Վաղարշակ Միրզոյան

Վաղարշակ Միրզոյան;
Ծնվել է	1911
Ծննդավայր	Գորիս, Ելիզավետպոլի նահանգ, Կովկասի փոխարքայություն, Ռուսական կայսրություն
Մահացել է	անհայտ
Քաղաքացիություն	Ռուսական կայսրություն և ԽՍՀՄ
Կրթություն	Մոսկվայի Լենինի անվան ռազմաքաղաքական ակադեմիա
Մասնագիտություն	մանկավարժ
Պարգևներ և ; մրցանակներ	և ՀԽՍՀ վաստակավոր մանկավարժ

Վիքիպեդիայում կան հոդվածներ Միրզոյան ազգանունով այլ մարդկանց մասին։

Վաղարշակ Ալեքսանդրի Միրզոյան (1911, Գորիս, Ելիզավետպոլի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ ՀԽՍՀ վաստակավոր ուսուցիչ (1963): Հայրենական մեծ պատերազմի մասնակից։

Կենսագրություն[խմբագրել | խմբագրել կոդը]

Վաղարշակ Միրզոյանը ծնվել է 1911 թվականին, Գորիս քաղաքում, արհեստավորի բազմանդամ ընտանիքում։ 1931 թվականին մանկավարժական աշխատանքի է անցել հայրենի քաղաքում, եղել է ուսմասվար, ժողկրթբաժնի դպրոցական տեսուչ։ 1938 թվականին զորակոչվել է կարմիր բանակ՝ պարտադիր զինվորական ծառայության^[1]։

Միրզոյանը մասնակցել է Հայրենական պատերազմին, աչքի է ընկել 1945 թվականի հունվարին, երբ խորհրդային զորքերը Սանդոմիրի պլացդարմից սկսել են հարձակումը։ Պարգևատրվել է «Վարշավայի ազատագրման համար» մեդալով։ 1945 թվականի մարտին 61-րդ բանակի հրամանատարի հրամանով կապիտան Միրզոյանի գումարտակին տրվել է մարտական հատուկ առաջադրանք, որպես բանակի ավանգարդի, հակառակորդին հետապնդել, հետագա հարձակումը ծավալելու համար։ Միրզոյանը պարգևատրվել է Կարմիր դրոշի, Կարմիր աստղի շքանշաններով, «Մարտական ծառայությունների համար», «Բեռլինի գրավման համար» մեդալներով։ 1945 թվականին Միրզոյանը 89-րդ Թամանյան հայկական հրաձգային դիվիզիայի կազմում վերադարձել է հայրենիք, ծառայել դիվիզիայի զորամասում մինչև 1956 թվականը^[1]։

Միրզոյանը 1954 թվականին հեռակա կարգով ավարտել է Մոսկվայի Վ. Ի. Լենինի անվան ռազմաքաղաքական ակադեմիան։ Փոխգնդապետ Միրզոյանը 1956 թվականի օգոստոսից մինչև 1971 թվական եղել է միջնակարգ դպրոցի տնօրեն։ 1963 թվականին արժանացել է վաստակավոր ուսուցչի պատվավոր կոչման։ Միրզոյանն անցել է հանրապետական կարգի անհատական կենսաթոշակի, միաժամնակ շարունակելով աշխատել որպես ուսուցիչ^[1]^[2]։

Պարգևներ[խմբագրել | խմբագրել կոդը]

ՀԽՍՀ վաստակավոր ուսուցիչ (1963)
Կարմիր դրոշի շքանշան
Կարմիր աստղի շքանշան
«Մարտական ծառայությունների համար» մեդալ
«Բեռլինի գրավման համար» մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:
↑ «ՄԻՐԶՈՅԱՆ ՎԱՂԱՐՇԱԿ ԱԼԵՔՍԱՆԴՐԻ». ԶԱՆԳԵԶՈՒՐ (ռուսերեն). 2010 թ․ մայիսի 6. Վերցված է 2020 թ․ նոյեմբերի 7-ին.

[books-1] 1,0 ^1,1 ^1,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[2] «ՄԻՐԶՈՅԱՆ ՎԱՂԱՐՇԱԿ ԱԼԵՔՍԱՆԴՐԻ». ԶԱՆԳԵԶՈՒՐ (ռուսերեն). 2010 թ․ մայիսի 6. Վերցված է 2020 թ․ նոյեմբերի 7-ին.

[1]

[2]