Օդիսե Ռոշի
 | |||
|---|---|---|---|
.jpg) | |||
| Քաղաքացիությունը |
 Ալբանիա | ||
| Ծննդյան ամսաթիվ | մայիսի 22, 1991[1][2][3] (33 տարեկան) | ||
| Ծննդավայր | Ֆիերի, Ալբանիա | ||
| Հասակ | 187 սանտիմետր | ||
| Քաշ | 78 կիլոգրամ | ||
| Դիրք | կիսապաշտպան | ||
|
| |||
|
| |||
|
| |||
|
| |||
|
| |||
Օդիսե Ռոշի (ալբ․՝ Odise Roshi, մայիսի 22, 1991[1][2][3], Ֆիերի, Ալբանիա), ալբանացի ֆուտբոլիստ, թուրքական «Սակարյասպոր» ակումբի և Ալբանիայի հավաքականի կիսապաշտպան։
Ակումբային կարիերա
Օդիսե Ռոշին ալբանական «Ապոլոնիա» ակումբի սան է։ 2007 թվականի ապրիլի 21-ին Սուպերլիգայի շրջանակներում «Պարտիզանի» դեմ արտագնա խաղում նորամուտն է նշել ակումբում՝ ընդմիջումից հետո դուրս գալով փոխարինման[4]։ Առաջնության արդյունքներով «Ապոլոնիան» լքել է լիգան, իսկ հաջորդ մրցաշրջանը Ռոշին թիմի հետ անցկացրել է մեկ աստիճան ավելի ցածր լիգայում։
2009 թվականի ամռանը տեղափոխվել է Ալբանական Սուպերլիգայի մեկ այլ ակումբ՝ «Ֆլամուրտարի»։ 2010/11 մրցաշրջանում «Ֆլամուրտարին» երկար ժամանակ գլխավորել է մրցաշարային աղյուսակը՝ ի վերջո գրավելով երկրորդ տեղը: 2011 թվականի մայիսի 19-ին Ռոշին տեղափոխվել է գերմանական Բունդեսլիգայի «Քյոլն» ակումբ։ Նույն թվականի օգոստոսի 6-ին «Վոլֆսբուրգի» դեմ տնային խաղում նորամուտն է նշել Գերմանիայի գլխավոր լիգայում՝ 83-րդ րոպեին փոխարինելով Քևին Պեցոնիին[5]։ 2012 թվականի փետրվարի 5-ին Ռոշին իր առաջին գոլն է խփել Բունդեսլիգայում, որը միակն ու հաղթականն էր «Քյոլնի»՝ «Կայզերսլաուտերնի» դեմ արտագնա խաղում[6]։
2012 թվականի օգոստոսին Ռոշին վարձակալությամբ տրվել է երկրորդ Բունդեսլիգայի «Ֆրանկֆուրտ» թիմին, մեկ տարի անց պայմանագիր է կնքել ակումբի հետ։ 2015 թվականի հունիսի 6-ին տեղափոխվել է խորվաթական «Ռիեկա» ակումբ՝ կնքելով եռամյա պայմանագիր։
2016 թվականի ամռանը տեղափոխվել է «Թերեկ»։ Գրոզնիի ակումբի կազմում նորամուտը նշել է 2016 թվականի հուլիսի 31-ին Սամարայի «Կռիլյա Սովետովի» դեմ նոր մրցաշրջանի 1-ին տուրի խաղում՝ 59-րդ րոպեին փոխարինելով Իգոր Լեբեդենկոյին։ Հոկտեմբերի 22-ին «Ռուբինի» դեմ խաղում (3:1) Ռոշին ավելացված ժամանակում գեղեցիկ գոլ է խփել, որն ավելի ուշ ճանաչվել է «Թերեկի» լավագույն գոլը առաջնության աշուն-ձմեռ հատվածում[7]։ Ռոշին իր լավագույն մրցաշրջանն անցկացրել է 2019/20 թվականներին՝ Ռուսաստանի առաջնությունում խաղալով 26 հանդիպում և դառնալով 7 գոլի հեղինակ: 2020 թվականի օգոստոսի 19-ին Ռոշիի դուբլը Ռուսաստանի ֆուտբոլի առաջնության խաղում հաղթանակ է բերել «Ախմատին» «Ռոտորի» նկատմամբ։ Դուբլի հեղինակ Ռոշին հանդիպումը սկսել է պահեստայինների նստարանին՝ փոխարինման դուրս գալով 35-րդ րոպեին: Նա ճանաչվել է հանդիպման լավագույն ֆուտբոլիստ[8]։
2021 թվականի փետրվարի 15-ին կես տարվա վարձակալության է տրվել հունգարական «Դիոշդիեր» ակումբին[9]։
Կարիերա հավաքականում
2011 թվականի հոկտեմբերի 7-ին Օդիսե Ռոշին Ֆրանսիայի հավաքականի դեմ արտագնա խաղում իր նորամուտն է նշել Ալբանիայի հավաքականի կազմում՝ դուրս գալով մեկնարկային կազմում[10]։ Խաղն անցկացվել Է 2012 թվականի Եվրոպայի առաջնության ընտրական մրցաշարի շրջանակներում։ Ալբանիայի կազմում առաջին գնդակը Ռոշին խփել է 2012 թվականի հոկտեմբերի 16-ին Սլովենիայի հավաքականի դեմ տնային խաղում, որն անցկացվել է 2014 թվականի աշխարհի առաջնության ընտրական մրցաշարի շրջանակներում․ 36-րդ րոպեին աչքի է ընկնել միակ գոլով[11]։
Մականուն
Օդիս Ռոշին ունի «Հրթիռ» մականունը՝ խաղի ընթացքում իր արագության պատճառով: «Քյոլնում» հանդես գալու ժամանակ Ռոշին 30 մետրը հաղթահարել է 3,7 վայրկյանում, իսկ 100 մետրը՝ 10,9 վայրկյանում, ինչը ամենաբարձր ցուցանիշն է գերմանական թիմի բոլոր խաղացողների շրջանում[12]։
Ծանոթագրություններ
- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 FBref.com(բազմ․)
- ↑ 3,0 3,1 As (իսպ.) — Madrid: Grupo Prisa, 1967. — ISSN 1888-6671
- ↑ «Partizan Tirana 2:0 Apolonia Fier» (անգլերեն) — footballdatabase.eu. Արխիվացված է օրիգինալից 2016-06-02-ին. Վերցված է 2016-05-01-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Köln 0:3 Wolfsburg» (անգլերեն) — soccerway.com. Արխիվացված է օրիգինալից 2016-06-01-ին. Վերցված է 2016-05-01-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Kaiserslautern 0:1 Köln» (անգլերեն) — soccerway.com. Արխիվացված է օրիգինալից 2016-06-01-ին. Վերցված է 2016-05-01-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Гол Роши «Рубину» — лучший в первой части чемпионата». Արխիվացված է օրիգինալից 2017-03-28-ին. Վերցված է 2017-03-28-ին.
{{cite web}}: Unknown parameter|deadlink=ignored (|url-status=suggested) (օգնություն); no-break space character in|title=at position 18 (օգնություն) - ↑ Спорт Mail.ru (2020-08-19). «Дубль Роши принес «Ахмату» победу над «Ротором» в матче чемпионата России по футболу». Спорт Mail.ru (ռուսերեն). Արխիվացված է օրիգինալից 2020-08-23-ին. Վերցված է 2020-08-19-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ Sportbox.ru (2021-02-15). ««Ахмат» отдал Роши в аренду в венгерский «Диошдьер»». Sportbox.ru (ռուսերեն). Վերցված է 2021-02-15-ին.
- ↑ «France 3:0 Albania» (անգլերեն) — soccerway.com. Արխիվացված է օրիգինալից 2020-06-14-ին. Վերցված է 2016-05-01-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Albania 1:0 Slovenia» (անգլերեն) — soccerway.com. Արխիվացված է օրիգինալից 2016-03-04-ին. Վերցված է 2016-05-01-ին.
{{cite web}}: Unknown parameter|deadlink=ignored (|url-status=suggested) (օգնություն) - ↑ «Odise Roshi, "raketë" te Këlni, sprint dhe grinte në stërvitje». Gazeta Shqip[en]. 2012-01-28. Արխիվացված է օրիգինալից 2013-01-24-ին. Վերցված է 2013-05-09-ին.
 | Վիքիպահեստն ունի նյութեր, որոնք վերաբերում են «Օդիսե Ռոշի» հոդվածին։ |
|
