Սուրբ Երրորդության մայր տաճար (Եկատերինբուրգ)

Սուրբ Երրորդության մայր տաճար;
Հիմնական տվյալներ
Տեսակ	ուղղափառ տաճար և տաճար
Երկիր	Ռուսաստան
Տեղագրություն	Եկատերինբուրգ
Դավանանք	ուղղափառություն
Թեմ	Եկատերինբուրգի եպիսկոպոսություն
Հիմնական ամսաթվերը	1818
Ժառանգության կարգավիճակ	Ռուսաստանի մարզային նշանակության մշակութային ժառանգության օբյեկտ
Անվանված	Երրորդություն
Հիմնադրված	1818
Շինանյութ	աղյուս
	Trinity Cathedral (Ekaterinburg) Վիքիպահեստում

Սուրբ Երրորդության մայր տաճար (ռուս.՝ Троицкий собор , Ռյազանյան եկեղեցի), Եկատերինբուրգի թեմի ուղղափառ մայր տաճար։

Պատմություն[խմբագրել | խմբագրել կոդը]

Հիմնադրվել է 1818 թվականին՝ որպես քարե եռագահ եկեղեցի կլասիցիզմի ոճով։ Սկզբում շենքը նախատեսված է եղել հավատացյալների աղոթատան համար, սակայն իշխանությունները թույլ չեն տվել ավարտել շինարարությունը և օծել այն։ Մինչև 1838 թվականը եկեղեցին մնացել է չգործող։ 1838 թվականին Յա. Մ. Ռյազանովը և նրա մի քանի կողմնակիցներ միացել են միաբանությանը, որը տարբերվում էր օրթոդոքս հին հավատացալներից, որ հին ծիսակարգով ծառայությունները միահավատական եկեղեցիներում իրականացնում էին վանականների միջոցով, որոնք նշանակվում էին տեղական ուղղափառ հովվապետետերի կողմից^[1]։

1839 թվականի հոկտեմբերի 12-ին օծված Հյուսիսային մատուռը կառուցվել է Սուրբ Հովհան Ոսկեբերանի անվամբ։ Սուրբ Նիկոլայ Հրաշագործի անվամբ կոչված Հարավային մատուռը օծվել է 1849 թվականի հոկտեմբերի 13-ին։ 2,5 տարի անց, 1852 թվականի մայիսի 13-ին, գլխավոր եկեղեցին օծվեց ի պատիվ Սուրբ Երրորդության։ 1854 թվականին եկեղեցուն կից կառուցվեց քարե զանգակատուն։

1930 թվականին Սուրբ Երրորդության եկեղեցին քաղաքային խորհրդի որոշմամբ փակվեց երկրպագության ծառայությունների համար^[2]։ Այդ ժամանակ էլ քանդեցին գմբեթն ու զանգակատունը և ներսում իրականացրին վերակառուցում։ Խորհրդային տարիներին այստեղ տեղակայվել են կինոթատրոն, կարի ֆաբրիկա և ավտոմոբիլիստների ակումբ։ 1981 թվականից այստեղ անցկացվում է Աէլիտա փառատոնը^[3]:1980-ական թվականների վերջից մշակույթի տանը անցկացվում են Սվերդլովսկի ռոք ակումբի համերգները։

Լայնամասշտաբ վերականգնման աշխատանքների իրականացման արդյունքում 1998-1999 թվականներին նորից կառուցվեց եկեղեցու գմբեթը, իսկ 2000 թվականին, զանգակատունը։ Եկեղեցու օծման հանդիսավոր արարողությունը կատարվեց 2000 թվականի սեպտեմբերի 24-ին պատրիարք Ալեքսի երկրորդի կողմից։

2011 թվականի հոկտեմբերի 24-ից մինչև 27-ը եկեղեցում է գտնվել Սուրբ Մարիամ Աստվածածնի գոտին, որին այդ ընթացքում խոնարհվել են հարյուր հազարավոր մարդիկ^[4]։