Վահան Սուբաշիև
| Վահան Սուբաշիև | |
|---|---|
| Ծնվել է | նոյեմբերի 18, 1916 |
| Ծննդավայր | Դոնի Ռոստով, Դոնի զորքի մարզ, Ռուսական կայսրություն |
| Մահացել է | հունիսի 5, 2014[1] (97 տարեկան) |
| Քաղաքացիություն |  Ռուսական կայսրություն,  ԽՍՀՄ և Ռուսաստան |
| Կոչում | պրոֆեսոր |
| Գիտական աստիճան | ֆիզիկամաթեմատիկական գիտությունների դոկտոր (1968) |
| Մասնագիտություն | ֆիզիկոս |
| Պարգևներ և մրցանակներ |   և |
| Երեխաներ | Արսեն Սուբաշիև |
Վահան Գասպարի Սուբաշիև (նոյեմբերի 18, 1916, Դոնի Ռոստով, Դոնի զորքի մարզ, Ռուսական կայսրություն - հունիսի 5, 2014[1]), հայազգի խորհրդային ֆիզիկոս։ Ֆիզիկա-մաթեմատիկական գիտությունների դոկտոր (1968), պրոֆեսոր (1970):
Արսեն Սուբաշիևի հայրը։
Կենսագրություն[խմբագրել | խմբագրել կոդը]
Վահան Սուբաշիևը ծնվել է 1916 թվականի նոյեմբերի 18-ին, Դոնի Ռոստովում, Գասպար Ադվեևիչի և Եվգենիա Իվանովնա Շահինովայի հայկական ընտանիքում։ 1943 թվականին ավարտել է Լենինգրադի պոլիտեխնիկական ինստիտուտի ֆիզիկա-մեխանիկական ֆակուլտետը[2]։ Նախադիպլոմային պրակտիկան անցել է ֆիզտեխնիկական ինստիտուտում՝ Աբրամ Ֆեդովովիչի Իոֆեի լաբորատորիայում, դիպլոմայի աշխատանքի թեմա՝ «Запирающий слой селеновых выпрямителей»:
1941 թվականին կամավոր մեկնել է ռազմաճակատ։ Առաջին մարտերից մեկի ժամանակ, Յարցևո քաղաքի մոտ՝ Սմոլենսկից ոչ հեռու, լուրջ վիրավորվել է, կորցրել է աչքը և անցել թիկունք, աշխատել է Կեմերվո շրջանի Պրոկոպևսկ քաղաքի էլեկտրական ենթակայանում։ 1945 թվականին վերադարձել է Լենինգրադ և աշխատանքիի անցել Աբրամ Իոֆեի անվան ֆիզտեխնիկական ինստիտուտի կիսահաղորդիչների լաբորատորիայում՝ որպես ավագ լաբորանտ, 1964-1987 թվականներին եղել է փորձարարական լաբորատորիայի վարիչ։ 1968 թվականին պաշտպանել է դոկտորական ատենախոսություն «Физика фотоэлектрических преобразователей солнечной энергии» թեմայով[3]։
Աշխատանքները վերաբերում են կիսահաղորդչային կառուցվածքների ու սարքերի ստեղծման հարցերին։ Մասնակցել է ԽՍՀՄ-ում առաջին գերմանիումային p-n անցումային տրանզիստորների ստեղծմանը, սիլիցիումի միաբյուրեղների ստացմանը։ Պինդ մարմնի ֆիզիկային վերաբերող 150 աշխատությունների հեղինակ է։
Պարգևներ[խմբագրել | խմբագրել կոդը]
- ԽՍՀՄ Պետական մրցանակ (1972)
- ԽՍՀՄ Պետական մրցանակ (1968)
- ԽՍՀՄ վաստակավոր գյուտարար
- «Պատվո նշան» շքանշան
Երկեր[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Information about the death of Vagan Subashiev at geni.com
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 506։
- ↑ «Ваган Каспарович Субашиев. Воспоминания о недалёком прошлом». zhurnal.lib.ru. Վերցված է 2019 թ․ մայիսի 18-ին.
|
- Նոյեմբերի 18 ծնունդներ
- 1916 ծնունդներ
- Դոնի Ռոստով քաղաքում ծնվածներ
- Հունիսի 5 մահեր
- 2014 մահեր
- Պատվո շքանշանի ասպետներ (ԽՍՀՄ)
- ԽՍՀՄ Պետական մրցանակի դափնեկիրներ
- Անձինք այբբենական կարգով
- Խորհրդային ֆիզիկոսներ
- Ֆիզիկամաթեմատիկական գիտությունների դոկտորներ
- Խորհրդային պրոֆեսորներ
- Հայրենական մեծ պատերազմի մասնակիցներ
- ԽՍՀՄ վաստակավոր գյուտարարներ