Սարգիս Խանոյան (գյուղատնտես)

Անվան այլ կիրառումների համար տե՛ս՝ Սարգիս Խանոյան (այլ կիրառումներ)

Սարգիս Խանոյան
Ծնվել է	1921
Ծննդավայր	Սուսեր, Հայաստան
Մահացել է	ապրիլի 14, 2003(2003-04-14)
Կուսակցություն	ԽՄԿԿ
Պարգևներ և մրցանակներ	և

Սարգիս Մեսրոպի Խանոյան (1921, Սուսեր, Հայաստան - ապրիլի 14, 2003(2003-04-14)), ՀԽՍՀ Թալինի շրջանի Արագածի այգեգործական սովխոզի տնօրեն, Սոցիալիստական աշխատանքի հերոս։ ԽՄԿԿ անդամ։ Հայրենական մեծ պատերազմի մասնակից։

Կենսագրություն

Ծնվել է 1921 թվականին Սուսեր գյուղում ծառայողի ընտանիքում։

Հայրենական մեծ պատերազմի մասնակից է։ Զորակոչվել է Հոկտեմբերյանի զինկոմիսարիատի կողմից։ Մասնակցել է մարտական գործողություններին իր գումարտակի հետ, սերժանտ, հրանոթի հրամանատար, հասել է Նովոռոսիյսկ քաղաք և ծանր վիրավորվել ոտքից, որից հետո ամբողջ կյանքում կաղացել է։

76-րդ մարտկոցի հրանոթի հրամանատար, սերժանտ Խանոյանը 1944 թվականին պարգևատրվել է «Արիության համար» մեդալով՝ հակառակորդի կրակակետերը ոչնչացնելու համար, ինչը նպաստել է հետևակի առաջխաղացմանը։ 6 ամիս բուժվել է հոսպիտալում, ազատվել է զինվորական ծառայությունից որպես II խմբի հաշմանդամ։

1946-1981 թվականներին եղել է գյուղատնտեսության աշխատող, ՀԽՍՀ Թալինի շրջանի Արագածի այգեգործական սովխոզի տնօրեն։

ԽՍՀՄ Գերագույն խորհրդի նախագահության 1973 թվականի դեկտեմբերի 12-ի հրամանագրով նրան շնորհվել է Սոցիալիստական աշխատանքի հերոսի կոչում՝ նրան հանձնելով Լենինի շքանշան և Մուրճ ու մանգաղ ոսկե մեդալ։

ԽՄԿԿ XXV համագումարի պատվիրակ (1976)։

Մահացել է Արագած գյուղում, 2003 թվականին։

Գրականություն

• Асрян А. Г. Герои Социалистического Труда Советского Союза // Герои армяне. — Ер.: Амарас, 2015. — С. 253—328. — 360 с.