Սան Ջորջո լեռ
| Սան Ջորջո լեռ | |
|---|---|
 | |
| Տեսակ | լեռ |
| Երկիր |  Շվեյցարիա |
| Վարչատարածքային միավոր | Տիչինո |
| Լեռնաշղթա | Q3663418? |
| Մասն է | Իտալիայի և Շվեյցարիայի սահման |
| Բարձրությունը ծովի մակարդակից | 1097 մետր |
| Հարաբերական բարձրություն | 758 մետր |
Սան Ջորջո լեռ (իտալ.՝ Monte San Giorgio), անտառածածկ լեռ Շվեյցարիայում։ Գտնվում է ծովի մակարդակից 1097 մ բարձրության վրա։ Լեռան ստորոտները ողողում են Լուգանո լճի ջրերը։ Լեռը գտնվում է Տիչինո կանտոնի հարավային մասում, Բրուսինոյի Արսիզիոյի, Ռիվա Սան Վիտալի և Մերիդեի միջև։ Սան Ջորջո լեռը դարձել է ՅՈՒՆԵՍԿՕ-ի Համաշխարհային ժառանգության օբյեկտ 2003 թվականին, քանի որ դա Տրիասի ժամանակաշրջանում ծովային կյանքի լավագույն հայտնի ապացույցն է և հավաքագրում է կյանքի կարևոր մնացորդներ նաև ցամաքում[1]։ Դեռևս 240 միլլիոն տարի առաջ այստեղ մերձարևադարձային կլիմա էր, և լեռան փոխարեն 100 մետր խորությամբ ծով է եղել։ Նրա ջրերում լողացել են նախապատմական սողուններ, ձկներ, փափկամարմիններ, խեցգետնակերպեր։ Արդեն դարեր ի վեր այս գտածոները դարձել են ակտիվ ուսումնասիրության օբյեկտներ, և դեռևս այստեղ շարունակվում են հնագիտական աշխատանքները։ Հիմնականում պեղումներն անցկացնում են Ցյուրիխի և Միլանի հետազոտողները։ Գտածոների հիմնական մասը պահպանվում է Ցյուրիխի Պալեոնտոլոգիական թանգարանում[2]։ Դրանց որոշ մասն էլ պահվում են Մերիդեի Սան Ջորջիոյի Բրածոների թանգարանում։ Վերջինս նախագծել է Տիչինոյի բնակիչ ճարտարապետ Մարիո Բոթթան։
Այս պատմական և գիտական արժեք ունեցող լանդշաֆտը հիմք է ծառայել, որպեսզի 2003 թվականին այն ներառվի ՅՈՒՆԵՍԿՕ-ի Համաշխարհային ժառանգության օբյեկտների ցանկում[3]։ 2010 թվականին իտալական Poncione d'Arzo լեռան արևմտյան հատվածը ևս ընդգրկվել է Համաշխարհային ժառանգության ցանկում՝ որպես ընդլայնում։ Սան Ջորջիո լեռը Երկիր մոլորակի երկրաբանական պատմության հիմնական ժամանակաշրջանների ցայտուն օրինակ է։ Բացի դրանից Սան Ջորջիոն հանդիսանում է նաև մարմարի արդյունահանման և բիտումային խեժերի պաշար։
Ծանոթագրություններ
[խմբագրել | խմբագրել կոդը]- ↑ Monte San Giorgio - UNESCO World Heritage Centre
- ↑ [1] Սան Ջորջիո լեռ Swissworld.org կայքում
- ↑ Сан-Джорджо на сайте ЮНЕСКО
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Սան Ջորջո լեռ» հոդվածին։ |
| ||||||||||
