Սլովակիայի փոստ
Սլովակիայի փոստ | |
|---|---|
| Տեսակ | փոստային ընկերություն |
| Հիմնադրված է | հունվարի 1, 1993 |
| Հիմնադիր | Ministry of Transport and Construction of the Slovak Republic? |
| Վայր | Բանկա Բիստրիկա, Սլովակիա |
| Երկիր |  Սլովակիա |
| Արդյունաբերություն | mail? |
| Սեփականատեր | Սլովակիա |
| Կայք | posta.sk(սլովակ.) |
| Մասնակից է | ՀՓՄ |
Սլովակիայի փոստ (սլովակ.՝ Slovenská pošta), Սլովակիայի պետական փոստային ընկերություն, որը պատասխանատու է Սլովակիայի տարածքում փոստի սպասարկման հարցում։ Ձևավորվել է 1993 թվականի հունվարի 1-ին՝ Սլովակիայի ինքնավարության ու անկախության ճանաչումից հետո։ 2004 թվականի հոկտեմբերին անցել է պետական վերահսկողության տակ՝ վերածվելով սահմանափակ պատասխանատվությամբ բաց հանրային ընկերության։ Գտնվում է Սլովակիայի Հանրապետության տրանսպորտի, շինարարության և տեղական զարգացման նախարարության ենթակայության տակ։
Սլովակիայի փոստն ունի 1566 բաժանմունք ամբողջ երկրի տարածքում և Սլովակիայի խոշորագույն փոստային ընկերությունների մեջ երրորդ տեղն է զբաղեցնում։ Բացի փոստի ցրումից՝ այն զբավում է նաև փոստային նամականիշների թողարկմամբ և ունի սեփական թանգարան։ Ընկերության գլխավոր բաժանմունքը գտնվում է Բանսկա Բիստրիցայում[1]։
Պատմություն
[խմբագրել | խմբագրել կոդը]Սլովակիայի փոստը հիմնադրվել է 1993 թվականի հունվարի 1-ին՝ Փոստի ու հեռահաղորդակցության կառավարման վարչության (սլովակ.՝ Správa pôšt a telekomunikácií) բաժանումից հետո։ Այն մասնատվել է երեք ընկերությունների՝ Սլովակիայի փոստ, Slovenské telekomunikácie (ներկայումս՝ Slovak Telekom) և Poštová novinová služba, š.p. (ներկայումս՝ Prvá novinová spoločnosť, a.s.)։
2004 թվականի սեպտեմբեր 20-ին Տրանսպորտի, շինարարության և տեղական զարգացման նախարարության որոշումով այն վերածվել է սահմանափակ պատասխանատվությամբ հանրային բաց ընկերության։ Այս որոշումն ուժի մեջ է մտել 2004 թվականի հոկտեմբերի 1-ից։ 2006 թվականին Moody’s վարկանշային կազմակերպության տվյալներով Սլովակիայի փոստն արժանացել է բարձրագույն Aaa վարկանիշի, որը հաստատվել է 2014 թվականին։
2013 թվականին երեք տարվա ընթացքում առաջին անգամ փոստը ֆինանսական տարին ավարտել է մաքուր եկամտի դրական ցուցանիշներով՝ այդ միտումը պահելով նաև հաջորդ տարի (շահույթը կազմել է 4,91 միլիոն եվրո մինչև հարկերի մուծումը)[2][3][3]։ 2015 թվականին այն դուրս է եկել ապահովագրական շուկա՝ ձեռք բերելով PPB (վերանվանվել է Poštová poisťovňa, a.s.) ընկերության բաժնետոմսերի 20 %-ը[4]։
Գործունեություն
[խմբագրել | խմբագրել կոդը]Սլովակիայի փոստը երկրի առաջատար կազմակերպություններից է, որոնք փոստային ծառայություններ են մատուցում, կատարում են դրամական փոխանցումներ, ունեն համապատասախան լոգիստիկ պայմաններ Կենտրոնական ու Արևելյան Եվրոպայում գործունեություն իրականացնելու համար։ Ընկերությունը համարվում է eKolok համակարգի օպերատոր Սլովակիայում վարչական ու դատական ծախսեր հավաքելու գործում։ IOMO ծրագրի հիմնական գործընկերն է քաղաքացիներին տեղում պետական ծառայություններ մատուցելու խնդրով։
Գործունեության գնահատական
[խմբագրել | խմբագրել կոդը]Պարգևատրումներ
[խմբագրել | խմբագրել կոդը]- 2008 թվականին Սլովակիայի փոստը ստացել է Որակի ու բնապահպանական կառավարման արտոնագիր, որը համապատասխանում է STN EN 9001:2001 a STN EN ISO 14001:2005 ծառայություններին, ինչպես նաև դարձել է մարդկային ռեսուրսների ոլորտում HR Gold մրցանակի դափնեկիր։
- 2013 թվականին Սլովակիայի փոստը ստացել է «Národná cena Slovenskej republiky» մրցանակ որակի համար և բարձր գնահատականի արժանացել՝ համաձայն EFQM ստանդարտի։
- 2014 թվականին ծառայությունների համար արժանացել է SOPK մրցանակի։
Տուգանքներ
[խմբագրել | խմբագրել կոդը]2016 թվականին Սլովակիայի փոստը Էլեկտրոնային հեռահաղորդակցության և փոստային ծառայությունների վարչության կողմից տուգանվել է 3,500 եվրոյով սպասարկման ժամկետներին չհետևելու համար, մասնավորապես հաճախորդին 12 րոպեից ավել չսպասելու պահանջը չկատարելու համար։ Պահանջի չկատարման պատճառներից է եղել անձնակազմի քիչ թվաքանակը[5]։
Պատկերասրահ
[խմբագրել | խմբագրել կոդը]-
Սլովակիայի փոստի բաժանմունք №1 Շտուրովոյում -
Փոստի բաժանմունք Պրեշովում -
Սլովակիայի փոստի բաժանմունք №1 Դունայսկա Ստրեդայում -
Փոստային արկղ Բրատիսլավայում -
TAZ 1500 ավտոմեքենան փոստային ծառայություն իրականացնելիս
Ծանոթագրություններ
[խմբագրել | խմբագրել կոդը]- ↑ «Slovenská pošta - Subject of activity» (անգլերեն). Slovenská pošta. Վերցված է 2017 թ․ օգոստոսի 15-ին.
- ↑ «Účtovná závierka 2017» (PDF) (սլովակերեն). Banská Bystrica: Slovenská pošta, a. s. 2018 թ․ մարտի 22. Վերցված է 2019 թ․ մարտի 6-ին.
- ↑ 3,0 3,1 «Slovenská pošta, a.s.» (սլովակերեն). finstat.sk. Վերցված է 2019 թ․ մարտի 15-ին.
- ↑ «Najväčší zamestnávatelia na Slovensku za rok 2016» (սլովակերեն). finstat.sk. Վերցված է 2019 թ․ մարտի 15-ին.
- ↑ Daniela Krajanová (2018 թ․ հունվարի 29). «Na pošte sa nemá čakať viac než 12 minút, pošta za to už dostala pokutu» (սլովակերեն). Bratislava: Denník N. Վերցված է 2018 թ․ փետրվարի 1-ին.
Արտաքին հղումներ
[խմբագրել | խմբագրել կոդը]- Պաշտոնական կայք (սլովակ.) (անգլ.)
| ||||||
