Սենիխա Հիզալ
| Սենիխա Հիզալ | |
| |
| Կուսակցություն՝ | Հանրապետական ժողովրդավարական կուսակցություն |
|---|---|
| Կրթություն՝ | Ստամբուլի համալսարան |
| Մասնագիտություն՝ | քաղաքական գործիչ |
| Ծննդյան օր | 1897 |
| Ծննդավայր | Ադափազար, Թուրքիա |
| Վախճանի օր | հունիսի 22, 1985 |
| Վախճանի վայր | Թուրքիա |
| Քաղաքացիություն |  Թուրքիա
|
Սենիխա Հաֆիզ Հիզալ (1897, Ադափազար, Թուրքիա - հունիսի 22, 1985, Թուրքիա), թուրք մանկավարժ և քաղաքական գործիչ։ Թուրքիայի Ազգային մեծ ժողովի առաջին 18 կին անդամներից։
Կենսագրություն[խմբագրել | խմբագրել կոդը]
Սենիխա Հաֆիզը ծնվել է Հաֆիզի և նրա կնոջ՝ Հյուսնիյեի ընտանիքում 1897 թվականին։ Ֆաթիհի դպրոցում տարրական կրթություն ստանալուց հետո ավարտել է ուսումնարանն ու մանկավարժական քոլեջը։ 1918 թվականին ավարտել է Ստամբուլի համալսարանը՝ դառնալով այն ավարտած առաջին կանանցից մեկը[1]։
1934 թվականին ազգանունների մասին օրենքի ընդունումից հետո վերցրել է Հիրալ ազգանունը։ Ամուսնացած չի եղել։ Մահացել է 1985 թվականի հունիսի 22-ին[1]։
Կարիերա[խմբագրել | խմբագրել կոդը]
Համալսարանն ավարտելուց հետո աշխատել է կրթության ոլորտում։ Մասնավորապես դասավանդել է կենսաբանություն կանանց էրենկեյ լիցեյում, զբաղեցրել նաև կրթության ոլորտում տեսուչի պաշտոնը[1]։
1931 թվականին հիմնադրել է «Նոր Թուրքիա (թուրքերեն՝ Yeni Türkiye)» դպրոցը Շիշլիում և ընդհուպ մինչև քաղաքական կարիերայի սկիզբը զբաղեցրել է նրա տնօրենի պաշտոնը[1]։
Առաջադրվել է Ազգային մեծ ժողովի Հանրապետական ժողովրդական կուսակցության կողմից։ 1935 թվականին ընտրվել է Իլ Տրապիզոնից[1] և դարձել Թուրքիայի Ազգային մեծ ժողովի առաջին 18 կին անդամներից մեկը[2]։ ВԱնդամության ընթացքում ընդգրկված է եղել մի շարք կոմիտեների, այդ թվում՝ կրթության ոլորտի կոմիտեի կազմում։ 1936 թվականի հունիսի 13-ին ընդգրկվել է երեխաների պաշտպանության հասարակական Կոնգրեսի կազմում և ընտրվել նրա վարչության կազմում։ Հաջորդ ընտրություններում չի վերընտրվել, ուստի Հազալի քաղաքական կարիերան ավարտվել է 1939 թվականի ապրիլի 3-ին[1]։
Դրանից հետո մինչև 1954 թվականը կրկին աշխատել է կրթության ոլորտում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 Duroğlu, Sibel (2007). «Türkiye'de İlk Kadın Milletvekilleri» (PDF) (թուրքերեն). Ankara Üniversitesi Sosyal Bilimler Enstitüsü: 110–113. Արխիվացված է օրիգինալից (PDF) 2015 թ․ փետրվարի 7-ին. Վերցված է 2018 թ․ հոկտեմբերի 14-ին.
{{cite journal}}: Cite journal requires|journal=(օգնություն) - ↑ «Tarihe yön veren kadınlar». Հուրիեթ (թուրքերեն). 2007 թ․ մարտի 8. Վերցված է 2018 թ․ հոկտեմբերի 13-ին.