Վահան Հապեշյան

Վահան Հապեշյան
Ծնվել է	1876
Ծննդավայր	Կոստանդնուպոլիս
Մահացել է	1953
Քաղաքացիություն	Թուրքիա
Մասնագիտություն	թատերական գործիչ

Վահան Հապեշյան (1876, Կոստանդնուպոլիս - 1953), հայ թատերական գործիչ։

Կենսագրություն

Վահան Հապեշյանը ծնվել է 1876 թվականին, Պոլսում։ Կրթություն է ստացել է Էսայան վարժարանում։ Գրականությամբ սկսել է զբաղվել օսմանյան երկրորդ սահմանադրության ընդունման տարիներին (1908-1914)։

Թղթակցել է թերթերի։

Առաջին համաշխարհային պատերազմից հետո ապրել է Եգիպտոսում։

1926 թվականին Հայ գեղարվեստասիրաց միության առաջարկով հիմնել է թատերախումբ, ունեցել է ներկայացումներ։ Մոլիերի «Ժորժ Դանտենը» տեղայնացնելով պատրաստել է «Մերկերիոս Ապտալյան» կատագերգությունը, որը հետագայում բեմադրվել է։

Պիեսի է վերածել Վիկտոր Հյուգոյի «Թշվառները» վեպը։ Ֆրանսերենից թարգմանել է Գարեգին Մելոյանի «Արմանույշ» ստեղծագործությունը։

Թղթակցել է սփյուռքահայ մի շարք թերթերի։

Վահան Հապեշյանն իր ստեղծած օտարալեզու թատերական գրականությա հավաքածուն նվիրել է Հայաստանին, որն այժմ պահվում է Եղիշե Չարենցի անվան գրականության և արվեստի թանգարանում։

Մահացել է 1953 թվականին։

Աշխատություններ

• «Դաստիարակություն և ժառանգականություն» (Բեյրութ, 1947)
• «Կյանքը կենսաբանական հայացքով» Վան (Նիկոզիա, 1947)
• «Ճանապարհը» (Բեյրութ, 1948)

Արտաքին հղումներ

• Աշակերտը ի՞նչպէս հասկնալով սորվելու առաջնորդել