Սան Խուան ամրոց (Բլանես)

Վիքիպեդիայից՝ ազատ հանրագիտարանից
Սան Խուան ամրոց
իսպ.՝ Castillo de San Juan
կատ.՝ castell de Sant Joan
Նկարագրություն
Տեսակդղյակ
Վարչական միավորԲլանես[1]
Երկիր Իսպանիա[1]
Կառուցված13-րդ դար
Կառուցողվիկոնտ Գրաու դե Կաբրերա
Ճարտարապետական ոճՌոմանական ճարտարապետություն
Քարտեզ
Քարտեզ
 Castell de Sant Joan de Blanes Վիքիպահեստում

Սան Խուան ամրոց (իսպ.՝ Castillo de San Juan, կատ.՝ castell de Sant Joan), պաշտպանական կառույց Իսպանիայի հյուսիս-արևելքում՝ Կատալոնիայի ինքնավար մարզի Ժիրոնա պրովինցիայի Բլանես քաղաքում[2]։ 1988 թվականի նոյեմբերի 8-ին Իսպանիայի մշակույթի նախարարության կողմից Սան Խուան ամրոցն ընդգրկվել է Իսպանիայի պատմամշակութային արժեք ունեցող հուշարձանների ցանկի մեջ՝ RI-51-0005812 գրանցման համարի տակ:

Պատմություն[խմբագրել | խմբագրել կոդը]

Սան Խուան ամրոցը տեղակայված է լեռան վրա՝ Լլորետ և Ֆենալս ծովափերի միջև։ Ամրոցն այդ տարածաշրջանի ամենահին շինությունն է. կառուցվել է հին հռոմեական ամրոցի ավերակների վրա վիկոնտ Գրաու դե Կաբրերայի հրամանով 13-րդ դարի կեսերին[3]։ Տեղակայված լինելով ծովի մակարդակից 173 մետր բարձրության վրա՝ Սան Խուան ամրոցն ապահովել է քաղաքի պաշտպանությունը ծովահենների նավերի հարձակումներից ու օտար նվաճողների ներխուժումից։ 16-րդ դարում, երբ ծովահեններնն առավել շատ էին հարձակվում ամրոցի վրա, որոշում է ընդունվել ամրոցի պատերից մեկի վրա կառուցել Պահակային աշտարակ։ Որոշ ժամանակ անց՝ նույն 16-րդ դարում, ամրոցը դարձել է իսպանացի ռազմական դիվանագետ Ֆրանչեսկո Մոնտսադի սեփականությունը։

Ամրոցի գոյության ընթացքում նրա որոշ հատվածներ ավերվել են։ Ավերված կառույցների մի մասը հաջողվել է վերականգնել իրենց նախնական տեսքով, իսկ Պահակային աշտարակը մնացել է գրեթե անվնաս։

Ներկայում Սան Խուան ամրոցը զբոսաշրջային կենտրոն է։ Նրա տարածքում գործում է թանգարան, որտեղ ներկայացված են շրջակա բնակավայրերի պատմությանը նվիրված ցուցանմուշներ[3]։

1949 թվականին Սան Խուան ամրոցն ստացել է ազգային պատմական հուշարձանի կարգավիճակ։

Ծանոթագրություններ[խմբագրել | խմբագրել կոդը]

  1. 1,0 1,1 Wiki Loves Monuments monuments database — 2017.
  2. Direcció General del Patrimoni Cultural de la Generalitat de Catalunya (ed.)։ «Castell de Sant Joan de Blanes»։ Inventari del Patrimoni Arquitectònic։ Վերցված է 19 հունվարի, 2016 
  3. 3,0 3,1 «Սան Խուան ամրոց. լուսանկարներ, նկարագրություն»։ votpusk.ru։ Վերցված է 22 սեպտեմբերի, 2016  (ռուս.)

Գրականություն[խմբագրել | խմբագրել կոդը]

  • Catalunya Romànica,vol. V El Gironès, La Selva i el Pla de l'Estany. Barcelona: Enciclopèdia Catalana, 1991, p. 271 a 272. ISBN 84-7739-262-5.

Արտաքին հղումներ[խմբագրել | խմբագրել կոդը]