Գիտության ազգային հիմնադրամ
Գիտության ազգային հիմնադրամ (անգլ.՝ National Science Foundation, NSF), ԱՄՆ կառավարությանն առընթեր անկախ գործակալություն, որը պատասխանատու է գիտության և տեխնոլոգիաների զարգացման համար[1]:
Հիմնադրամն իրականացնում է իր առաքելությունը ՝ տրամադրելով հիմնականում ժամանակավոր դրամաշնորհներ։ Դրամաշնորհների մեծ մասը տրամադրվում է անհատ հետազոտողների կամ հետազոտողների փոքր խմբերի: Մնացած դրամաշնորհները տրամադրվում են գիտահետազոտական կենտրոններին, ինչպես նաև ֆինանսավորվում են մեծ, թանկարժեք գիտական սարքավորումների և օբյեկտների շահագործումները «ընդհանուր հաստատություններում», որոնք անհրաժեշտ են գիտնականներին և ինժեներներին, և չափազանց թանկ են ցանկացած տեղական խմբի կամ անհատ հետազոտողի համար:
Գիտության ազգային հիմնադրամը չի ղեկավարում որևէ լաբորատորիա, բայց աջակցում է ազգային հետազոտական կենտրոններին, օվկիանոսագրական նավերին և Անտարկտիկայի հետազոտական կայաններին, համալսարանների և մասնավոր ընկերությունների համատեղ հետազոտություններին, ամերիկյան մասնակցությանը միջազգային գիտական և տեխնիկական ծրագրերին, և կրթությանը ՝ ցանկացած ակադեմիական մակարդակում:
Հիմնադրամի բյուջեն
Գիտության ազգային հիմնադրամի բյուջեի հիմնական մասը ծախսվում է հետազոտությունների աջակցության վրա (76%), որին հաջորդում են կրթության և գիտության ոլորտում կադրային ներուժի նորացման ծախսերը (17%), իսկ թանկարժեք սարքավորումները երրորդ տեղում են (հիմնադրամի բյուջեի 3%-ը)[2]:
Հիմնադրամի ռազմավարությունը որոշվում է 24 անդամներով, ականավոր մարդկանցով, ազգային և համաշխարհային մակարդակով ճանաչված հեղինակություններով։ Իսկ հիմնադրամի աշխատանքն անմիջականորեն ղեկավարում է խորհուրդը և տնօրենը, որոնք նշանակվում են Միացյալ Նահանգների նախագահի կողմից և պաշտոնում հաստատվում Սենատի կողմից։ Կոնգրեսը նաև վերահսկում է հիմնադրամը, որը հայտնի է որպես Գլխավոր տեսուչի գրասենյակ:
Մոտ 7,2 միլիարդ դոլար տարեկան բյուջեով (2014 թվականի դրությամբ)[3] հիմնադրամը ֆինանսավորում է ամերիկյան քոլեջների և համալսարանների կողմից իրականացվող բոլոր դաշնային աջակցությամբ իրականացվող հետազոտությունների մոտավորապես 24%-ը:
Հետազոտական ուղղություններ
Ազգային գիտական հիմնադրամն ունի յոթ տնօրինություն, որոնք ընդգրկում են հետևյալ ոլորտները.
- Կենսաբանություն,
- համակարգչային և տեղեկատվական գիտություններ
- ճարտարագիտություն
- Գիտություններ Երկրի մասին,
- ֆիզիկամաթեմատիկական գիտություններ,
- հասարակական գիտություններ,
- կրթություն և աշխատանքային ռեսուրսներ։
Այն SciVee-ի պաշտոնական գործընկերն է (գիտական և գիտահանրամատչելի վիդեո բովանդակության, ինչպես նաև տեքստային հետազոտության արդյունքների հրապարակման ծառայություն): Հիմնադրամը նաև աջակցում է մի քանի այլ հետազոտական ոլորտների, որոնք ուղղակիորեն ենթարկվում են տնօրենի աշխատակազմին։
Տես նաև
Ծանոթագրություններ
- ↑ Официальный сайт NSF Արխիվացված է Փետրվար 27, 2008 Wayback Machine-ի միջոցով:(անգլ.)
- ↑ «Краткая справка по NSF». Արխիվացված է օրիգինալից 2008-10-14-ին. Վերցված է 2009-04-29-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ «US NSF — About — NSF at a Glance». Արխիվացված է օրիգինալից 2014-04-01-ին. Վերցված է 2014-04-24-ին.
{{cite web}}
: Unknown parameter|deadlink=
ignored (|url-status=
suggested) (օգնություն); no-break space character in|title=
at position 7 (օգնություն)