Սուրբ Գեորգի հոսպիտալ

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Սուրբ Գեորգի հոսպիտալ
Здание Гостпиталя Святого Георга (3).jpg
Տեսակտեսարժանություն, ՌԴ մշակութային ժառանգության օբյեկտ և նախկին հիվանդանոց
ԵրկիրFlag of Russia.svg Ռուսաստան
ՏեղագրությունԿալինինգրադ
Ժառանգության կարգավիճակՌԴ մշակութային ժառանգության օբյեկտ

Սուրբ Գեորգի հոսպիտալ (ռուս.՝ Госпиталь Святого Георга), հիվանդանոց Քյոնիգսբերգում, որը գոյություն է ունեցել 1329-1945 թվականներին։ Տարբեր ժամանակներում եղել է բորոտանոց, տարեցների վանական համալիր, խնամակալության մարմինների գործառույթներով հիվանդանոց։ Հոսպիտալի նախկին շենքում է տեղակայված Կալինինգրադի ծովային ձկնարդյունաբերական քոլեջը (Մորեխոդնայա փողոց, Կալինինգրադ)։

Նկարագրություն[խմբագրել | խմբագրել կոդը]

Սուրբ Գեորգի հոսպիտալը հիմնադրվել է 1329 թվականի սեպտեմբերի 3-ին[1] Տևտոնական օրդենի մեծ մագիստր Վերներ ֆոն Օրզելնի հրամանով որպես բորոտանոց։ Հոսպիտալի առաջին վայրը եղել է Քյոնիգսբերգ քաղաքի ապագա բաղկացուցիչ մասերից մեկը` Ալտշտադի հեռավոր արվարձանը։ Հոսպիտալը պատկանել է Ալտշտադին, սակայն գտնվել է Ֆորշտադի շրջակայքում, որը պատկանում էր Քնայպհոֆին։

1455 թվականի ապրիլի 13-ին ապստամբ քնայպհոֆցիներն այրել են Ֆորշտադը և հոսպիտալը և հուլիսի 14-ին կապիտուլյացիայի ակտով ազատ արձակվել դրա վերականգնումից։

1531 թվականին Ալբրեխտ Գոգենցոլերնի կատարած Ռեֆորմացիայի ընթացքում, քանի որ բորոտների թիվը զգալիորեն կրճատվել էր, բորոտանոցը վերացվեց, և հիվանդանոցը դարձավ տարեցների ապաստարան-վանական համալիր։

Վանական համալիրի շենքերը բազմիցս ավերվել են հրդեհից 1433 թ., 1520 թ. (լեհական զորքերի կողմից), 1550 թ. (այրվել են Ֆորշտադտի 100 տներ , այդ թվում`հոսպիտալը), 1775 թ. (վերականգնվել է միայն 1786 թ.) և 1811 թ., հրդեհներից հետո շենքը վերականգնվել է։ Ժամանակի ընթացքում հոսպիտալի նշանակությունը փոխվել է, և այն տարեցների համար վանական համալիրից վերածվել է բժշկական հաստատության և դարձել խնամակալության մարմին։

Նոր շենք[խմբագրել | խմբագրել կոդը]

19-րդ դարի վերջում հոսպիտալը կազմող բազմաթիվ փոքր տներն այլևս չէին համապատասխանում տեխնիկական և բժշկական պահանջներին։ Հետևաբար նախագծվել է նոր շենք քաղաքային շինարար-վարպետ Վորմսի կողմից։ Նախագծում Վորմսը հրաժարվել է կառուցել վանական եկեղեցի, որը վերականգնվել էր յուրաքանչյուր նախորդ հրդեհից հետո։ 1894 թվականին սկսվել է շինարարությունը, 1897 թվականին կայացել է Սուրբ Գեորգի հիվանդանոցի նոր շենքի բացումը։

Հիվանդանոցային շենքը բաղկացած է մի քանի մասնաշենքերից։ Կառուցվել է կարմիր կլինկերային աղյուսից` նեոգոթիկա ոճով։

Անկյունային ճակատամասը դիտարժան է հեռվից իր երկու աշտարակներով, որոնք մինչև 1945 թվականը ունեին վերնաճակատ։ Վերականգնման ընթացքում վերնաճակատն ու տանիքի վերևում գտնվող այս սալահատակը կորել են և պահպանվել են միայն երկու աշտարակները։ Նախկին բարձր տանիքը փոխարինվել է հարթ տանիքով։ Մուտքը զարդարված է գեղեցիկ գոթական պորտալով։

Կալինինգրադի Մորեխոդնայա 3 հասցեում գտնվող շենքերի համալիրն ընդգրկված է «Կալինինգրադ քաղաք» քաղաքային մշակութային ժառանգության օբյեկտների ցանկում։

Ներկայումս հոսպիտալի շենքում և հարակից երկու դպրոցներում տեղակայված է Կալինինգրադի ծովային ձկնարդյունաբերական քոլեջը։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Дата 13 сентября порождена опиской, см. Karl Faber. Die Haupt- und Residenz-Stadt Königsberg in Preußen. с.147

Արտաքին հղումներ[խմբագրել | խմբագրել կոդը]