Սուրբ Աստվածածին վանք (Արգելան)

Վիքիպեդիայից՝ ազատ հանրագիտարանից
Jump to navigation Jump to search
Սուրբ Աստվածածին վանք
Հիմնական տվյալներ
ՏեղագրությունՄեծ Հայքի Վասպուրական նահանգի Առբերանի գավառ
Առաջին հիշատակում13-րդ դար

Արգելանի Սուրբ Աստվածածին վանք, հայկական վանք Մեծ Հայքի Վասպուրական նահանգի Առբերանի գավառում, Ծաղկանց լեռների հարավային լանջին, բարձր քարաժայռի վրա։

Պատմություն[խմբագրել | խմբագրել կոդը]

Հիշատակվում է 13-րդ դարից, Տեր Հուսկանորդի Ստեփանոսի անվան հետ կապված։ 1251 թվականին, վերջինիս մահից հետո նրա գերեզմանի վրա, վանքից ոչ հեռու, հիմնվել է Բերկրիի Ս. Ստեփանոս վանքը, և երկու վանքերը մեկ միաբանություն են կազմել։ 15-րդ դարում դարձել է առաջնորդանիստ, այստեղ գործել է գրչության կենտրոն։ 1462 թվականին վանք է այցելել Աղթամարի Զաքարիա կաթողիկոսը։ 16-րդ դարում վանքում գործել են գրիչ և տաղասաց Եղիա Բերկրեցին ու Անդրեաս Արգելանցին։

19-րդ դարում վանքն ունեցել է ընդարձակ հողամասեր և արոտավայրեր։ Վանքի այսօր կանգուն եկեղեցին մեկ զույգ որմնամույթերով գմբեթավոր դահլիճ է, որի արտաքին ճակատների երեսապատման սրբատաշ քարերը շրջակայքի բնակիչները պոկել են[1]։

Ծանոթագրություններ[խմբագրել | խմբագրել կոդը]

  1. Հայկական հանրագիտարանի գլխ. խմբ., Քրիստոնյա Հայաստան հանրագիտարան, Երևան, «Հայկական Հանրագիտարան հրատարակչություն ՊՈԱԿ», 2002, էջ 142 — 1072 էջ, ISBN 5-89700-016-6։

Գրականություն[խմբագրել | խմբագրել կոդը]

  • Շերենց Գ., Սրբավայրեր, Թ., 1902:
  • Ոսկյան Հ., Վասպուրական-Վանի վանքերը, հ. 1, Վնն., 1940: