Ռուդոլֆ Ղևոնդյան
- Վիքիպեդիայում կան հոդվածներ Ղևոնդյան ազգանունով այլ մարդկանց մասին։
 | |
|---|---|
 | |
| Ծնվել է | մարտի 6, 1952[1] |
| Ծննդավայր | Ստավրոպոլ, ՌԽՖՍՀ, ԽՍՀՄ |
| Մահացել է | հուլիսի 17, 2019[2] (67 տարեկան) |
| Մահվան վայր | Բելգիա |
| Կրթություն | Երևանի պետական գեղարվեստա-թատերական ինստիտուտ (1973) |
| Քաղաքացիություն |  ԽՍՀՄ, .svg){kind=small} Հայկական ԽՍՀ և  Հայաստան |
| Մասնագիտություն | դերասան |
| Պարգևներ և մրցանակներ |  |
Ռուդոլֆ Ռուբենի Ղևոնդյան (մարտի 6, 1952[1], Ստավրոպոլ, ՌԽՖՍՀ, ԽՍՀՄ - հուլիսի 17, 2019[2], Բելգիա), հայ դերասան։ Հայաստանի վաստակավոր արտիստ (2017)[3]։
Կենսագրություն
[խմբագրել | խմբագրել կոդը]1969-1973 թվականներին սովորել է Երևանի գեղարվեստա-թատերական ինստիտուտի դերասանական ֆակուլտետում (Վ. Աճեմյանի արվեստանոց)։ 1973-2004 թթ աշխատել է Երևանի Սունդուկյանի անվան ազգային ակադեմիական թատրոնում` որպես դերասան։ 1990-ականներին որոշ ժամանակ բնակվել և աշխատել է Մոսկվայում։ Թատրոնում խաղացել է բազմաթիվ ներկայացումներում, որոնցից են` «Հարսնացուն հյուսիսից», «Ջոն արքա», «Խաչմերուկ», «Կորիոլան», «Հացավան», «Հատակում» և այլն։
Նկարահանվել է ավելի քան 20 ֆիլմերում, այդ թվում՝ «Նահապետ» (1977 թվական), «Արյուն» (1990 թվական), «Որտե՞ղ էիր, մարդ Աստծո» (1992 թվական), «Ընկեր Փանջունի» (1993 թվական), «Հարսնացուն Ջերմուկից» (1997 թվական), «Լռության սիմֆոնիա» (2001 թվական), «Ընտրություն» (2001 թվական), «Չգրված օրենք» (2003 թվական), «Սիրո աստղ» (2004 թվական) և այլն։
2004 թվականին տեղափոխվել է Բելգիա[4]։
Մահացել է Բելգիայում 67 տարեկան հասակում 2019 թվականի հուլիսի 16-ի ուշ երեկոյան, հիվանդանոցում երկարատև հիվանդությունից հետո։ Հուղարկավորված է Բելգիայում։
Ֆիլմագրություն
[խմբագրել | խմբագրել կոդը]- 1970 – Կրակոց սահմանի վրա
- 1976 – Եվ այնժամ դու կվերադառնաս – Կիմ
- 1977 – Քարե հովիտ – Վարոս
- 1977 – Նահապետ – Մուշեղ
- 1979 – Լեգենդ ծաղրածուի մասին
- 1981 – Լիրիկական երթ – Նաբի
- 1981 – Համեստ մարդը
- 1982 – Երջանկության մեխանիկա
- 1983 – Անուշ մայրիկը – էպիզոդիկ դեր
- 1983 – Տերը – էպիզոդիկ դեր
- 1984 – Ջոն արքա (ֆիլմ-ներկայացում) – Ֆիլիպ Ֆոկենբրիջ
- 1984 – Պատահար – Գուգուշ
- 1986 – Արձակուրդը ծովափին – էպիզոդիկ դեր
- 1986 – Մենավոր ընկուզենի
- 1986 – Քանի դեռ ապրում ենք…
- 1988 – Վերադարձնել անցածը – Էնրիկո Կարուզո (իտալացի օպերային երգիչ)
- 1990 – Արյուն
- 1991 – Անիծվածները – Գուգուշ
- 1992 – Որտե՞ղ էիր, մարդ աստծո
- 1992 – Ձայն բարբառոյ... – Մուստաֆա
- 1993 – Ընկեր Փանջունի
- 1995 – Ղարաբաղյան անավարտ օրագիր
- 1997 – Հարսնացուն Ջերմուկից
- 2001 – Տղամարդու գործ – Սև Հասան
- 2001 – Ընտրություն – Միքայել Յուրիկի
- 2001 – Լռության սիմֆոնիա – Սերո
- 2003 – Չգրված օրենք – Բաբիկ
- 2004 – Լոտոսի հարված 4։ Ադամանդ – Վրեժ Մուրադյան
- 2004 – Սիրո աստղ
- 2004 – Յարխուշտա
- 2010 – Վերադարձ (սերիալ) – Ալբերտ
- 2015 – Քարե Դարդ (սերիալ-սիտկոմ)
- 2017 – Նռան հատիկ (սերիալ)
Ծանոթագրություններ
[խմբագրել | խմբագրել կոդը]- ↑ 1,0 1,1 http://armradioarchive.am/ar/0WWS4iy
- ↑ 2,0 2,1 2,2 Մահացել է վաստակավոր արտիստ Ռուդոլֆ Ղևոնդյանը
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ սեպտեմբերի 21-ին.
- ↑ «Ռուդոլֆ Ղևոնդյան». Արխիվացված է օրիգինալից 2018 թ․ հունվարի 7-ին. Վերցված է 2018 թ․ փետրվարի 18-ին.
Արտաքին հղումներ
[խմբագրել | խմբագրել կոդը]
|
