Վանիկ Վիրաբյան

Վանիկ Վիրաբյան
Ծնվել է	1959 թվականի դեկտեմբերի 4
Ծննդավայր	Ադրբեջանական ԽՍՀ, Շամխորի շրջանի Չարդախլու գյուղ
Քաղաքացիություն	Խորհրդային Սոցիալիստական Հանրապետությունների Միություն, Հայաստան
Ազգություն	հայ
Մայրենի լեզու	հայերեն
Կրթություն	Երևանի պետական համալսարանի պատմության ֆակուլտետ
Գիտական աստիճան	պատմական գիտությունների դոկտոր
Երկեր	Հայաստանի Հանրապետության պետական անվտանգության համակարգի ստեղծումը և գործունեությունը 1918-1920 թթ. (Հետախուզություն, բանակ, ՆԳՆ), Երևան, 2015, 748 էջ, Հայ-վրացական ռազմաքաղաքական հարաբերությունները 1918-1921 թվականներին, Երևան, 2016, 828 էջ
Մասնագիտություն	պատմաբան
Աշխատավայր	Հայաստանի պետական ճարտարագիտական համալսարան

Վանիկ Վիրաբյան (ծնվել է 1959 թվականի դեկտեմբերի 4-ին Ադրբեջանական ԽՍՀ Շամխորի շրջանի Չարդախլու գյուղում), պատմաբան, պատմական գիտությունների դոկտոր։

Կենսագրություն

Ծնվել է 1959 թվականի դեկտեմբերի 4-ին Ադրբեջանական ԽՍՀ Շամխորի շրջանի Չարդախլու գյուղում։ 1976 թվականին ավարտելով Երևանի թիվ 159 միջնակարգ դպրոցը՝ ընդունվել է Երևանի պետական համալսարանի պատմության ֆակուլտետը։ 1981 թ. գերազանցության դիպլոմով ավարտելով համալսարանը՝ ուսումը շարունակել է ասպիրանտուրայում՝ ԽՍՀՄ պատմություն մասնագիտությամբ։ 1984 թվականին ավարտելով ասպիրանտուրան՝ աշխատանքի է անցել Երևանի Պոլիտեխնիկական ինստիտուտի (այժմ՝ Հայաստանի պետական ճարտարագիտական համալսարան) ԽՄԿԿ պատմության ամբիոնում որպես ասիստենտ, 1989 թվականից՝ ավագ դասախոս, 1990 թվականից՝ Պատմության և քաղաքագիտության ամբիոնի դոցենտ։ 1988 թվականին պաշտպանել է թեկնածուական ատենախոսություն։ 1998 թվականին նշանակվել է Հայաստանի պետական ճարտարագիտական համալսարանի (ՀՊՃՀ) սոցիալ-քաղաքական և ընդհանուր տնտեսագիտության դեպարտամենտի վարիչի տեղակալ, 2004-2006 թթ.` Հայոց պատմության ամբիոնի պաշտոնակատար։ 2008 թվականին պաշտպանել է դոկտորական ատենախոսություն և ստացել պատմական գիտությունների դոկտորի գիտական աստիճան։ Գիտական նախասիրությունների ոլորտում են ազգային պետականության և մշակույթի զարգացման հիմնահարցերը և Հայաստանի առաջին հանրապետության պատմությունը։ Մեկ տասնյակից ավելի մենագրությունների և 50-ից ավելի գիտական հոդվածների հեղինակ է։

Երկեր

• 1918 թ. վրաց–հայկական պատերազմը, ՀՀ կառավարության ռազմաքաղաքական գործունեությունը և կուսակցությունները, Երևան, 2003։
• Հայ-վրացական հարաբերությունները և Լոռու Չեզոք գոտին 1920-1921 թթ. (տարածքային սահմանազատումը), Երևան, 2015։ - http://www.historyofarmenia.am/images/menus/1455/Virabyan_Vanik.pdf
• Հայաստանը Անդրկովկասյան հանրապետությունների 1920 թ. ապրիլյան վեհաժողովում, Երևան, 2004։ - http://www.historyofarmenia.am/images/menus/1351/Aprilyan_Vehajoxov_Virabyan_V.pdf
• Հայաստանի առաջին հանրապետության հատուկ ծառայությունները 1918-1920 թթ. (Հայոց քաղաքական պատմության նորագույն էջերից), Երևան, 1999։ - http://www.historyofarmenia.am/images/menus/1498/Hatuk_Carayutyunner.pdf
• Հայաստանի առաջին հանրապետության միլիցիան և ներքին գործերի նախարարությունը (1918-1920 թթ.), Երևան, 2003։
• Հայաստանի Հանրապետության հետախուզությունը և բանակը 1918-1920 թթ., Երևան, 2009։ - http://www.historyofarmenia.am/images/menus/1356/Virabyan_hetaxuzutyun.pdf
• Հայաստանի Հանրապետության պետական անվտանգության համակարգի ստեղծումը և գործունեությունը (1918-1920 թթ.), Երևան, 2006։
• Հայաստանի Հանրապետության պետական անվտանգության համակարգի ստեղծումը և գործունեությունը 1918-1920 թթ. (Հետախուզություն, բանակ, ՆԳՆ), Երևան, 2015։ - http://www.historyofarmenia.am/images/menus/1454/Virabyan_V2015.pdf
• Հայաստանի Հանրապետությունը 1918-1920 թթ. (ուսումնական ձեռնարկ ԲՈՒՀ-երի համար), Երևան, 2011։ - http://www.historyofarmenia.am/images/menus/1357/HH_1918-1920_Virabyan.pdf
• Հայաստանի Հանրապետությունը 1918-1920 թթ.: Կառավարության ռազմաքաղաքական գործունեությունը և կուսակցությունները, Երևան, 1999։
• Հայկական հետախուզությունը Առաջին հանրապետության տարիներին (1918-1920 թթ.), Երևան, 2003։ - http://www.historyofarmenia.am/images/menus/1472/HH_heraxuzutyuny_arajin_hanr_tarinerin.pdf

Գրականություն

• Երևանի պետական համալսարանի 90-ամյա պատմության ֆակուլտետը, խմբ. Էդիկ Մինասյան, Երևան, 2009, էջ 330։

Արտաքին հղումներ

• Խ. Աբովյանի անվան Հայկական պետական մանկավարժական համալսարանի Հայոց պատմության ամբիոն։ Վանիկ Վիրաբյան, - https://aspu.am/hy/content/virabyan_vanik11/