Ստեփանակերտի օդակայան

Վիքիպեդիայից՝ ազատ հանրագիտարանից
Արցախի օդակայանի գլխավոր մասնաշենքը
Aeroport-karabah.jpg

Ստեփանակերտի օդակայանը Լեռնային Ղարաբաղի Հանրապետության օդային դարպասն է։ Գտվում է Ստեփանակերտից 10 կմ հեռավորության վրա, Ստեփանակերտ-Ասկերան A317 մայրուղուն հարող հատվածում Իվանյան գյուղի մոտ։

Պատմություն[խմբագրել | խմբագրել կոդը]

Ստեփանակերտի օդակայանը կառուցվել է 1974 թ., հիմնականում չվերթներ է ընդունել Երևանից և Բաքվից։ Արցախյան ազատամարտի սկզբում այն ծառայել է ռազմական նպատակով։ 1992 թվականին Բերձորի ազատագրումից հետո օդանավակայանը մատնվել է պարապուրդի։

2008 թ. սկսվել է օդակայանի նոր գլխավոր մասնաշենքի կառուցումը (ճարտարապետ՝ Տիգրան Բարսեղյան [1])։ Մասնաշենքը ԼՂՀ զինանշանի նմանությամբ արտաքինից նմանվում է թևերը մեկնած արծվի։[2]

Օդակայանի վերաբացումը նախատեսված էր կատարել 2011 թ. մայիսին 9-ին[3], սակայն հետագայում անորոշ ժամանակով հետաձգվում է, պաշտոնական վարկածով, զուտ միայն տեխնիկական պատճառներով, սակյան կան կարծիքներ, որ օդակայանի բացումը անընդհատ հետաձգվում է քաղաքական պատճառներով։ Նորացվում և լայնացվում է թռիչքուղին, ինչպես նաև հարթեցվում են թռիչքուղուն հարկից մի քանի բլուրների գագաթները` ժամանակակից մեծ ինքնաթիռներ ընդունելու համար։[4]

Օդակայանի թռիչքուղու երկարությունը կազմում է 2 կմ, 300 մետր, լայնությունը՝ 20 մետր։ Սկզբնական շրջանում թռիչքներ են նախատեսվում Երևան-Ստեփանակերտ և հակառակ ուղղություններով։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]