Սադուն Բ Արծրունի
| Սադուն Բ Արծրունի | |
|---|---|
| Ծնվել է | անհայտ[1] |
| Մահացել է | 1282[1] |
| Գերեզման | Տապանաքար Սաթունի[1] |
| Ազգություն | հայ |
| Մասնագիտություն | քաղաքական գործիչ և ռազմական գործիչ |
Սադուն Բ Արծրունի (անհայտ[1] - 1282[1]), հայ իշխան, քաղաքական և զինվորական գործիչ Մահկանաբերդի Արծրունիների տոհմից։
Սադուն Ա Արծրունու թոռը։ Եղել է Ավագ Զաքարյանի դուստր Խոշաքի կալվածքների կառավարիչը։
Ըստ Կիրակոս Գանձակեցու, հռչակված ըմբիշ և լեզուների (այդ թվում՝ մոնղոլերենի) գիտակ Սադուն Բ Արծրունին արժանացել է Հուլավու իլխանի հովանավորությանը, 1260-ին նշանակվել Սասուն գավառի կառավարիչը։ Օգտագործելով մոնղոլական իլխանության հետ կապերը՝ բարձր դիրքի է հասել Վրաց Դեմետրե թագավորի արքունիքում, 1271 թվականից ճանաչվել աթաբեկ (գահի խնամակալ) և ամիրսպասալաի (զորքերի սպարապետ)։ Շուտով ամուսնացել է Դեմետրի քույր Թամարի հետ և ստացել Դմանիս քաղաքը՝ շրջակայքով։
Սադուն Բ-ն նպաստել է երկրում հոգևոր-մշակութային կյանքի համար համեմատաբար տանելի պայմանների ստեղծմանը, հովանավորել Հաղպատավանքի միաբանությանը, մոնղոլների հարկերից ազատել վրացական Գարեջի վանքը և այլն։ Մասնակցել է Զագավանի հայոց եկեղեցաժողովին (1270)։ Թաղվել է Հաղպատի վանքում։
Ծանոթագրություններ
[խմբագրել | խմբագրել կոդը]Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 111)։ 
|