Սուրբ Գրիգոր եկեղեցի (Քյոլք)
- Անվան այլ կիրառումների համար տե՛ս՝ Սուրբ Գրիգոր եկեղեցի (այլ կիրառումներ)
Սուրբ Գրիգոր եկեղեցի | |
---|---|
Հիմնական տվյալներ | |
Տեսակ | եկեղեցի |
Երկիր | Ադրբեջան |
Տեղագրություն | Քյոլք, Ադրբեջան |
Դավանանք | Հայ Առաքելական Եկեղեցի |
Հոգևոր կարգավիճակ | չգործող |
Ներկա վիճակ | անհայտ |
Ճարտարապետական ոճ | Հայկական |
Կառուցման սկիզբ | 12-րդ դար |
Շինանյութ | սրբատաշ բազալտ և կիսամշակ քար |
Սուրբ Գրիգոր եկեղեցի, Հայ առաքելական եկեղեցու տաճար պատմական Մեծ Հայքի Ճահուկ գավառում, ներկայիս Ադրբեջանական Հանրապետության Շահբուզի շրջանի Քյոլք (այժմ՝ Քյուլքուս) գյուղի հարավարևմտյան մասում, գյուղ մտնող ճանապարհի աջ կողմում[1]։
Վիճակը 1980-ականներին կանգուն էր, եկեղեցին ուներ միայն խարխլվածություն և ճաքեր[1]։
Պատմություն[խմբագրել | խմբագրել կոդը]
Քյոլքի Սուրբ Գրիգոր եկեղեցին կառուցվել է 13-14-րդ դարերում։ 1657 թվականին եկեղեցին վերանորոգվել է[1]։
Ճարտարապետություն[խմբագրել | խմբագրել կոդը]
Եկեղեցին իրենից քառամույթ եռանավ բազիլիկա է ներկայացնում։ Կառուցված է սրբատաշ բազալտից և կիսամշակ քարից։ Տաճարի մուտքը գտնվում է արևմտյան և հարավային ճակատներում։ Աբսիդը յոթանիստ է, իսկ մույթերը՝ խաչաձև։ Կա ավանդատների մեկ զույգ։ Ներսակողմում կան որոշ արձանագրություններ։ Մուտքի շուրջ կան զարդաքանդակներ, իսկ որմնանկարներ կամ պատկերաքանդակներ չկան։ Եկեղեցին ունեցել է կից շինություն, որն ավերվել է[1]։