարտքի կատարման ժամանակ ցուցաբերած արիության ու խիզախության համար գվարդիայի ավագ լեյտենանտ Վլադիմիր Յարցևին հետմահու շնորհվել է Սովետական Միության հերոսի կոչում։

Պարգևներ

Լենինի շքանշան, Կարմիր աստղի երկու շքանշաններ, մեդալներ^[1]։

Ծանոթագրություններ

↑ ^1,0 ^1,1 ^1,2 ^1,3 «Վլադիմիր Յարցևը «Երկրի հերոսները» կայքում». Վերցված է 28 հոկտեմբերի, 2016-ին.
↑ Շիրմաքարի լուսանկարը

[Յարցև-1] 1,0 ^1,1 ^1,2 ^1,3 «Վլադիմիր Յարցևը «Երկրի հերոսները» կայքում». Վերցված է 28 հոկտեմբերի, 2016-ին.

[2] Շիրմաքարի լուսանկարը

[1]

[2]