Սամվել Երկնափեշյան

Սամվել Երկնափեշյան
Ծնվել է	1962 Երևան, Հայկական ԽՍՀ, ԽՍՀՄ
Աշխատավայր	Երևանի Կոմիտասի անվան պետական կոնսերվատորիա
Կրթություն	Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա

Սամվել Արտիկի Երկնափեշյան (1962, Երևան, Հայկական ԽՍՀ, ԽՍՀՄ), հայ սրնգահար, շվիահար։

Կենսագրություն

Սամվել Երկնափեշյանը ծնվել է 1962 թվականին Երևանում։ Սովորել է Երևանի Ռ. Մելիքյանի անվան ուսումարանի ակորդեոնի բաժնում (դասատու՝ Ա. Համբարձումյան)։ 1990 թվականին ավարտել է Երևանի պետական կոնսերվատորիան (սրինգ, Ա. Պետրոսյանի, Ս. Թորոսյանի դասարաններ), 1993 թվականին՝ ասպիրանտուրան (դիրիժորություն, ղեկ.՝ Հ. Ոսկանյան)։ 1978 թվականից նվագել է տարբեր պարախմբերում, 1985-1986 թվականներին՝ «Մարաթուկ» անսամբլում։ «Ղարս» անսամբլի հետ հանդես է եկել Իրանում (1993), «Կակաչ» պարախմբի հետ՝ Լիբանանում (1995)։ Համերգներով շրջագայել է նաև Ֆրանսիայում, Գերմանիայում, Իսպանիայում։ Մասնակցել է մի շարք փառատոների՝ որպես մենակատար և նվագակցող։

1981 թվականին սկսել է դասավանդել երաժշտական դպրոցներում, 2001 թվականից՝ Երևանի պետական կոնսերվատորիայում (շվի և սրինգ)։

Կազմել է «Փոխադրումներ, մշակումներ և օրիգինալ ստեղծագործություններ շվիի և սրնգի համար» (2008) ժողովածուն, համահեղինակ է «Երաժշտական և արվեստի դպրոցների ժողովրդական նվագարանների մասնագիտական ծրագրեր»-ի (2000)։

Մրցանակներ

1987 թվականին Սամվել Երկնափեշյանն արժանացել է Սայաթ-Նովայի անվան հանրապետական մրցույթի 3-րց մրցանակի (Երևան)։

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։