Վահան Տեր-Ղազարյան
Վահան Տեր-Ղազարյան | |
---|---|
Ծնվել է | հուլիսի 20, 1950 |
Ծննդավայր | Երևան, Հայկական ԽՍՀ, ԽՍՀՄ |
Վախճանվել է | սեպտեմբերի 28, 2021[1] (71 տարեկան) |
Վախճանի վայր | Երևան, Հայաստան |
Մասնագիտություն | արձակագիր, դրամատուրգ և սցենարիստ |
Քաղաքացիություն | ԽՍՀՄ և Հայաստան |
Կրթություն | Մաքսիմ Գորկու անվան գրականության ինստիտուտ |
Անդամակցություն | ՀԳՄ |
Վահան Տեր-Ղազարյան Վիքիքաղվածքում |
Վահան Տեր-Ղազարյան (հուլիսի 20, 1950, Երևան, Հայկական ԽՍՀ, ԽՍՀՄ - սեպտեմբերի 28, 2021[1], Երևան, Հայաստան), հայ արձակագիր, դրամատուրգ, կինոսցենարիստ։ Հայաստանի գրողների միության անդամ (1989)[2]։
Կենսագրություն[խմբագրել | խմբագրել կոդը]
Վահան Տեր-Ղազարյանը ծնվել է 1950 թվականի հուլիսի 20-ին, Երևանում։ Ավարտել է Մոսկվայի Մ. Գորկու անվան գրականության ինստիտուտը։ Աշխատել է «Սովետական գրող» հրատարակչությունում, Հայաստանի պատմաճարտարապետական հուշարձանների գլխավոր վարչությունում, կազմակերպել հնագիտական-հետախուզական անձնագրավորող արշավախմբեր Հայաստանի, Արցախի, Ջավախքի տարածքներում։ 1988 թվականին՝ Ղարաբաղյան շարժման սկզբում, հիդրոերկրաբանական և անտառագիտական արշավախմբի կազմում որպես հնագետ մեկնել է Արցախ։
1976-1977 թվականներին աշխատել է «Պիոներ» ամսագրում, 1977-1981 թվականներին՝ «Սովետական գրող» հրատարակչությունում, 1982-1984 թվականներին՝ Պատմաճարտարապետական հուշարձանների գլխավոր վարչությունում, 1984-1989 թվականներին՝ ՀԽՍՀ գիտությունների ակադեմիայում։ 1990 թվականից զբաղվում է կինոգործունեությամբ։ 1989-2000 թվականներին աշխատել է Հայաստանի գրողների միությունում։ Զբաղեցրել է ՀՀ ԳԱԱ աշխարհագրական ընկերության անձնագիտական արշավախմբի պետի պաշտոնը[3]։
Ստեղծագործական ուղի[խմբագրել | խմբագրել կոդը]
Հեղինակ է արցախյան ազատամարտի փաստավավերագրական ֆիլմերի սցենարների։ Առաջին անգամ տպագրվել է 1968 թվականին։ Տեր-Ղազարյանի պատմվածքները, վիպակները, հոդվածները, թարգմանությունները տպագրվել են հանրապետության պարբերական և գրական մամուլում («Գարուն», «Նորք», «Նոր-Դար», «Լիտերատուրնայա Արմենիա»)։ Հեղինակ է պիեսների, թարգմանել է նաև պիեսներ, որոնք բեմադրվել են Երևանի և Հայաստանի տարբեր շրջանների թատրոններում։ Տեր-Ղազարյանի ստեղծագործությունները թարգմանվել են ռուսերեն, լեհերեն, լիտվերեն։ Նրա սցենարներով և տեքստերով ներկայումս նկարահանվում է ֆիլմաշար՝ «Հայրենիքս Հայաստան», «Հայկ» կինոստուդիա[4]։
Երկեր[խմբագրել | խմբագրել կոդը]
- Թացուչորի և նրա որդիների զարմանահրաշ արկածները մեր օրերում (հեքիաթ), Երևան, 2004[5]։
- Լուսնի հեքիաթները, Երևան,1999։
- Արքայադրամ (վեպ), Երևան,1995[6]։
- Փնտրողների արշավանքը (վիպակ), Երևան,1980։
- Երգ սիրո (սովետական ժողովուրդների սիրո պոեզիայի անթոլոգիա, 2-րդ հատոր), Մոսկվա, 1972։
Սցենարներ[խմբագրել | խմբագրել կոդը]
- Դիմակայում – 2009
- Կապուտաչյա առասպել – 2008
- Հայոց պատմություն 1-9 ֆիլմեր – 2004
- «Հայրենիքս Հայաստան» ֆիլմաշար – 2004
- Օրենք և իրավունք – 2000
- Վկայություն – 1997
- Բարև ձեզ – 1994
- Ցեղի կանչը – 1994
- 20 օր Արցախում – 1993
- Վանի ճանապարհը Բերդաձորով – 1992
- Թիրախ – 1991
- Հայաստան – 1990
Պարգևներ[խմբագրել | խմբագրել կոդը]
- «Համազգային հայ կրթական և մշակութային միության» մրցանակ` «Արքայադրամ» վեպի համար, 1995
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Մահացել է գրող, ազատամարտիկ, սցենարիստ, անձավախույզ, լեռնագնաց Վահան Տեր-Ղազարյանը
- ↑ Վահան Տեր-Ղազարյանի մասին ՀԳՄ կայքում
- ↑ «Հայաստանի Կինեմատոգրաֆիստների Միություն. միության անդամներ». UCA.AM. Արխիվացված է օրիգինալից 2020 թ․ փետրվարի 16-ին. Վերցված է 2020 թ․ մարտի 1-ին.
- ↑ ««Հայոց պատմություն» ֆիլմաշար». haykdfs.com. Արխիվացված է օրիգինալից 2020 թ․ մարտի 1-ին. Վերցված է 2020 թ․ մարտի 1-ին.
- ↑ Տեր-Ղազարյան, Վահան (2004). Թացուչորի և նրա որդիների զարմանահրաշ արկածները մեր օրերում։ Միջին տարիքի երեխաների համար. Ամրոց գրուպ. ISBN 978-99941-31-17-4.
- ↑ Ղազարյան, Վահան Տեր (1997). Արքայադրամ. Առերեսում-Անի.
- Հուլիսի 20 ծնունդներ
- 1950 ծնունդներ
- Երևան քաղաքում ծնվածներ
- Սեպտեմբերի 28 մահեր
- 2021 մահեր
- Երևան քաղաքում մահացածներ
- Մաքսիմ Գորկու անվան գրականության ինստիտուտի շրջանավարտներ
- Հայաստանի գրողների միության անդամներ
- Անձինք այբբենական կարգով
- Գրողներ այբբենական կարգով
- Հայ արձակագիրներ
- Հայ դրամատուրգներ
- Հայ սցենարիստներ
- Հայ կինոսցենարիստներ