Աշխարհի ամենագեղեցիկ ջրահեղձը
Աշխարհի ամենագեղեցիկ ջրահեղձը | |
---|---|
Տեսակ | գրական ստեղծագործություն |
Ձև | պատմվածք |
Հեղինակ | Գաբրիել Գարսիա Մարկես |
Հրատարակվել է | 1968 |
«Աշխարհի ամենագեղեցիկ ջրահեղձը» (իսպ.՝ El ahogado más hermoso del mundo), կոլումբիացի գրող Գաբրիել Գարսիա Մարկեսի 1968 թվականի պատմվածքը[1][2] դասական լատինաամերիկյան մոգական ռեալիզմի ժանրում[3][4]։
Սյուժե
Մի խորհրդավոր դիակ, որը ծածկված է ջրիմուռներով և խեցիներով, ափ է նետվում փոքրիկ բնակավայրի մոտ: Բնակիչները ջրահեղձ մարդու մարմինը տանում են բնակավայր և տեսնում, որ նա հսկայամարմին է և շատ գեղեցիկ, հիանում են և որոշում հանդիսավոր հուղարկավորություն կազմակերպել: Հուղարկավորության համար մարմինը նախապատրաստող կանայք հիանում են նրանով և որոշում, որ խեղդվողի անունը Էստեբան է (հունարեն Στέφανος անվան իսպաներեն ձևը՝ «ծաղկեպսակ, պսակ, թագ»)։ Բնակիչները չէին ցանկանում բաժանվել խեղդվողից, ավելին՝ հարևան բնակավայրերից կանայք ու տղամարդիկ էին գալիս՝ նրան տեսնելու։ Վերջապես, հուղարկավորության օրը որոշվում է ջրահեղձի համար հարազատներ ընտրել տեղացիներից, այնպես որ գրեթե բոլոր ներկաները կապվում են միմյանց հետ: Նրանք խեղդված մարդու մարմինը ետ են տալիս ծովին՝ առանց նրա վրա բեռ կապելու, որպեսզի նա կարողանա վերադառնալ, երբ ցանկանա[5][6]:
Վերլուծություն
Ջրահեղձ մարդու մոտիվը մի քանի անգամ հանդիպում է Մարկեսի տարբեր ստեղծագործություններում, օրինակ՝ «Նավաբեկությունից տուժածի պատմությունը...» և «Անհետացող ժամանակների ծովը» պատմվածքը, ինչպես նաև «Նահապետի աշունը» վեպում։ Այնուամենայնիվ, այս պատկերի իմաստը տարբերվում է յուրաքանչյուր ստեղծագործության մեջ, այնպես որ «Աշխարհի ամենագեղեցիկ ջրահեղձը» պատմվածքում խորհրդավոր հանգուցյալը խորհրդանշում է հույսը և փոխում իրականության դեմքը: Հավանաբար, «մահից հետո մեծացող» հանգուցյալի կերպարը կարելի է հասկանալ որպես Լատինական Ամերիկայի հերոսական հեղափոխական դեմքերից մեկի գովերգում[7]։ Բնակավայրի տնակների թիվը (մոտ քսան) համընկնում է լատինաամերիկյան մայրցամաքի երկրների թվին։
Ծանոթագրություններ
- ↑ Márquez, Gabriel Garcia (1984). «The Handsomest Drowned Man in the World». Collected Stories. էջեր 253–254.
- ↑ A Study Guide for Gabriel Garcia Márquez's "Handsomest Drowned Man in the World". Gale Cengage Learning. 2016.
- ↑ Самый красивый утопленник в мире Արխիվացված է Մարտ 20, 2018 Wayback Machine-ի միջոցով: — Лаборатория Фантастики
- ↑ «The Handsomest Drowned Man in the World». Encyclopedia.com. Վերցված է 20 February 2019-ին.
- ↑ «The Handsomest Drowned Man in the World Summary». Schmoop. Վերցված է 21 February 2019-ին.
- ↑ «The Handsomest Drowned Man In The World». ndsu.edu. Վերցված է 21 February 2019-ին.
- ↑ Вирхилио Лопес Лемус Неисчерпаемый талант Гарсиа Маркеса. — Гавана: Хосе Марти, 1990. — 134 с.
Արտաքին հղումներ
- Handsomest Drowned Man in the World short story text
- Pedoto, Constance A. (2003). «The Alaskan connection: the World of Macondo in Eskimo tales» (PDF). Journal of Comparative Literature and Aesthetics. 26 (1–2): 53–58.