Սուրբ Գևորգի հուշարձան (Մոզդոկ)

Վիքիպեդիայից՝ ազատ հանրագիտարանից
Սուրբ Գևորգի հուշարձան
Քարտեզ
Քարտեզ
Տեսակհուշարձան
Երկիր Ռուսաստան
ԲնակավայրՄոզդոկ
Շինության ձևձիարձան
Ներկա վիճակԿանգուն

Սուրբ Գևորգի հուշարձան (ռուս.՝ Памятник Георгию Победоносцу), հուշարձան Ռուսաստանի Հյուսիսային Օսիայի Հանրապետություն-Ալանիայի Մոզդոկ քաղաքում։ Նվիրված է հռոմեական բանակի զինվոր, քրիստոնեության նահատակ, սրբադասված, կաթոլիկ, ուղղափառ, Հայ առաքելական եկեղեցիներում ամենաշատ մեծարվող սուրբ, օս ժողովրդի հովանավոր, ամենահայտնի սուրբ զորավարներից մեկին` Սուրբ Գևորգ Զորավարին։ Տեղադրված է Մոզդոկի Կիրովի փողոցում` Սուրբ Գևորգ Զորավարի անվան պուրակում[1]։

Հասցեն՝ Հյուսիսային Օսիայի Հանրապետություն, ք. Մոզդոկ, Սուրբ Գևորգի զբոսայգի։ Հեռավորությունը քաղաքի կենտրոնից 1,16 կիլոմետր է[1]։

Պատմություն[խմբագրել | խմբագրել կոդը]

Սուրբ Գևորգ Զորավարը համարվում է օս ժողովրդի հովանավորը։ Նա խիզախ մարտիկ է, որը ճանապարհին միշտ պաշտպանում է ճամփորդներին, նա աղքատների և անապահովների պաշտպանն է, ծառայում է Աստծո և մարդկանց միջև միջնորդ[1]։

Նկարագրություն[խմբագրել | խմբագրել կոդը]

Սուրբ Գևորգի բրոնզե քանդակագործական հորինվածքը նրան պատկերում է ձիուն նստած` խաչաձև նիզակը օձի երախը խրելիս։ Ձիաքանդակը կանգնած է քարակույտ հիշեցնող պատվանդանի վրա[2]։

Հուշարձանը փոստային ծրարի վրա[խմբագրել | խմբագրել կոդը]

2013 թվականին Ռուսաստանի փոստը թողարկել է Մոզդոկի 250-ամյակին նվիրված փոստային նամականիշված ծրար, որի վրա պատկերված է Սուրբ Գևորգի հուշարձանը։ Ծրարի դիզայնի հեղինակն է Խ. Բետրեդինովան։ Այն թողարկվել է 500000 օրինակով։ Ձևաչափը` 110×220[3]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 «Памятник Георгию Победоносцу».
  2. «Памятник святому Георгию Победоносцу».
  3. «№ 145К-2013/2013-207. Республика Северная Осетия - Алания. Моздок. 250 лет. Памятник Святому Георгию Победоносцу».