Վան Հեֆլին

Վան Հեֆլին; անգլ.՝ Van Heflin
Ծնվել է	դեկտեմբերի 13, 1908[…]
Ծննդավայր	Walters, Օկլահոմա, ԱՄՆ
Մահացել է	հուլիսի 23, 1971 (62 տարեկան)
Մահվան վայր	Հոլիվուդ, Կալիֆոռնիա, ԱՄՆ
Կրթություն	Օկլահոմայի համալսարան, Եյլի համալսարան և Classen School of Advanced Studies?
Քաղաքացիություն	ԱՄՆ
Մասնագիտություն	բնավորության դերասան, թատրոնի դերասան և կինոդերասան
Ժանրեր	վեսթեռն
Պարգևներ և մրցանակներ	և Հոլիվուդյան փառքի ծառուղու աստղ

Վան Հեֆլին (անգլ.՝ Van Heflin, դեկտեմբերի 13, 1908(1908-12-13)^[1]^[2]^[3]^[…], Walters, Օկլահոմա, ԱՄՆ - հուլիսի 23, 1971(1971-07-23)^[4]^[5], Հոլիվուդ, Կալիֆոռնիա, ԱՄՆ^[6]), ամերիկյան դերասան, 1943 թվականին արժանացել է «Օսկար» մրցանակին։

Կենսագրություն

Էմեթ Էվան "Վան" Հեֆլին կրտսերը (անգլ.՝ Emmett Evan "Van" Heflin, Jr.) ծնվել է Ուոլթերս քաղաքում, Օկլահոմա, 1910 թվականի դեկտեմբերի 3-ին ատամնաբույժի ընտանիքում^[7]։ Նրա նախնիները ԱՄՆ են տեղափոխվել Իռլանդիայից և Ֆրանսիայից^[8]։ Նրա կրտսեր քույրը՝ Ֆրենսիս Հեֆլինը, նույնպես դերասանուհի է դարձել։ Հեֆլինը բարձրագույն կրթությունը ստացել է Օկլահոմայի համալսարանում, որտեղ նաև Ֆի Դելտա Թետա (ΦΔΘ) եղբայրության անդամ է եղել։

Դերասանական կարիերան Հեֆլինը սկսել է Բրոդվեյի թատրոնում 1930-ական թվականների սկզբին, իսկ 1936 թվականին՝ «RKO»-ի հետ պայմանագիր ստորագրելուց հետո առաջին անգամ հանդես է եկել մեծ էկրաններին՝ «Կինն ապստամբում է» ֆիլմում Քեթրին Հեփբերնի հետ։ 1940 թվականին նա հայտնվել է «Warner Bros.» ստուդիայի «Ճանապարհ Սանտա Ֆե»-ում ֆիլմում, իսկ ապա տեղափոխվել «MGM» ստուդիա, որտեղ մեծ հաջողությունների է հասել այնպիսի ֆիլմերում, ինչպիսիք են «Գ.Մ. Փուլհեմ Էսքվայր» (1941) և «Ջոնի Իգեր» (1942)։ Վերջինիս համար նա դարձել է «Օսկարի» մրցանակակիր՝ «Երկրորդ պլանի լավագույն դերասան» անվանակարգում։

Չնայած դրա՝ «MGM» ստուդիան շարունակել է նկարահանել Հեֆլինին միայն B կատեգորիայի ֆիլմերում, իսկ առավել հեղինակավոր ֆիլմերում նրան առաջարկում էին միայն երկրորդական դերեր։ Չնայած այդ ամենին՝ կինոյում նրա դերերը բավական շատ են եղել, և նա շարունակել է իր դերասանական գործունեությունը ողջ 1940-ականների ընթացքում։ Նա հաջողակ դերեր է ունեցել «Թենեսի Ջոնսոն» (1942), «Քանի դեռ լողում են ամպերը» (1946), «Մարթա Այվերսի տարօրինակ սերը» (1946), «Գրին Դոլֆին փողոց» (1947) և «Երեք հրացանակիրները» (1948), «Բռնության ակտ» (1948) և «Մադամ Բովարի» (1949) ֆիլմերում։

Երկրորդ համաշխարհային պատերազմի տարիներին Վան Հեֆլինը ամերիկյան ВВС-ի օպերատոր էր ծառայում Եվրոպայում։

1950-ական թվականների սկզբին առավել վառ է դարձել նրա դերը «Շեյն» ֆիլմում՝ գլխավոր դերում Ջին Արթուրի հետ միասին։ Հետագայում նա բավական հաջող դերեր է կատարել «Սև այրին» (1954) և «3:10-ին Յումուում» (1957) ֆիլմերում։ Իր կարիերայի ընթացքում Հեֆլինը շարունակել է խաղալ նաև թատրոնում, որտեղ նա նշանակալի դերեր է ունեցել «Ֆիլադելֆիական պատմություն» ներկայացման մեջ, որը կայացել է Բրոդվեյում 1930-ականների վերջին, ինչպես նաև Արթուր Միլերի «Հիշողություններ եկու երկուշաբթիների մասին» և «Տեսարան կամրջից» պիեսներում։

Դերասանի վերջին խոշոր դերը եղել է «Օդակայան» ֆիլմում, որտեղ նա կատարել է Դ. Օ. Հերերոյի դերը, որը որոշել է պայթեցնել իրեն ինքնաթիռի հետ միասին, որպեսզի իր կինը (Մորին Սթեփլթոնի կատարմամբ) ապահովագրություն ստանա։ Վան Հեֆլինը երկու աստղի է արժանացել Հոլիվուդի փառքի ծառուղում. կինոարդյունաբերության և հեռուստատեսության մեջ ունեցած ավանդի համար։

Վան Հեֆլինը երեք անգամ ամուսնացած է եղել, իսկ իր վերջին կինը՝ դերասանուհի Ֆրենսիս Ե. Նիլը, որի հետ նա ապրել է 25 տարի, դարձել է երեք երեխաների մայր։ 1971 թվականի հուլիսի 6-ին լողավազանում լողալու ժամանակ դերասանի մոտ սրտի կաթված է տեղի ունեցել։ Նա կարողացել է հասնել աստիճաններին, որտեղ ուշագնաց է եղել և մնացել է այնտեղ մի քանի ժամ՝ մինչ նրան գտնելը։ Նրան հասցրել են հիվանդանոց, որտեղ 1971 թվականի հուլիսի 23-ին մահացել է՝ ուշքի չգալով։ Վան Հեֆլինի մարմինն այրել են և աճյունը շաղ տվել օվկիանոսի վրայով։

Ծանոթագրություններ

↑ ^1,0 ^1,1 WikiTree — 2005. — ed. size: 23699588
↑ ^2,0 ^2,1 The Encyclopedia of Oklahoma History and Culture
↑ ^3,0 ^3,1 United States Census, 1910(բազմ․) — (untranslated).
↑ ^4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^5,0 ^5,1 ^5,2 Internet Broadway Database — 2000.
↑ Everett, Dianna. «Heflin, Էմեթ Էվան (1908-1971)». Oklahoma History Center. Վերցված է 2015 թ․ հունիսի 28-ին.
↑ Encyclopedia of Oklahoma History & Culture
↑ «Van Heflin». Արխիվացված է օրիգինալից 2006 թ․ ապրիլի 27-ին. Վերցված է 2016 թ․ հունվարի 26-ին.

Արտաքին հղումներ

Վան Հեֆլին Internet Movie Database կայքում
Encyclopedia of Oklahoma History and Culture - Heflin, Van Արխիվացված 2010-10-18 Wayback Machine
Photographs and literature on Van Hefln

[_53ddb5c21b235d7f-1] 1,0 ^1,1 WikiTree — 2005. — ed. size: 23699588

[_7f07c8f563ae8290-2] 2,0 ^2,1 The Encyclopedia of Oklahoma History and Culture

[_6488cd16813688ca-3] 3,0 ^3,1 United States Census, 1910(բազմ․) — (untranslated).

[_39f6a716929f93ab-4] 4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_b1d4fe2c632b3a8f-5] 5,0 ^5,1 ^5,2 Internet Broadway Database — 2000.

[ohc-6] Everett, Dianna. «Heflin, Էմեթ Էվան (1908-1971)». Oklahoma History Center. Վերցված է 2015 թ․ հունիսի 28-ին.

[7] Encyclopedia of Oklahoma History & Culture

[8] «Van Heflin». Արխիվացված է օրիգինալից 2006 թ․ ապրիլի 27-ին. Վերցված է 2016 թ․ հունվարի 26-ին.

[1]

[2]

[3]

[4]

[5]

[6]

[7]

[8]