Վաչե Ռոստոմյան

Վիքիպեդիայից՝ ազատ հանրագիտարանից
Jump to navigation Jump to search
Վաչե Ռոստոմյան
Վ․ Անդրանիկի Ռոստոմյան.jpg
Ծնվել էապրիլի 30, 1961(1961-04-30)
ԾննդավայրԳրիբոյեդով, Արմավիրի մարզ, Հայաստան, ԽՍՀՄ
Մահացել էդեկտեմբերի 16, 1991(1991-12-16) (30 տարեկանում)
Մահվան վայրԱրցախ
Պարգևներ և
մրցանակներ
Արցախի Հանրապետության «Մարտական խաչ» 2-րդ աստիճանի շքանշան և Արիության մեդալ

Վաչե Անդրանիկի Ռոստոմյան (ապրիլի 30, 1961(1961-04-30), Գրիբոյեդով, Արմավիրի մարզ, Հայաստան, ԽՍՀՄ - դեկտեմբերի 16, 1991(1991-12-16), Արցախ[1]), ազատամարտիկ, երկրաբան, ուսուցիչ, ՀՅԴ անդամ)։

Կենսագրություն[խմբագրել | խմբագրել կոդը]

Վաչե Ռոստոմյանի շիրիմը
Վաչե Ռոստոմյանի կիսանդրին

Վաչե Ռոստոմյանը ծնվել է 1961 թվականի ապրիլի 30-ին Արմավիրի մարզի Գրիբոյեդով գյուղում՝ հողագործի ընտանիքում: Նախնիները եկել են Արևմտյան Հայաստանի Կարս քաղաքից: Հայրը՝ Անդրանիկ Բագրատի Ռոստոմյան, մայրը՝ Հասմիկ (Օֆելյա) Նարիմանի Ռոստոմյան: Ընտանիքը ունեցել է 4 զավակ (3 տղա, 1 դուստր), որոնցից Վաչեն միջնեկն էր: Նախնական կրթությունը ստացել է տեղի դպրոցում: Յոթ տարի սովորել է գյուղում, այնուհետև ընդունվել է Ա.Շահինյանի անվ. ֆիզմաթ դպրոց: Ավարտելուց հետո էքստեռն քննությամբ ընդունվել է ԵՊՀ-ի երկրաբանական ֆակուլտետ: Ուսումն ավարտելուց հետո գործուղվել է Կապան 5 տարի ժամկետով՝ տեղանքը ուսումնասիրելու համար: 1991 թվականի սեպտեմբերից աշխատել է գյուղի դպրոցում՝ որպես աշխարհագրության ուսուցիչ, սակայն այն հետապնդում էր մեկ այլ նպատակ, նա ցանկանում էր տեղում ձևավորել խմբեր, որոնք կմեկնեին Արցախ: 4 ամսվա ընթացքում ձևավորում է 2 խումբ՝ «Մրրիկ» և «Կայծակ» անուններով՝ յուրաքանչյուրում 11 անդամ:

Դեռևս երիտասարդ հասակից իր հարազատների վրեժը սրտում մոռանալ չէր տալիս: 1988 թվականին արցախյան շարժման պատճառով Կապանից վերադարձել է Երևան՝ Արցախ մեկնելու նպատակով: Աշխատել է Երևաննախագիծ ինստիտուտում, որպես քարտեզագիր: Եղել է Սիմոն Աչիկգյոզյանի ուսանողը:

1988 թվականից անդամագրվում է Արցախ մեկնող խմբին: Այդ շրջանում մի քանի անգամ մեկնում է Շահումյանի շրջանի Գյուլիստան գյուղ, մասնակցում է տեղի մարտերին: Մասնակցություն Է ունեցել Շուշիի առանձնակի գումարտակի մարտերին: Եղել է Էջմիածնի ջոկատի պատասխանատուներից մեկը: 1990 թվականին ընտրվում է Էջմիածնի Ռուբեն Տեր–Մինասյան ՀՅԴ նոր ձևավորվող կոմիտեի անդամ՝ 11 ընկերներից կազմված: Նրա մահվանից հետո կոմիտեն վերանվանվել է Վաչե Ռոստոմյան։ 1988 թվականից մեկնել է Արցախի Գյուլիստան գյուղ որպես լրագրող և ստացել տեղի ժամանակավոր քաղաքացիություն:

Աջից՝ Վաչե Ռոստոմյան, ձախից՝ Սամվել Խոստեղյան, ներքևում՝ Պավլիկ Մանուկյան

Զոհվել է 1991 թվականի դեկտեմբերի 16-ին: Վերջին մարտը մղել է Ստեփանակերտի մոտ, Հասանաբադի Մալիբեյլու գյուղում, որտեղ էլ զոհվել է[1]: Թաղված է Գրիբոյեդով գյուղում: Գրիբոյեդով գյուղի դպրոցը անվանակոչվել է Վաչե Ռոստոմյանի անվամբ, որտեղ և տեղադրվել է նրա կիսանդրին[1]:

Պարգևներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png