Սուրեն Պիպոյան

Սուրեն Պիպոյան
Ի ծնե	Սուրեն Վահանի Պիպոյան
Ծնվել է	օգոստոսի 18, 1922
Ծննդավայր	Նոր Բայազետ
Վախճանվել է	մայիսի 25, 2005 (82 տարեկան)
Մահվան վայր	Երևան, Հայաստան
Ազգություն	հայ
Քաղաքացիություն	ԽՍՀՄ և Հայաստան
Կրթություն	Փանոս Թերլեմեզյանի անվան գեղարվեստի պետական քոլեջ և Երևանի պետական գեղարվեստաթատերական ինստիտուտ
Մասնագիտություն	նկարիչ
Պարգևներ	, ; և
Անդամակցություն	Հայաստանի նկարիչների միություն
Զավակներ	Լիլիթ Պիպոյան

Սուրեն Վահանի Պիպոյան (օգոստոսի 18, 1922(1922-08-18), Նոր Բայազետ, Հայկական ԽՍՀ, ԱԽՖՍՀ - մայիսի 25, 2005(2005-05-25), Երևան, Հայաստան), հայ նկարիչ, ՀԽՍՀ վաստակավոր նկարիչ (1972)։

Կենսագրություն[խմբագրել | խմբագրել կոդը]

Սուրեն Պիպոյանը ծնվել է Նոր Բայազետում։ 1933 թվականին տեղափոխվել է Երևան։ 1938-1942 թվականներին սովորել է Երևանի գեղարդտեխնիկումում, մասնակցել Հայրենական մեծ պատերազմին։ 1953 թվականին ավարտել է Երևանի գեղարվեստա-թատերական ինստիտուտը։ Նույն թվականից մասնակցել է ցուցահանդեսների^[1], այդ թվում` 1972 թվականին կազմակերպած «Ուրարտուից մինչ մեր օրեր» խորագրով Հայ արվեստի ցուցահանդեսին Լուվրում (Փարիզ)։ Առաջին ստեղծագործական աշխատանքը` «Խոհանոցում», ցուցադրվել է Բաքվի, Մոսկվայի համամիութենական ցուցահանդեսներում։ 1955 թվականին մասնակցել է Էջմիածնի Մայր տաճարի, 1968 թվականին` Արին-Բերդի որմնանկարների վերականգնման աշխատանքներին։ 1970-1974 թվականներին դասավանդել է Երևանի Խաչատուր Աբովյանի անվան մանկավարժական ինստիտուտում։ 1956 թվականից եղել է Հայաստանի նկարիչների միության, 1964 թվականից` վարչության անդամ, 1971 թվականից` գեղանկարչական բաժնի նախագահը^[2]։

Աշխատանքներից գտնվում են Հայաստանի ազգային պատկերասրահում^[3]։

Ստեղծագործություններ[խմբագրել | խմբագրել կոդը]

Ստեղծել է բազում գեղանկարչական գործեր թեմատիկ կոմպոզիցիայի, մոնումենտալ կտավի ժանրում։ Կտավներում անդրադարձել է Հայոց Մեծ եղեռնին, ստեղծել «Գաղթ» աշխատանքը, որն արժանացել է «Տարվա լավագույն աշխատանք» հանրապետական մրցանակին։

Գլխավոր գործերից են՝

«Զ. Ազիզյանի դիմանկարը»
«Այրիվանք»
«Գարնանային ջրեր»
«Հրազդանի կամուրջը»
«Արամայիս Միրիբյանի դիմանկարը»
«Թռչում են կռունկները»
«Խաղաղության պաշտպանության դիրքերում»
«Կիևի գրավումը»
«Ազատագրում»
«Դեպի նոր Հայաստան»
«Ճանապարհ (Կոմիտաս)»
«Աստրոֆիզիկոսներ»

Ծանոթագրություններ[խմբագրել | խմբագրել կոդը]

↑ «Հայ կերպարվեստագետներ, համառոտ բառարան», Դանիել Դզնունի, «Լույս» հրատարակչություն, Երևան, 1977 թ.:
↑ Baghdasaryan Aram։ «AV Production - Սուրեն Պիպոյան»։ avproduction.am։ Վերցված է 2016-08-18
↑ Սուրեն Պիպոյանի ստեղծագործություններից ՀԱՊ-ում

[1] «Հայ կերպարվեստագետներ, համառոտ բառարան», Դանիել Դզնունի, «Լույս» հրատարակչություն, Երևան, 1977 թ.:

[2] Baghdasaryan Aram։ «AV Production - Սուրեն Պիպոյան»։ avproduction.am։ Վերցված է 2016-08-18

[3] Սուրեն Պիպոյանի ստեղծագործություններից ՀԱՊ-ում

[1]

[2]

[3]