Սուրբ Աստվածածին եկեղեցի (Նովոչերկասկ)

Սուրբ Աստվածածին եկեղեցի;
Հիմնական տվյալներ
Տեսակ	եկեղեցի
Երկիր	Ռուսաստան
Տեղագրություն	Նովոչերկասկ և Դոնի զորքի մարզ
Դավանանք	ուղղափառություն
Հիմնական ամսաթվերը	1908
Հիմնադրված	1908

Սուրբ Աստվածածին եկեղեցի (ռուս.՝ Церковь Покрова Пресвятой Богородицы ), ուղղափառ (հնածիսական) նախկին տաճար Ռուսաստանի Դոնի զորքի մարզի Նովոչերկասկ քաղաքում։ Կառուցվել է 1908 թվականին, ճարտարապետական ոճը` էկլեկտիկա։ Գտնվել է Պոչտովայա փողոց, 39 հասցեում (այժմ` Պուշկինի փողոց, 41. այդ վայրում ներկայումս հրշեջ ծառայության № 5 մասի շենքն է)։

Պատմություն

XX դարի սկզբին Նովոչերկասկի հնածիսականները, զգալով ուղղափառ և հնածիսական եկեղեցիների միջև հարաբերությունների ջերմացումը, որը ստեղծվել էր 1905 թվականին Ռուսական կայսրության քաղաքացիներին խղճի, խոսքի, ժողովների և միությունների ազատություն շնորհող ցարական հրովարտակի հրապարակման կապակցությամբ, որոշեցին քաղաքում կառուցել հնածիսական տաճար։ Նրանց վիճակը թեթևացրեց նաև 1906 թվականի դավանանքի ազատության մասին օրենքը^[1]։

Այս նպատակով նովոչերկասկցի հնադավան կազակ Դմիտրի Ֆեոդորովիչ Բայդալակովը տաճարի կառուցման համար նվիրաբերեց Պոչտովայա փողոցի իր տան բակը երկու քարե տներով։ Ստանալով նոր եկեղեցի կառուցելու թույլտվությունը` հնածիսականները սկսեցին շինարարությունը և ավարտեցին 1907 թվականին։ Տաճարի ներսը պատկերազարդել է նկարիչ Իվան Ֆեոդորովիչ Պոպովը^[2], որը մասնակցել է Դոնի զորքի մայր տաճարի որմնանկարների ստեղծմանը։ Եկեղեցու ներսում, ըստ ժամանակակիցների, ստեղծվել է գեղեցիկ երկնագույն ոսկեզօծ պատկերակալ։ 1908 թվականի հոկտեմբերի 26-ին կայացել է այս հնածիսական տաճարի օծումը, որը կատարել է Մոսկվայից ժամանած հնածիսական արքեպիսկոպոս Յոհան Կարտուշինը, որին օգնել է եպիսկոպոս Թեոդոսիոսը։ Պետական իշխանությունը ներկայացնում էր զորական վարչական ատաման, հեծելազորի գեներալ Ալեքսանդր Վասիլևիչ Սամսոնովը^[1]։

1917 թվականի Հոկտեմբերյան հեղափոխությունից հետո եկեղեցին ոչնչացվել է։ Նույն Պոչտովայա փողոցում միմյանցից 300 մետր հեռավորության վրա գտնվել են երկու Նիկոլաևյան եկեղեցիներ. մեկը` ուղղափառ` Նիկոլայի հրապարակում (այժմ` Լևսկու հրապարակ), մյուսը` հնածիսական` Ալեքսանդրի այգու մոտ^[1]։ Դրանք նույնպես ավերվել են։

Պատկերասրահ

Պատմական լուսանկարներ
Եկեղեցու արտաքին տեսքը
Եկեղեցու ներքին տեսքը

Մատենագիտություն

«Епархиальные Ведомости», 1908 год.

Ծանոթագրություններ

Արտաքին հղումներ

Новочеркасск. Церковь Покрова Пресвятой Богородицы.

[vsobor-1] 1,0 ^1,1 ^1,2 Храмы Новочеркасска

[2] РЕЕСТР ПРОФЕССИОНАЛЬНЫХ ХУДОЖНИКОВ Российской империи, СССР, «русского зарубежья», Российской Федерации и республик бывшего Советского Союза

[1]

[2]