Սիոսեփոլ

Վիքիպեդիայից՝ ազատ հանրագիտարանից
Picto infobox bridge1.png
Սիոսեփոլ
سی‌وسه‌پل‎
Si-o-se-Pol.jpg
Երկիր Իրան
Տեղանք Սպահան
Տեսակ քարե կամուրջ և կամարաձև կամուրջ
Հատում է Զաենդերուդ
Ժառանգության կարգավիճակ Իրանի ազգային ժառանգություն
Կոորդինատներ: 32°38′41.5284″ հս․ լ. 51°40′3.3384000000041″ ավ. ե. / 32.644869000° հս․. լ. 51.667594000000001131° ավ. ե. / 32.644869000; 51.667594000000001131
Si-o-se Pol Վիքիպահեստում
Սիոսեփոլ կամուրջը

Սիոսեփոլ (պարսկերեն սիոսե՝ «եռեսուներեք» և փոլ՝ «կարմուրջ» բառերից), Ալլահվերդի խանի կամուրջ, կամ Ջուղայի կամուրջ, Զայանդեռուդ գետի վրա։ Սպահանի տասնմեկ կամուրջներից ամենաերկարն է։ Կառուցվել է 1599-1602 թվականներին՝ Սեֆյան հինգերորդ արքա Շահ Աբաս Մեծի կամ Առաջինի օրոք։ Կամուրջը կազմում է Սպահանի կենտրոնական փողոցի՝ Չահարբաղի շարունակությունը և քաղաքը կապում է հայկական Նոր Ջուղա թաղամասի հետ։ Երկարությունը մոտ 297.76 մետր է, լայնությունը՝ 13.75 մետր։ Կամուրջն ունի երկու հարկ. վերևի հարկը կառուցված է աղյուսից, ներքևինը՝ քարից։ Սիոսեփոլը ծառայում է նաև որպես զբոսավայր։ Ամառվա ամիսներին, երբ գետի ջուրը նվազում է, կամրջի առաջին հարկը դառնում է մարդկանց հանգստի վայր, այնտեղ բացվում է թեյատուն։ Իսկ երբ ջուրը բարձրանում է, նույն դերն են կատարում կամրջի երկրորդ հարկի օթյակները, որոնք գտնվում են կամրջի երկու կողմերում։

Անվանումները[խմբագրել | խմբագրել կոդը]

  • Սիոսեփոլ բառացի նշանակում է 33 կամուրջ, քանի որ կամուրջն ունի 33 կամար։ Ասում են, որ նախապես եղել է 40 կամար, հետո 7-ը ավերվել են։
  • Ալլահվերդի խանի կամուրջ կոչվում է իր հիմնադրի անունով։ Ալլահվերդի խանը ազգությամբ եղել է հայ՝ ծնված Վրաստանում, որին Շահ Աբասը գերևարել է Պարսկաստան, դարձրել մուսուլման ու նշանակել իր զորքի գլխավոր հրամանատար։
  • Ջուղայի կամուրջ է կոչվում քանի որ կամրջի հարավային կողմում է գտնվում հայկական Նոր Ջուղա թաղամասը։[1]

Հղումներ[խմբագրել | խմբագրել կոդը]