Վանդա Պանֆիլ
| Վանդա Պանֆիլ | |
|---|---|
| Անձնական տեղեկություն | |
| Սեռ՝ | իգական |
| Ամբողջական անուն՝ | Վանդա Մարյաննա Պանֆիլ-Գոնսալես |
| Բնօրինակ անուն՝ | Wanda Marianna Panfil-González |
| Ազգություն՝ | լեհ |
| Մասնագիտացում՝ | վազորդ |
| Երկիր՝ |  Լեհաստան |
| Ծննդյան ամսաթիվ՝ | հունվարի 26, 1959 (65 տարեկան) |
| Ծննդավայր՝ | Օպոչնո, Լեհաստան |
| Ակումբ՝ | Լեխիա Տոմաշուվ Մազովեցկի |
| Մարզիչ(ներ)՝ | Կարոլ Վլոդարչիկ Մաուրիսիո Գոնսալես |
| 167 սմ | |
| Քաշ՝ | 53 կգ |
Վանդա Մարյաննա Պանֆիլ-Գոնսալես (լեհ.՝ Wanda Marianna Panfil-González, հունվարի 26, 1959[1], Opoczno, Լոձի վոյեվոդություն, Լեհաստան), լեհ թեթև ատլետ, 1980-ական թվականների վերջին և 1990-ական թվականների սկզբին հանդես է եկել Լեհաստանի հավաքականի կազմում երկար վազքատարածություններում։ Երկու Օլիմպիական խաղերի, աշխարհի չեմպիոն, Նոգոյայի, Լոնդոնի, Նյու Յորքի ու Բոստոնի մարաթոնների չեմպիոն, ազգային առաջնությունների բազմակի հաղթող։ Երկու անգամ անընդմեջ ճանաչվել է Լեհաստանի լավագույն մարզուհի (1990, 1991)։
Կենսագրություն[խմբագրել | խմբագրել կոդը]
Վանդա Պանֆիլը ծնվել է 1959 թվականի հունվարի 26-ին Լոձի վոյեվոդության Օպոչնո քաղաքում։ Թեթև ատլետիկայով ակտիվորեն զբաղվել սկսել է բավական վաղ տարիքում՝ դեռ տարրական դասարաններում սովորելու տարիներին։ 16 տարեկան հասակում միացել է Տոմաշուվ Մազովեցկի քաղաքի «Լեխիա» պրոֆեսիոնալ ակումբին, որտեղ պարապել է մարզիչ Կարոլ Վլոդարչիկի գլխավորությամբ։
Մեծահասակների մակարդակում Վանդա Պանֆիլի առաջին լուրջ հաջողությունը եղել է 1988 թվականին, երբ նա ընդգրկվել է Լեհաստանի ազգային հավաքականի հիմնական կազմում և մի շարք հաջող ելույթների շնորհիվ իրավունք է ստացել մասնակցելու Սեուլում անցկացվող Օլիմպիական խաղերին։ Օլիմպիական խաղերի ժամանակ կանանթ մարաթոնում վերջնագծին է հասել 22-րդ՝ ցույց տալով 2:34:35 ժամանակ։
Վլադա Պանֆիլի մարզական կարիերայի ամենահաջող մրցաշրջաններից մեկը եղել է 1990 թվականը, երբ նա հաղթել է Նագոյայի մարաթոնում, Լոնդոնի մարաթոնում ու Նյու Յորքի մարաթոնում։ Դրանից բացի՝ Սիեթլում անցկացված Բարի կամքի խաղերում նա ոսկե մեդալի է արժանացել 10000 մետր վազքում, ինչպես նաև մասնակցել է Եվրոպայի առաջնությանը, որ անցկացվել է Հարավսլավիայի Սպլիտ քաղաքում. այնտեղ նա զբաղեցրել է յոթերորդ տեղը։ Մրցաշրջանի արդյունքներով ճանաչվել է Լեհաստանի լավագույն մարզուհի։ Մեկ տարի անց Վանդա Պանֆիլը հաղթել է Բոստոնի մարաթոնում՝ սահմանելով անձնական ռեկորդ (2:24:18)։ Նույն թվականին նա մասնակցել է Տոկիայում անցկացվող աշխարհի առաջնությանը, որտեղ նույնպես զբաղեցրել է առաջին տեղն ու արժանացել ոսկե մեդալի։ Այդ մրցաշրջանում նույնպես նա արժանացել է Լեհաստանի տարվա լավագույն մարզուհու տիտղոսին։
Լինելով Լեհաստանի թեթև ատլետիկայի հավաքականի առաջատարների թվում՝ Վանդա Պանֆիլը բարեհաջող կերպով անցել է 1992 թվականին Բարսելոնայում կայանալիք Օլիմպիական խաղերի որակավորման փուլը։ Այս անգամ նա մարաթոնյան վազքատարածությունն անցել է 2:47:27 ժամանակում և զբաղեցրել 22-րդ տեղը (ինչպես և չորս տարի առաջ)։ Այդ խաղերի ավարտից կարճ ժամանակ անց Վանդա Պանֆիլը որոշել է ավարտել իր մարզական կարիերան որպես պրոֆեսիոնալ վազորդ և հավաքականում իր տեղը զիջել երիտասարդ մարզիկներին։
Վանդա Պանֆիլն ամուսնացած է երկար տարածությունների վազորդ մեքսիկացի Մաուրիսիո Գոնսալեսի հետ, ով մի քանի տարի եղել է նրա մարզիչը։ Վանդա Պանֆիլն ամուսնու հետ բնակություն է հաստատել Մեքսիկայում, որտեղ աշխատում է որպես թեթև ատլետիկայի մարզիչ[2]։
Ծանոթագրություններ[խմբագրել | խմբագրել կոդը]
- ↑ World Athletics database
- ↑ «Na pewno wrócę do Polski - rozmowa z Wandą Panfil» (լեհերեն). SportoweFakty.pl. 23 lipa 2013. Արխիվացված է օրիգինալից 2014 թ․ հունվարի 7-ին. Վերցված է 2016 թ․ ապրիլի 21-ին.
Արտաքին հղումներ[խմբագրել | խմբագրել կոդը]
- Վանդա Պանֆիլ - էջը IAAF կայքում (անգլ.)
- Վանդա Պանֆիլ Արխիվացված 2020-04-18 Wayback Machine - օլիմպիական վիճակագրությունը Sports-Reference.com կայքում (անգլ.)
- Պանֆիլ-Գոնսալես Վանդա Մարյաննա Արխիվացված 2016-03-29 Wayback Machine (լեհ.) - կենսագրությունը Լեհաստանի Օլիմպիական կոմիտեի կայքում
 | Վիքիպահեստն ունի նյութեր, որոնք վերաբերում են «Վանդա Պանֆիլ» հոդվածին։ |
| ||||||
