Վասակ Պողոսյան

Վիքիպեդիայից՝ ազատ հանրագիտարանից
Jump to navigation Jump to search
Վասակ Պողոսյան
Ծնվել է 1881
Մահացել է 1937
Մասնագիտություն քաղաքական գործիչ

Վասակ Սամսոնի Պողոսյան (1881 - 1937), Անդրկովկասում հեղափոխական շարժման մասնակից, խորհրդային պետական աշխատող։ ՍՄԿԿ անդամ 1920 թվականից։

Հեղափոխական գործունեության մեջ ներգրավվել է 1905 թվականից։ Մինչև 1917 թվականը աշխատել է Սիբիրում։ 1919 թվականին փոխադրվել է Հայաստան։ Սովետական կարգեր հաստատվելուց հետո եղել է ՀԽՍՀ ֆինանսների ժողկոմ (1922-1928), Անդրֆեդերացիայի կենտգործկոմի պլենումի (1923 թվականից) և Անդրկենտգործկոմի բյուջետային հանձնաժողովի (1927 թվականից) կազմում։ 1929 թվականից Անդրֆեդերացիայի ֆինժողկոմատի կոլեգիայի, 1930 թվականից՝ Պետպլանի նախագահության անդամ էր։ Կյանքի վերջին տարիներին պատասխանատու աշխատանք է տարել Անդրֆեդերացիայի ֆինանսական մարմիններում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 372 CC-BY-SA-icon-80x15.png