Սալտո Գրանդե կամուրջ
Սալտո Գրանդե կամուրջ | |
---|---|
Երկիր | Ուրուգվայ և Արգենտինա |
Տեսակ | ճանապարհային կամուրջ, միջազգային կամուրջ և երկաթուղային կամուրջ |
Հատում է | Ուրուգվայ |
Ճանապարհ | Argentina–Uruguay border? |
Բացման տարեթիվ | օգոստոսի 25, 1982 |
Սալտո Գրանդե կամուրջ (իսպ՝. Puente Salto Grande, թարգմանաբար նշանակում է «Մեծ ցատկ»), կամուրջ Արգենտինայի և Ուրուգվայի միջև սահմանային համարվող Ռիո Ուրուգվայ գետի վրա
Պատմություն[խմբագրել | խմբագրել կոդը]
Կամուրջը գցվել է Ռիո Ուրուգվայ գետի միջին հոսանքում 1974-1979 թվականներին գլխավորապես էներգետիկ նպատակներով կառուցված, շուրջ երեք հազար մետր երկարություն ունեցող ամբարտակի վրայով (ամբարտակի վաթսունինը մետր բարձրությունից գահավիժող ջրի հսկայական զանգվածն աշխատեցնում է տասնչորս գերհզոր գեներատորներ, որոնք, ընդհանուր հաշվով ապահովելով 1890 մեգավատտ հզորություն, բավարարում են երկու սահմանակից պետությունների էլեկտրաէներգիայի պահանջարկի զգալի մասը)։
Կամրջի շինարարությունն ավարտվել է 1982 թվականին։ Այդ նույն տարվա օգոստոսի 25-ին տեղի է ունեցել «Մեծ ցատկ» համարվող կառույցի բացման հանդիսավոր արարողությունը[1]։ Նրա վրայով գցվել են երկաթգիծ և ավտոմայրուղի, որոնք հնարավոր ամենակարճ ճանապարհով միմյանց են կապում ուղիղ գծով իրարից ընդամենը մի քանի կիլոմետր հեռավորության վրա գտնվող արգենտինական Կոնկորդիա (Էնտրե Ռիոս պրովինցիա) և ուրուգվայական Սալտո (Սալտո դեպարտամենտ) քաղաքները։
Քանի որ կամուրջը բավարար լայնություն չունի, դրանով գնացք անցնելու ժամանակ ավտոմեքենաների երթևեկությունը դադարեցվում է (այդ նպատակով կամրջի երկու ծայրերին արգելափակոցներ են տեղադրված)։ Թեև այն էլ պետք է ասել, որ դա տեղի է ունենում ամսվա մեջ ընդամենը երեք-չորս անգամ, երբ բեռնատար գնացքով մեծածավալ բեռներ փոխադրելու անհրաժեշտություն է առաջանում։
Կամուրջը սպասարկում և դրա անխափան շահագործման համար պատասխանատվությունը կրում է Comisión Técnica Mixta de Salto Grande ընկերությունը։
Ծանոթագրություններ[խմբագրել | խմբագրել կոդը]
- ↑ «"EL FERROCARRIL ES LA EXPRESIÓN DE LA MADUREZ Y EL INTERÉS COMÚN EN UNA RELACIÓN BILATERAL HISTÓRICA "». Արխիվացված է օրիգինալից 2017 թ․ օգոստոսի 23-ին. Վերցված է 2018 թ․ հուլիսի 26-ին.
Տես նաև[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Comisión Técnica Mixta de Salto Grande
- Fundación Salto Grande Արխիվացված 2011-07-09 Wayback Machine
- Sitio del Organismo Regulador de Seguridad de Presas de Argentina
- Sitio uruguayo
Աղբյուրներ[խմբագրել | խմբագրել կոդը]
- EntreRiosTotal.com.ar (touristic website)
- Represa Salto Grande (Salto Grande Dam) from the Spanish Wikipedia